Turkiyada xarajatlari qoplanadigan 4 kunlik xalqaro yoshlar forumi — YFGG 2026

Butun dunyo boʻylab yosh yetakchilar, innovatorlar va jamiyatda ijobiy oʻzgarishlar qilishni istaganlar uchun Turkiyada 4 kunlik xalqaro yoshlar forumi — YFGG 2026 (Youth Forum on United Nations Global Goals) taqdim etiladi.

Toʻliq moliyalashtirish uchun 25 ta, qisman moliyalashtirish uchun 35 ta, oʻz-oʻzini moliyalashtirish uchun 40 ta va forumga kirish uchun 50 ta oʻrin ajratilgan.

Dastur yoshlarni muloqot, diplomatiya va barqaror rivojlanish maqsadlariga mos amaliy harakatlar orqali qoʻllab-quvvatlashga qaratilgan nufuzli xalqaro platforma boʻlib xizmat qiladi.

Istanbul shahrida oʻtkaziladigan ushbu xalqaro forum SDG (Barqaror rivojlanish maqsadlari), tinchlikni mustahkamlash va global rivojlanishga bagʻishlangan hisoblanadi.

Forumning maqsadlari:

• Yoshlarning xalqaro miqyosda ishtirokini kuchaytirish;
• Yoshlar tomonidan boshqariladigan barqaror rivojlanish yechimlarini rivojlantirish;
• Madaniyatlararo tushunish va hamkorlikni yaratish;
• Barqaror kelajak uchun yetakchilikni rivojlantirish;
• Fuqarolik ishtirokini oshirish;
• Yoshlarni umumiy harakat uchun birlashtirish.

Forum Turkiyaning Istanbul shahrida 2026-yil 27-30-aprel kunlari oʻtkaziladi.

Dastur haqida batafsil ushbu havola orqali maʼlumot olish mumkin.

• Millatidan qatʼiy nazar 15-45 yosh oraligʻidagi barcha qatnashishi mumkin;
• Muayyan yoʻnalish boʻyicha bilimga ega boʻlish talab qilinmaydi;
• Dasturda shaxsan qatnashish soʻraladi;
• Talabalar, mutaxassislar, faollar, tadbirkorlar va tadqiqotchilar qatnashishi ragʻbatlantiriladi.

Saralash mezonlari:

• SDG va barqaror rivojlanishga qiziqish;
• Yetakchilik salohiyati va oʻzgarishlarga ochiqlik;
• Tinchlikni oʻrnatish va global hamkorlikka qiziqish;
• Ingliz tilini bilish tavsiya etiladi.

Maʼlumot uchun: SDG — bu Sustainable Development Goals, yaʼni Barqaror rivojlanish maqsadlari degani.

Bu maqsadlar 2015-yilda BMT (Birlashgan Millatlar Tashkiloti) tomonidan qabul qilingan boʻlib, 2030-yilgacha dunyoni yaxshiroq qilish uchun ishlab chiqilgan global reja hisoblanadi.

• CGAD tomonidan xalqaro sertifikat beriladi;
• Xalqaro ekspertlar tomonidan seminar va treninglar oʻtkaziladi;
• Istanbulning madaniyati bilan yaqindan tanishish;
• Butun dunyo boʻylab ijobiy oʻzgarishlar qiluvchilar bilan aloqa oʻrnatish imkoniyati.

Dastur 3 xil usulda moliyalashtiriladi:

1.Toʻliq moliyalashtirish ($13,99):

• Aviachipta uchun moliyaviy yordam beriladi;
• Turar joy va ovqatlanish xarajatlari qoplanadi;
• Forum uchun materiallar va delegatlar uchun toʻplam bilan taʼminlanadi;
• Madaniy almashinuv tadbirlari oʻtkaziladi;
• Viza uchun yordam beriladi;
• Sertifikat taqdim etiladi;
• Barcha seminar va sessiyalarda qatnashish;
• Global tarmoqqa kirish imkoniyati.

2.Forumga kirish ($199):

• Ovqatlanish xarajatlari qoplanadi;
• Forum uchun materiallar va delegatlar uchun toʻplam beriladi;
• Madaniy almashinuv tadbirlari oʻtkaziladi;
• Viza uchun yordam beriladi;
• Sertifikat taqdim etiladi;
• Barcha seminar va sessiyalarda qatnashish;
• Global tarmoqqa kirish imkoniyati.

3.Oʻz-oʻzini moliyalashtirish ($499):

• Turar joy bilan taʼminlanadi;
• Ovqatlanish xarajatlari qoplanadi;
• Forum uchun materiallar va delegatlar uchun toʻplam beriladi;
• Madaniy almashinuv tadbirlari oʻtkaziladi;
• Viza uchun yordam beriladi;
• Sertifikat taqdim etiladi;
• Barcha seminar va sessiyalarda qatnashish;
• Global tarmoqqa kirish imkoniyati.

Muhim: Dastur tegishli elchixonaga yoki konsullikka yoʻnaltirilgan vizani qoʻllab-quvvatlash xatini taqdim etadi. Bu viza arizasini qoʻllab-quvvatlashga yordam beradi. Biroq vizani berish boʻyicha yakuniy qaror faqat tegishli elchixona yoki konsullikka tegishli ekanligini unutmaslik kerak.

Dasturga qiziqqanlar quyidagi toifalardan birini tanlab ariza topshirishlari mumkin:

• Toʻliq moliyalashtirish;
• Forumga kirish;
• Oʻz-oʻzini moliyalashtirish.

Ariza topshirish bosqichlari:

1. Dastur turi tanlanadi (toʻliq moliyalashtirish, qisman moliyalashtirish, forumga kirish va oʻz-oʻzini moliyalashtirish).
2. Onlayn ariza shakli toʻldiriladi.
3. Ariza toʻlovini amalga oshiriladi:
   1. Moliyalashtiriladigan toifalar uchun: $13,99;
   2. Kirish yoki oʻzini moliyalashtiradigan toifalar uchun: $199/$499.
4. Toʻldirilgan ariza tekshirib chiqiladi va yuboriladi.
5. Agar nomzod tanlansa tasdiq xabari va tayyorgarlik materiallarini qabul qiladi.

Eslatma: Ariza uchun toʻlovlar qaytarilmaydi va u nomzodning tanlab olinishini kafolatlamaydi.

Ariza toʻlovini amalga oshirishda xizmat haqlari (QQS va xizmatni qayta ishlash toʻlovi) uchun qoʻshimcha $2,99 olinadi.

• Dasturga hujjat topshirish uchun oxirgi muddat: 1-mart 2026-yil;
• Email: info@thecgad.org;
• Tel: +1 (917) 998-0149.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Linkedin.