Turkiyada bakalavr bosqichi uchun oʻqish toʻlovi 100% gacha qoplanuvchi Koç University Scholarships for International Students grant dasturi
-
01/01/2022 Qabul boshlanishi
-
Bepul ta'lim Moliyalash turi
-
Turkiya Davlat
-
01.07.2022 Oxirgi muddat
Umumiy maʻlumotlar
Turkiyaning nufuzli Koç universiteti bakalavr dasturida oʻqimoqchi va oʻqishini koʻchirib oʻtkazmoqchi boʻlgan xorijiy talabalarga Koç University Scholarships for International Students dasturi orqali talabalarning oʻqish pulini qisman va toʻliq qoplovchi grantlarni taqdim etadi.
Grant uchun alohida ariza, hujjat taqdim etish soʻralmaydi. Grant Koç universiteti bakalavr bosqichida oʻqish uchun hujjat topshirgan va oʻqishini koʻchirib oʻtkazmoqchi boʻlgan barcha xorijiy talabalar orasidan yuqori akademik salohiyat va kuchli potensialga ega iqtidorli nomzodlarning qisman (50%) yoki toʻliq (100%) oʻqish pulini qoplab beradi. Tibbiyot sohasidagi bakalavr dasturlariga faqat 50% yoki 25% oʻqish pulini qoplab berishi mumkin.
Universitetda oʻqitish ingliz tilida olib borilganligi sababli nomzodlardan SAT yoki ACT test ballari soʻraladi. Lekin IELTS va TOEFL sertifikatlari qabul qilinmaydi.
Ushbu havola orqali universitetda oʻqish toʻlovlari va grant dasturi haqida batafsil maʼlumot bilan tanishib chiqish mumkin.
Maqbullik shartlari
Grant dasturi uchun quyidagi talablar mavjud:
- Nomzod universitet qabul talabalariga javob berishi kerak;
- Nomzod Koc universiteti bakalavr dasturlariga toʻliq ariza va hujjatlarni taqdim etgan boʻlishi kerak;
- Nomzod taqdim etgan arizasi orqali kuchli salohiyat va yuqori potensialga ega ekanligini koʻrsatib bera olishi lozim.
Nomzodlar Koç universitetida bakalavr dasturiga hujjat topshirish uchun quyidagi asosiy talablardan biriga javob berishi kerak:
- SAT yoki ACT test ballariga ega boʻlishi kerak;
- Xalqaro darajadagi taʼlim diplomiga ega boʻlishi kerak (IB, GCSE, French Baccalaureate, ABITUR).
Muhim: Koç universiteti IELTS va TOEFL test ballarini qabul qilmaydi.
Foydali tomonlari
- Grant bakalavr bosqichi talabasining akademik yutuqlari va salohiyatiga qarab qisman(50%) yoki toʻliq(100%) oʻqish pulini qoplaydi.
- Tibbiyot sohasidagi dasturlar uchun faqat 25% yoki 50% oʻqish pulini qoplovchi grant taqdim etiladi.
Qoʻshimcha maʻlumotlar
Tez-tez soʻraladigan savollar boʻlimi — FAQs.
Ushbu havola orqali Koç universitetida oʻqish uchun onlayn ariza toʻldirish boʻyicha video qoʻllanmani koʻrish mumkin.