Toshkentdagi Amerika Markazidan onlayn kurs va loyihalarni qo'llab-quvvatlash uchun $1000 dan $8000 gacha bo'lgan grantlar dasturi

Toshkentdagi Amerika Markazi onlayn loyihalarni qo'llab quvvatlash uchun grant dasturini e'lon qiladi.

Sizda jamiyatda ijobiy o'zgarishlarni amalga oshiradigan onlayn loyihangiz bormi? Siz orzu qilgan loyihani amalga oshirish uchun mablag' kerakmi? U holda, ushbu noyob imkoniyatdan foydalanib, American Center Tashkent (ACT) grantiga ariza topshirishingiz mumkin! ACT quyidagi loyihalarni $1000 dan $8000 dollargacha bo'lgan grant bilan qo'llab-quvvatlashga tayyor. 

Loyihalar quyidagi yo'nalishlardan birida bo'lishi kerak: 

• Komputer va internet savodxonligi kurslari;
• Ayollar diskussiya klubi;
• Jamiyatda ayollar roli va imkoniyatlarini oshirish;
• Munozaralar klubi (Debate clubs)
• Digital storytelling;
• Jurnalistika darslari;
• Media savodxonligi.

• Loyihalar quyidagi yo'nalishlardan biriga mos tushishi: komputer va internet savodxonligi kurslari, ayollar diskussiya klubi, munozaralar klubi (Debate clubs), digital storytelling, jurnalistika darslari, media savodxonligi;
• Loyihalar onlayn o'tkazilishi shart, oflayn loyihalar qabul qilinmaydi;
• Loyiha grantga ariza bergan odam tomonidan shaxshan o'tkazilishi kerak. Ishchilar qabul qilishga ruxsat berilmaydi.

• Eng yaxshi 6 ta loyiha $1,000 dan $8,000 gacha grant bilan mukofotlanadi

1. Hujjat topshirish uchun ushbu havola orqali ariza shaklini olishga so'rov yuborish kerak.
2. Ariza shakli ingliz tilida to'ldirishi shart.
3. Loyihani amalga oshirishdan aniq maqsadlar va vaqt rejasi ko'rsatilishi kerak.
4. Loyihaga ketadigan xarajatlar aniq qilib AQSH dollarda ko'rsatilishi kerak.

G'oliblar quyidagi mezonlar asosida tanlab olinadi:

1. Dastur yo'nalishlari va maqsadlariga qay darajada mos tushishi
2. Arizaning umumiy sifati, maqsadlar va rejalar aniqligi
3. Ariza beruvchi loyihani amalga oshirishga qay darajada qobiliyatli ekanligi
4. Budjetning reallikka yaqinligi

Qo'shimcha ma'lumotlar uchun tashkentact@gmail.com emailiga murojaat qiling.