Transversalidades: Photography without frontiers 2025 — barcha uchun xalqaro foto tanlov; umumiy mukofot jamgʻarmasi €6,300

Transversalities: Photography without frontiers 2025 — butun dunyo boʻylab jamiyatlar, turli hududlar va madaniyatlarni aks ettiruvchi fotosuratlar tanlovi.

Hududiy hamkorlikni rivojlantirish vositasi sifatida tasvirdan foydalanadigan ushbu loyihaning asosiy maqsadlaridan biri bu dunyoning turli burchaklaridan boʻlgan hududlarni oʻrganish, mahalliy landshaftlar, madaniyatlar va merosni yaxshilashga koʻmaklashish hisoblanadi; jamiyatlar oʻrtasida tajriba va bilim almashinuvini ragʻbatlantirishdir.

Fotosuratlar quyidagi mavzulardan birida bo'lishi lozim:

1. Landshaftlar, biologik xilma-xillik va tabiiy meros: Tabiiy resurslar va xavflar; tabiiy hududlardan foydalanish, boshqarish va rejalashtirish; kontekstlarning xilma-xilligi va inson va atrof-muhit oʻrtasidagi aloqa va boshqalar.
2. Qishloq joylari, qishloq xoʻjaligi va aholi punkti: Tovarlar va qishloq xoʻjaligi mahsulotlari, qishloq joylarini tashkil etish; joylar va qishloq arxitekturasi, harakatchanlik va boshqalar.
3. Shahar va urbanizatsiya jarayoni: Shahar, arxitektura, regeneratsiya va urbanizatsiya jarayonlari; landshaftlar, shahar muhiti va tajribalari va boshqalar.
4. Madaniyat va jamiyat: madaniy xilma-xillik va ijtimoiy inklyuzivlik: madaniy meros, turmush tarzi va ijtimoiy sharoitlar; qashshoqlik va ijtimoiy chetlanishga qarshi kurash va boshqalar.

Tanlov haqida batafsil rasmiy sayt orqali maʼlumot olish mumkin.

Talablar:

• Tanlovda ishtirok etish uchun yosh chegarasi koʻrsatilmagan;
• Har bir ishtirokchi 6 ta fotosuratdan iborat portfelni taqdim etishi mumkin;
• Fotosuratlar belgilangan 4 ta mavzulardan biriga oid boʻlishi va taqdim etayotgan muallifning oʻzining ishi boʻlishi lozim.

Fotosuratlarga qoʻyiladigan talablar va ishtirok etish shartlari bilan batafsil rasmiy eʼlon orqali tanishib chiqish mumkin.

Umumiy mukofotlar:

• Eng yaxshi va eng toʻliq taqdim etilgan portfel muallifi uchun €1,500 miqdoridagi pul mukofoti taqdim etiladi — the Overall Winner.
• Har bir mavzu boʻyicha eng yaxshi va toʻliq portfel uchun gʻoliblarga €750 taqdim etiladi (jami 4 nafar).
• Hakamlar hayʼati tomonidan, shuningdek, 12 tagacha portfellar tanlanadi, ularning har biri €150 bilan taqdirlanadi.

1. Tanlovda ishtirok etish uchun onlayn ariza formasini toʻldirish lozim;
2. Ariza formasini toʻldirgandan soʻng ceibericos.transversalidades@gmail.com elektron pochta manziliga fotosuratlarni bitta .zip yoki .rar fayl formatida joʻnatish talab etiladi.

Onlayn arizada quyidagilar soʻraladi:

• muallif haqidagi shaxsiy maʼlumotlar;
• har bir fotosurat uchun tavsif.

Muhim:

• Har bir nomzod tanlovning bitta mavzusiga oid 6ta fotosuratdan iborat faqat bitta portfelni taqdim etishi mumkin;
• Fayl nomzod onlayn ariza formasida taqdim etgan pasport yoki boshqa shaxsni tasdiqlovchi hujjat identifikatsiya raqami bilan nomlanishi lozim;
• Fotosuratlar uchun belgilangan texnik talablar bilan batafsil rasmiy eʼlonning 4-bandida tanishib chiqish mumkin.

Hakamlar hayʼati qarori CEI rasmiy veb-saytida (www.cei.pt) 2025-yil 30-nоyabrgacha eʼlon qilinadi.