Turkiyada turk tili va madaniyatini to'liq grant asosida chuqur oʻrganish imkoniyati — KatipAta

Davlat amaldorlari, diplomatlar, akademiklar va tadqiqotchilarga turk tili va madaniyatini chuqur oʻrganish imkoniyatini taqdim etuvchi maxsus dastur — KatipAta (Turkish Language Program For Public Officials And Academicians) eʼlon qilinadi. Dastur odatda Turkiyaning Anqara shahrida 8 oy davomida oʻtkaziladi.

Dasturning maqsadi Turkiya va ishtirokchilar mamlakatlari oʻrtasidagi aloqalarni mustahkamlash hamda ularga turk madaniyati va jamiyatini chuqurroq tushunish imkoniyatini berish, shuningdek, madaniy almashinuvni qoʻllab-quvvatlash uchun noyob tajriba taqdim etishdan iborat.

Dastur ishtirokchilarni ekspertlardan maʼruzalar, madaniy sayohatlar, seminarlar va boshqa boy tajribalar orqali Turkiyaning jonli va rang-barang madaniyati bilan tanishtirishga qaratilgan.

Dastur haqida batafsil ushbu havola orqali maʼlumot olish mumkin.

• Dasturda Turkiya Respublikasi fuqarosi boʻlmagan akademik va tadqiqotchilar, davlat amaldorlari, diplomatlar qatnashishi mumkin;
• Nomzodlar 2024-yil 1-yanvar holatiga koʻra 40 yoshdan kichik boʻlishi kerak;
• Ingliz tilini bilis lozim;
• Turkiyada istiqomat qilmasligi va Turkiyaning bopshqa stipendiya dasturlarida qatnashmagan yoki foydalanmayotgan boʻlishi lozim;
• Davlat amaldorlari kamida 3 yillik tegishli ish tajribasi hamda magistratura yoki PhD darajasiga ega boʻlish soʻraladi;
• Akademik va tadqiqotchilar universitet yoki tadqiqot markazida ish bilan taʼminlangan boʻlishi va magistratura yoki PhD darajasiga ega boʻlishi kerak.

Eslatma: Biror bir sababga koʻra Turkiya fuqaroligini yoʻqotganlar va Blue Card (Koʻk karta) egalari dasturda ishtirok etolmaydi.

Maʼlumot uchun: Blue Card (Koʻk karta) egasi deganda ushbu mamlakatda yashash va ishlash uchun qonuniy ruxsatga ega degan maʼno tushuniladi.

• Borish-kelish uchun aviachipta, turar joy va oʻqish xarajatlari qoplanadi;
• Oylik stipendiya beriladi;
• Turk tilini oʻrganish imkoniyati (A2 dan B2 gacha);
• Taniqli professorlar boshchiligidagi seminarlar;
• Turkiyaning turli mintaqalariga madaniy ekskursiyalar va institutlarga tashriflar oʻtkaziladi.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirish jarayoni quyidagilardan iborat:

• Arizani boshlashdan oldin roʻyxatdan oʻtish kerak. Roʻyxatdan oʻtish bepul va taxminan 2 daqiqa davom etadi. Faqat bir marta roʻyxatdan oʻtish kifoya;
• Arizada taqdim etgan maʼlumotlarning toʻgʻriligi saralashdan oʻtishda muhim ahamiyatga ega;
• Ariza berish jarayoni taxminan 30-60 daqiqa davom etadi;
• Nomzod eng mos stipendiya dasturini topish uchun stipendiya qidirish sahifasiga tashrif buyurishi mumkin;
• Qoʻshimcha maʼlumot olish uchun stipendiya olish uchun ariza berish boʻyicha qoʻllanmadan foydalanish kerak.

Kerakli hujjatlar:

• Pasport / ID;
• Pasport oʻlchamidagi fotosurat;
• Akademik transkriptlar;
• Diplom;
• Dasturda qatnashishdan maqsadini koʻrsatuvchi xat;
• Tavsiyanoma.

Muhim: Turkiya stipendiyalari axborot tizimi (TBBS) Firefox, Google Chrome, Safari 5 va undan keyingi versiyalari, Microsoft Edge, Internet Explorer 8 va keyingi versiyalarida ishlaydi.

• Dasturga hujjat topshirish uchun oxirgi muddat: 15-iyul, 2025-yil;
• Takroran soʻraladigan savollarga javob bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• Linkedin.