Turkiyadagi Bilkent universitetida magistratura bosqichini istalgan yoʻnalishda oʻqish uchun toʻliq qoplanuvchi grant dasturi

Turkiyaning eng nufuzli xususiy universitetlaridan biri — Bilkent universitetida magistratura bosqichini turli sohalarda davom ettirishni istagan xorijiy talabalar uchun stipendiya dasturi. Ushbu dastur talabalarni 90% moddiy yordam bilan taʼminlaydi.

Dastur tomonidan talabalarning oʻqish toʻlovi va turar-joy xarajatlari uchun yordam beriladi. Stipendiya berishda talabalarning irqi, millati va etnik kelib chiqishidan qatʼi nazar akademik yutuqlari va oʻqish davomida koʻrsatgan natijalari hisobga olinadi.

Bilkent universitetida mavjud yoʻnalishlar bilan ushbu havola orqali batafsil tanishib chiqish mumkin. Barcha yo'nalishlar ingliz tilida o'qitiladi. Taklif qilinayotgan yo'nalishlar esa 30 dan ziyod. Dasturga arizalarni qabul qilish jarayoni 2026-yil 2-fevraldan 12-iyulgacha davom etadi.

• Magistratura bosqichini Turkiyada o'qishni istagan barcha talabalar ariza topshirishlari mumkin;
• Bakalavr bosqichini tamomlaganligini koʻrsatuvchi diplom yoki shunga teng sertifikat bo'lishi kerak;
• Ingliz tilida ogʻzaki va yozma qobiliyatlari yuqori darajada boʻlishi shart;
• Biznes boshqaruvi yoʻnalishiga ariza topshirayotgan nomzodlar GMAT sertifikatlarini taqdim etishlari soʻraladi.

Dastur shartlari bilan ushbu havola orqali batafsil tanishib chiqish mumkin.

• Kontrakt toʻlovi toʻliq yoki qisman qoplanadi;
• Turar-joy xarajatlari ham moliyalashtirilishi mumkin;
• Grant nomzodlarning jinsi, irqi, etnik kelib chiqishi, dini, yoshi, kelib chiqishi yoki jismoniy holatidan qatʼi nazar, akademik yutuqlari va ilmiy izlanishlariga asosan taqdim etiladi.

Dastur imtiyozlari haqida ushbu havola orqali toʻliq maʼlumotga ega boʻlish mumkin.

Kerakli hujjatlar roʻyxati:

• Magistraturaga topshirish uchun bakalavr darajasini tamomlaganini koʻrsatuvchi diplom yoki shunga teng sertifikat;
• Yoʻnalishlar talablariga qarab GRE yoki GMAT sertifikatlari;
• Baholar transkriptlari;
• Nomzodlarning akademik yutuqlari haqida ustozlari yoki professorlari tomonidan yozilgan tavsiyanoma xatlari;
• Ingliz tilini yozma va ogʻzaki darajada yaxshi bilishlari haqida maʼlumotnoma (har bir yoʻnalish har xil sertifikat turi talab qiladi buni yoʻnalish tanlash davomida bilib olish mumkin);

Hujjatlarni yuborish:

Hujjatlarni ushbu havola orqali onlayn shaklda yuborish mumkin.

1. Dastlab havola orqali kirib NEW APPLICATION tugmasini bosib roʻyxatdan oʻtish boshlanadi;
2. Keyin esa elektron pochta manzili, ism-familiya, telefon raqam kabi maʼlumotlar toʻldiriladi;
3. Barcha maʼlumotlar toʻgʻri toʻldirilganidan soʻng, elektron pochtaga xabar keladi, uni elektron pochtaga kirib xabarni ochib tasdiqlanadi;
4. Xabar tasdiqlanganidan soʻng, Bilkent universitetining saytiga LOG IN qilib kiriladi;
5. Kirgandan soʻng yoʻnalishlar roʻyxati chiqadi, nomzod qaysi yoʻnalishda magistratura bosqichini davom ettirishni tanlasa shu yoʻnalish havolasi ustiga bosib kerakli maʼlumotlarni toʻldirib boʻlgach APPLY tugmasini bosib hujjatlarini yuborishi mumkin.

Eslatma: Agar hujjatlar ichida qandaydir rasm joylash soʻralgan boʻlsa, JPEG formatda boʻlishi shart. Hujjatlarni esa PDF formatda yuklash soʻraladi.

Ariza topshirish jarayoni haqida ushbu havola orqali batafsil bilib olish mumkin. Dasturga ariza topshirish jarayoni 2026-yil 2-fevraldan 2026-yil 12-iyulgacha davom etadi.

Qoʻshimcha maʼlumot uchun:

Bilkent universiteti haqida: Turkiyadagi birinchi xususiy, notijorat universitet boʻlib, 1984-yil 20-oktyabrda professor Ihsan Doğramaji tomonidan asos solingan. Universitetning asosiy maqsadi - tadqiqotlar qilish boʻyicha yetakchi universitet bo‘lish. Universitetning nomi turk tilidan tarjima qilinganda “Ilm shahri” maʼnosini anglatadi.

Universitet joylashuvi: Turkiyaning eng yirik shaharlarida biri boʻlgan — Anqara shahrining gʻarbida 300 gektardan ortiq maydonni egallagan.