Toshkentdagi Coca Cola İçecek kompaniyasida menejment sohasida amaliyot oʻtash imkoniyati — Next Talent Program 2025
-
08/05/2025 Qabul boshlanishi
-
Bepul Moliyalash turi
-
Oʻzbekiston Davlat
-
15.06.2025 Oxirgi muddat
Umumiy maʻlumotlar
Toshkentdagi Coca Cola İçecek kompaniyasidan menejment sohasida amaliyot oʻtash imkoniyati — Next Talent Program 2025 taqdim etiladi.
Dastur 9 oyga moʻljallangan boʻlib, u yosh isteʼdodlarni Coca-Cola Tizimining eng yirik shisha ishlab chiqaruvchilardan biri boʻlgan Coca-Cola İçecek (CCI) dinamik ekotizimida faoliyat olib borishga chorlaydi.
Interfaol loyihalar va treninglar orqali ishtirokchilar amaliy tajribaga ega boʻladi, yetakchilik qobiliyatini oshiradi va asosiy biznes faoliyati boʻyicha maxsus tajribaga ega boʻladi. Dastur savdo, moliya, inson resurslari, marketing, taʼminot zanjiri va jamoatchilik bilan aloqalar boʻyicha isteʼdodni namoyish qilish uchun ajoyib imkoniyatdir.
Maʼlumot uchun: CCI (Coca Cola İçecek) — Turkiya, Pokiston, Qozogʻiston, Iroq, Oʻzbekiston, Bangladesh, Ozarbayjon, Qirgʻiziston, Iordaniya, Tojikiston, Turkmaniston va Suriyada faoliyat yurituvchi koʻp millatli ichimliklar kompaniyasi. Kompaniya gazlangan va gazsiz ichimliklar ishlab chiqaradi, tarqatadi va sotadi. Shuningdek, CCI 12 ta mamlakatda faoliyat olib borayotgan qayta ishlab chiqarish zavodlariga ega. Ularda 10 000 dan ortiq xodim 600 million aholiga xizmat koʻrsatadi.
Dastur haqida batafsil ushbu havola orqali maʼlumot olish mumkin.
Maqbullik shartlari
- 2025-yilda biznes boshqaruvi, ijtimoiy fanlar va muhandislik boʻyicha bakalavr yoki magistr darajasini olgan yoki endi bitiradigan talabalar qatnashishi mumkin;
- Oʻqishni tugatgandan keyin maksimal 1 yillik ish tajribasi soʻraladi;
- 2025-yil 1-avgustdan boshlab toʻliq ish kunida ishlay olish kerak (2026-yil aprelga qadar);
- Haydovchilik guvohnomasiga ega boʻlish afzal koʻriladi;
- Ingliz tilini dasturda qatnashish darajasida bilish lozim (sertifikat soʻralmaydi biroq ariza topshirishda ingliz tilni qay darajada bilishini koʻrsatish kerak);
- Talab qilinganda ish joyining koʻchirilishiga rozilik.
Mavjud boʻlimlarda amaliyot oʻtash uchun kerak boʻlgan yoʻnalishlar:
- Supply Chain department (Taʼminot boʻlimi) uchun: kimyo, elektrotexnika va elektronika, oziq-ovqat va mexanika yoki mexatronika muhandisligi talabalari;
- Finance department (Moliya boʻlimi) uchun: ACCA yoki Buxgalteriya hisobi va moliya boʻyicha;
- Sales & Marketing departments (Savdo va marketing boʻlimlari) uchun: BA (Preferably Business Administration), marketing, grafik dizayn, iqtisod yoki psixologiya.
Foydali tomonlari
- Yuqori oʻsish muhitidagi yetakchi brendda amaliyot oʻtash;
- Kasbiy rivojlanishni tezlashtirish;
- Mos ish haqi va ijtimoiy imtiyozlar to‘plami beriladi;
- Yetakchilar jamoasi tomonidan mentorlik qilinadi.
Maʼlumot uchun: Market competitive benefits package (bozorda raqobatbardosh imtiyozlar paketi) bu xodimlarga taqdim etiladigan imtiyozlar boʻlib odatda ular isteʼdodlarni jalb qilish va saqlab qolishga qaratilgan boʻladi. Ushbu paket tibbiy sugʻurta, pensiya jamgʻarmasi (kelajak uchun ishlash davomida pulni tejash va investitsiya qilishning tizimli usuli), pullik taʼtil va boshqa imtiyozlarni oʻz ichiga oladi.
Qoʻshimcha maʻlumotlar
Dasturga hujjat topshirish uchun oxirgi muddat: 15-iyun, 2025-yil.
Quyidagi ijtimoiy tarmoqlar orqali qoʻshimcha maʼlumot olish mumkin: