Toshkentdagi Piza universiteti filiali va “Imkon Uzbekistan” jamoat birlashmasidan taʼlim granti. Umumiy grant miqdori — 281,2 mln soʻm!

Toshkent shahridagi Piza universiteti filiali va “Imkon Uzbekistan” jamoat birlashmasi tomonidan “Metsenat” loyihasi doirasida umumiy 281,2 mln soʻm miqdoridagi taʼlim grantini taqdim qiladi. Grantning asosiy maqsadi oʻquv toʻlovlarini toʻlashga qiynalayotgan, ammo yuqori isteʼdod va salohiyatga ega boʻlgan, kam taʼminlangan 2 nafar talabaga moliyaviy yordam koʻrsatishdir. Shuning uchun ham nomzodlarning moliyaviy ahvoli va nogironligi hisobga olinadi.
Grant Toshkent shahridagi Piza Universiteti filialidagi quyidagi ikkita yoʻnalishga beriladi:

• Geologiya;
• Ekologiya.

Grant uchun saralash ikki bosqichda amalga oshiriladi:

• Onlayn ariza topshirish;
• Suhbat.

Dastur haqida batafsil ushbu havola orqali maʼlumot olish mumkin.

• Oʻzbekiston Respublikasining barcha hududlaridan nogironligi boʻlgan umumtaʼlim maktablari, kollej va litseylarning bitiruvchilari qatnashishi mumkin;
• Ishtirokchilar Piza universiteti filialidagi geologiya va ekologiya yoʻnalishlaridan birida taʼlim oladigan yuqori salohiyatga ega, kam taʼminlangan talabalar boʻlishi lozim;
• Ingliz tili (B1 darajasi) va rus tilini bilish talab qilinadi.

Nomzodlarga qoʻyilgan talablar bilan batafsil ushbu havola orqali tanishib chiqish mumkin.

• Grant 4 oʻquv yili davomida beriladi;
• Dastur doirasida bir stipendiat uchun quyidagi grantlar taqdim qilinadi:
  • 118 mln soʻm miqdoridagi grant;
  • Talabalar turar joyi uchun 22,6 mln soʻm ajratiladi;
  • Kitoblar va amaliyot bilan taʼminlanadi.

• Ariza topshirish ushbu platformadagi “Metsenat” boʻlimi orqali amalga oshiriladi;
• Arizaga quyidagi hujjatlar ilova qilinishi kerak:
  • Pasport yoki shaxsiy guvohnoma nusxasi;
  • Toshkent shahridagi Piza universiteti filialiga oʻqishga kirish uchun ariza;
  • oʻrta yoki oʻrta maxsus maʼlumot toʻgʻrisidagi guvohnoma yoki diplom;
  • Talaba nogiron boʻlgan taqdirda tibbiy muassasalardan maʼlumotnomalar;
  • talabaning iqtidori va faolligini tasdiqlovchi qoʻshimcha hujjatlar (diplomlar, diplomlar va sertifikatlar – mavjud boʻlsa); 
  • Motivatsion xat;
  • Tilni bilish sertifikati (mavjud boʻlsa).
• Maxsus kengash aʼzolari 10 ish kuni ichida nomzodlarning taqdim etilgan hujjatlarini oʻrganib, ikkinchi bosqichga qoʻyiladigan nomzodlar roʻyxatini shakllantiradi.

• Ariza joylashtirishda yuzaga keladigan muammolar yuzasidan ushbu havola orqali moderatorlar yordamidan foydalanish mumkin;
• Oxirgi muddat: 30-iyul, 2023-yil.