Toshkentdagi Koreya taʼlim markazidan koreys tilini oʻrganish uchun onlayn va oflayn shakldagi bepul kurs

Toshkentdagi Koreya Taʼlim markazi 13 yoshdan katta boʻlgan barcha Oʻzbekiston fuqarolari uchun 3 oy (2 semestr) davomida koreys tilini mutlaqo bepul oʻrganish imkoniyatini taqdim etadi. 

Kursga arizalar 2023-yilning 14-avgustdan 18-avgustgacha onlayn tarzda markaz saytida qabul qilinadi. 

Kursda ikki bosqichda oʻqitish uchun saralash oʻtkaziladi:

• Koreys diasporasi uchun guruhlarda darslar rus tilida olib boriladi;
• ONLAYN dars guruhlari: 1 bosqich (110-111), 2 bosqich (210-guruh), 3 bosqich (307-guruh);
• Ushbu guruhlarga yakuniy imtihon jadvalga muvofiq Koreya Taʼlim markazida oʻtkaziladi.

Koreys tili kurslari 4-sentabrdan 15-dekabrgacha davom etadi. Darslar haftasiga 2 marta: dushanba-payshanba, seshanba-juma oʻtkaziladi.

Kurs haqida batafsil ushbu havola orqali tanishib chiqish mumkin.

• 13 yoshdan katta boʻlgan barcha Oʻzbekiston fuqarolari qatnashishi mumkin;
• Viloyatda yashovchilar uchun kurs onlayn tashkil etiladi;
• Kurslar oʻzbek va rus tillarida olib boriladi;
• Kursda TOPIK, Sejong oʻquv markazidan olingan va boshqa koreys tili sertifikati borlar ham qatnashishi mumkin;
• Onlayn oʻqimoqchi boʻlgan nomzodlar internet va kompyuterni erkin ishlata olishi hamda Telegram, Zoom platformalaridan bemalol foydalana olishi maqsadga muvofiq.

Eslatma: Faqat viloyat talabalari (1-bosqich uchun: 110, 111-guruh; 2-bosqich uchun: 210-guruh, 3-bosqich uchun 307-guruh) darslar ONLAYN tarzda oʻtkaziladi. 

• Kursda 1 semestr davomida koreys tilini o'rganish va sertifikat olish mumkin.

2023-yil 14-18-avgustgacha 1–6 bosqich va “Koreya universitetlarida taʼlim” kursiga tinglovchilar www.tashkec.uz sayti orqali onlayn roʻyxatdan oʻtadilar.

Kerakli hujjatlar:

• Pasport / ID yoki tugʻilganlik toʻgʻrisidagi guvohnomaning JPG formatidagi skaner qilingan nusxasi;
• Oxirgi 6 oy ichida olingan 3,5*4,5 sm (414*531pix) JPG formatidagi rangli fotosurat;
• Koreys tili kursi sertifikatining skanerlangan nusxasi yoki TOPIK sertifikati nusxasi JPG formatida (2-6 bosqichlar uchun). 

Ariza berishda quyidagilarni tanlash mumkin:

• 101-109, 121-guruhlar: taʼlim rus tilida;
• 112-113-guruhlar: koreys diasporasi vakillari uchun;
• 115-120-guruhlar: taʼlim oʻzbek tilida;
• 110-111 guruhlar: ONLAYN taʼlim.

(1-semestr davomida oʻqish uchun atigi 100,000 soʻm badal toʻlash lozim).

Muhim: 1-bosqichda oʻqiydigan tinglovchilar kompyuterda qurʼa tashlash yoʻli bilan tanlab olinadi.

• Kompyuterda qurʼa tashlash orqali tinglovchilarni aniqlash sanasi: 2023-yil 21-avgust (15:00);
• 1-bosqichga qabul qilingan tinglovchilar roʻyxatlarini eʼlon qilish: 2023-yil 22-avgust (12:00).

Eslatma: Qurʼa tashlash natijalari toʻgʻrisidagi maʼlumotlar SORK tomonidan telefon orqali taqdim etilmaydi! Veb-saytdan natijalarni koʻrish lozim.

Qoʻshimcha maʼlumotlar uchun: 

+99871 291-81-82;

+99871 291-81-83.

Manzil: Toshkent, Mirobod tumani, Tallimarjon koʻchasi. Moʻljal: “Furqat” bogʻi; “Elektroapparat” zavodi.