Toshkentdagi Amerika Elchixonasi hamda GoViral tomonidan Markaziy Osiyo davlatlari uchun "Next30" loyihasi. Gʻoliblar Amerikada boʻlib oʻtadigan GoViral Network tadbirida ishtirok etish imkoniga ega boʻlishadi

Markaziy Osiyo davlatlari mustaqilligining 30 yilligini nishonlash maqsadida Toshkentdagi Amerika Elchixonasi tomonidan GoViral Next30 dasturini eʼlon qiladi. Unga koʻra, 1991-yil va undan keyin tugʻilgan Oʻzbekiston, Qozogʻiston, Qirgʻiziston, Tojikiston va Turkmanistonda yashovchi yoshlar biznes, ommaviy axborot vositalari, madaniyat, texnologiyalar, fuqarolik jamiyati sohalarida erishga yutuqlarini 300 soʻzdan iborat insho shaklida yozib topshirishlari soʻraladi. Inshoda Markaziy Osiyo davlatlari sizning gʻoyalaringiz orqali qanday qilib soʻnggi 30 yillikda yana-da samarali rivojlana olishi haqida ham yozishingiz soʻraladi.

Insholarni saralab olishda quyidagi mezonlarga asoslaniladi:

• Gʻoyalaringizni mamlakatingizga va mintaqaga taʼsiri;
• Tanlagan sohangizga qanchalik yangilik olib kirganligingizga koʻra;
• Media vositalari orqali taʼsir etish kuchiga qarab;
• Shu sohada kelgusida faoliyat yuritishni istagan yoshlarni ruhlantira olishiga koʻra saralab olinadi.

Tanlov gʻoliblari keyinchalik mintaqada boʻlib oʻtadigan barcha GoViral tadbirlariga qatnashishadi va kelgusi yilda Amerikada boʻlib oʻtadigan tadbirga yoʻllanmani qoʻlga kiritishadi. Shuningdek, tanlagan sohalari boʻyicha amerikalik eng kuchli mutaxassislar va innovatorlar bilan fikr almashish imkoniyatiga ega boʻlishadi.

• Nomzodlar 1991-yilda yoki undan keyin tugʻilgan boʻlishlari;
• Qozog'iston, O'zbekiston, Qirg'iziston, Tojikiston va Turkmaniston davlatlaridan bo'lishlari;
• Biznes, ommaviy axborot vositalari, madaniyat, texnologiyalar va fuqarolik jamiyati kabi sohalarda faoliyat olib borayotgan bo'lishlari kerak.

• Gʻoliblar Kelasi yil Amerikada boʻlib oʻtadigan Go Viral Network tadbiriga sayohat qilish;
• GoViral Networkning barcha mintaqaviy tadbirlariga qatnashish;
• Ommaviy axborot vositalari, biznes, madaniyat va texnologiyalar sohasidagi amerikalik mutaxassislar va innovatorlar bilan uchrashish, fikr almashish imkoniyatiga ega boʻlishadi.

1. Quyidagi link orqali roʻyxatdan oʻtib soʻralgan savollarga javob berishingiz talab etiladi
2. O'zingizning sohangizdagi innovatsiyalar orqali Markaziy Osiyo kelajagiga qo'shgan hissangizni tavsiflovchi 300 ta so'zli essay yozishingiz kerak

Natijalar 13-avgustda eʼlon qilinadi, gʻoliblar esa 17-sentyabrda eʼlon qilinadi.

Qoʻshimcha maʼlumotlar uchun Go Viral ijtimoiy tarmoq sahifalari:

Instagram | Facebook | Telegram | YouTube