Toshkentdagi Amerika Markazi tomonidan
  • 27/07/2022 Qabul boshlanishi
  • Bepul Moliyalash turi
  • Oʻzbekiston Davlat
  • 05/08/2022 23:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    O'zbek tili
  • Yosh chegarasi
    16 yoshdan

Doʻstlar bilan ulashing

Umumiy maʻlumotlar

Toshkentdagi Amerika Markazi tomonidan "Python Online Learning" boshlang'ich dasturlash kursiga start berilmoqda. Unda 16 yosh va undan katta kodlashni oʻrganishga kuchli ishtiyoqqa ega O'zbekiston fuqarolari ishtirok etishlari mumkin.

Kurs 3 oy davom etadi va qatnashchilar saralash orqali qabul qilinadilar. Kurs davomida qatnashchilar Python dasturlash sintaksidan foydalanib Python dasturlash paketlari yordamida maʼlumotlar bilan ishlashni va maʼlumotlarni grafik tasvirlashni oʻrganadilar. 

Onlayn kursning boshlanishida ishtirokchilar kichik jamoalarga biriktiriladilar va har bir jamoaga muayyan mavzu boʻyicha loyiha ustida ishlash tayinlanadi. Ishtirokchi jamoalar kursning yakunida oʻz loyihalarini taqdim qiladilar. Kurs jonli maʼlumotlarni vizuallashtirish, jumladan, COVID-19 pandemiyasi bilan bogʻliq maʼlumotlar toʻplamlari bilan ishlashni oʻz ichiga qamrab oladi.

Kurs 17-avgustda boshlanib, har hafta chorshanba kuni Zoom orqali dars oʻtiladi. Darslar ikki soat davom etadi. Kurs ishtirokchilari uch guruhga boʻlinib, ular quyida belgilangan vaqtda Zoom darslarga kiradilar:

  • 1-guruh soat 10:00 da
  • 2-guruh soat 14:00 da
  • 3-guruh soat 18:00 da

Arizalar 2022-yil 5-avgustgacha shu kuni ham qabul qilinadi.

Maqbullik shartlari

  • Kursga 16 yosh va undan katta boʻlgan Oʻzbekiston fuqarolari ariza topshirishlari mumkin; 
  • Nomzodlar shaxsiy kompyuter haqida dastlabki bilimlarga ega bo‘lishi va ulardan qanday foydalanishni bilishlari kerak; 
  • Kurslar onlayn boʻlganligi sababli internetga ulana oladigan shaxsiy kompyuterlari boʻlishi kerak;
  • Kodlashni oʻrganishga kuchli ishtiyoqni koʻrsata olishi kerak;
  • Darslarda berilgan koʻrsatmalarga asosan oʻz ustida mustaqil ishlash olishi;
  • Dastur tomonidan belgilangan kun va soatlarda kursda onlayn rejimda qatnasha olish imkoniyati boʻlishi kerak.

Eslatma: Kurs boshlanishidan oldin nomzodlardan shaxsini tasdiqlovchi hujjat talab qilinadi, masalan, pasport yoki metrka asl nusxasi

Kursga qatnashish uchun nomzodlarga qoʻyilgan talablar bilan ushbu havola orqali batafsil tanishib chiqish mumkin.

Foydali tomonlari

  • Python Online Learning kursini tugatgandan soʻng, ishtirokchilar Python dasturlash tilining tegishli paketlari (modullari) yordamida maʼlumotlarni olish, tekshirish, formatlash, vizuallashtirish va tahlil qilishni amalga oshira oladilar;
  • Shuningdek, Python dasturiy taʼminoti va paketlarini oʻrnatish va ishga tushirishni oʻrganish; veb-kompilyatorlardan foydalana olish;
  • Python asosiy sintaksisini va (maʼlumotlar) analitik kutubxonasini oʻrganish;
  • Pythonning tegishli vizualizatsiya va analitik modullari (Pandas, Matplotlib, NumPy, SciPy, Scikitlearn va boshqalar) yordamida COVID-19 bilan bogʻliq axborot-maʼlumotlarni tahlil qilish;
  • Grafik-tasvirlar yaratish, massivlar yaratish /jadvallarni saralash, hisob-kitoblarni amalga oshirish, vizualizatsiyani optimallashtirish va boshqa bilimlarni kurs davomida mukammal o‘ragnish imkoniyatiga ega bo‘lishadi.

Kurs davomida beriladigan bilimlar haqida ushbu havola orqali batafsil tanishib chiqish mumkin.

Hujjat topshirish

Kursda ishtirok etish uchun ushbu ariza shaklini toʻldirib 5-avgustgacha shu kuni ham yuborish mumkin.

Kursga ariza shaklini toʻldirish va tanlov jarayoni haqida

  • Ushbu kursga qabul qilish kurs talablariga muvofiqlik va imtihon (onlayn test) asosida amalga oshiriladi;
  • Kurs ishtirokchilari ikki bosqichda tanlanadi: (1) anketa toʻldirish bosqichi (anketa sifati va kursga muvofiqlik mezonlari asosida nomzodlar roʻyxatiga kiritiladi) va (2) onlayn imtihon bosqichi (saralangan talabgorlar onlayn testga taklif qilinadi) va umumiy tanlov mezonlariga eng yaxshi javob beradigan qatnashchilar tanlanadi;
  • Saralangan nomzodlar uchun baholash ariza topshirish muddati tugagan kundan boshlab 4 kun ichida amalga oshiriladi;
  • Sinovdan muvaffaqiyatli oʻtgan nomzodlar kurs boshlanishidan 3 kun oldin email yoki telefon orqali xabardor qilinadi;
  • Onlayn kurs 2022 yil 17-avgust, Chorshanba kuni boshlanadi.

Eslatma: 

  • Kursga qabul qilishda yuqoridagi mezonlardan tashqari, dasturlashni (va umuman AKT sohasi boʻyicha) harakat qilib koʻrmagan, lekin kodlashni oʻrganishga va dasturlash usullari va vositalaridan foydalangan holda muammolarni hal qilishga kuchli ishtiyoq koʻrsatgan ishtirokchilarga koʻproq ustunlik beriladi;
  • Kurs ishtirokchilari guruhining gender muvozanati ham qisqa roʻyxatga olish jarayonida hisobga olinadi;
  • Kurs maʼmuriyati malakali nomzodlar bilan aloqa qilish bilan bogʻliq texnik muammolar yuzaga kelganda ular bilan bogʻlana olmaganlik uchun javobgarlikni oʻz zimmalariga olmaydilar.

Qoʻshimcha maʻlumotlar

Kurs instruktori bilan bogʻlanish: qyunusov@gmail.com

Oʻzbekiston
Toshkentdagi Amerika Markazi tomonidan "Python Online Learning" boshlang'ich dasturlash kursi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar