Turkiyadagi Xalqaro inkubatsiya markazidan oʻz startap loyihasiga ega yosh tadbirkorlar uchun 6 oylik oʻquv dasturi

Islom hamkorlik yoshlar forumi (ICYF), IT Valley hamda Presidency of the Republic of Türkiye Investment Office oʻrtasidagi hamkorlik tashabbusi bilan Xalqaro inkubatsiya markaziga (IIC) qabul boshlanganini eʼlon qiladi. 

Yiliga ikki marta Xalqaro inkubatsiya markazida tashkil qilinadigan ushbu dastur oʻz startap loyihasiga ega yosh tadbirkorlar uchun 6 oylik oʻquv dasturlarini taklif qiladi. Ushbu noyob imkoniyat orqali ishtirokchilar tegishli tadbir va sammitlardan iborat treninglarda qatnashishadi va oʻz startaplarini xalqaro auditoriga namoyish qilish imkoniga ega boʻladilar.

Dastur quyidagi yoʻnalishdagi startaplarga jahon bozoriga chiqish imkoniyatini beradi:

• Fintech;
• Micro Mobility;
• Sportstech;
• Remote Working;
• Games & Applications;
• Robotic Delivery;
• Cloudtech & DevOps;
• Aggrotech;
• Cybersecurity;
• Edtech;
• Big Data;
• Smart Cities;
• Spacetech;
• Healthtech;
• E-commerce;
• Mobility Tech;
• Nanotech;
• Foodtech;
• Insurtech;
• Climate Tech;
• Software as a service (SaaS);
• Biotech;
• Smart Logistics;
• Internet of Things (IoT).

Maʼlumot uchun: Xalqaro inkubatsiya markazi (IIC) muvaffaqiyatli biznesga aylanishi mumkin boʻlgan innovatsion gʻoyalarni qoʻllab-quvvatlovchi ekotizimni yaratish orqali butun dunyo boʻylab intiluvchan tadbirkorlarni tarbiyalash va kuchaytirish uchun moʻljallangan platformadir. Dastur yoshlarning imkoniyatlarini kengaytirish, innovatsiyalar, treninglar, startap va tadbirkorlik imkoniyatlarini kuchaytirish hamda Islom hamkorlik tashkiloti va undan tashqarida startap ekotizimlarini qurishda ishtirok etishga qaratilgan. Markaz kuchli innovatsion yechimlarni taklif etadi.

Dastur haqida batafsil ushbu havola orqali maʼlumot olish mumkin.

• 18 yoshdan 35 yoshgacha boʻlgan barcha oʻz startaplari bilan qatnashishi mumkin;
• Oʻz mablagʻi hisobidan Turkiyada kamida 6 oy yashash imkoniga ega boʻlish lozim;
• Nomzodlar kamida olti oy Turkiyada yashash uchun ruxsatnoma olishlari kerak;
• Ingliz tilini bilish lozim (sertifikat soʻralmaydi);
• Islom hamkorlik tashkilotiga aʼzo davlatlardan boʻlgan fuqarolarga ustunlik beriladi;
• Nomzodlar kuchli, oʻzini oʻzi boshqaradigan va murabbiylik qobiliyatiga ega boʻlishi kerak.

Startaplarni saralash mezonlari:

• Startaplar innovatsion mahsulot/jarayon/xizmatlarni ishlab chiqish yoʻlida ishlayotgan shaxslar yoki shaxslar guruhlari boʻlishi mumkin;
• Mahsulot va xizmatlarni yanada rivojlantirishning imkoni boʻlishi yoki prototip bosqichida boʻlishi lozim;
• Ishlab chiqilgan texnologiyalar innovatsion boʻlishi va mavjud bozor ehtiyojlarini qondirishi kerak;
• Nomzodlar biznes holatlari, qiymat takliflari va raqobatda ustunlik jihatlarini aniq namoyish etishlari kerak;
• Startaplar ish bilan taʼminlash yoki boylik yaratish uchun yuqori potensialga ega kengaytiriladigan biznes modeliga ega boʻlishi lozim.

• Dastur doirasida tashkil qilingan  6 oylik oʻquv dasturlarida bepul ishtirok etish;
• Tegishli tadbirlar va sammitlardan iborat treninglarda qatnashish;
• Oʻz startap loyihalari bilan jahon bozoriga chiqish imkoniyati;
• Konsalting xizmatlaridan foydalanish;
• Xalqaro investorlar bilan uchrashish;
• Mentorlik kurslaridan foydalanish;
• Xalqaro inkubatsiya markazining demo kunida qatnashish imkoniyati;
• Ishtirokchilar Xalqaro inkubatsiya markazining texnologik infratuzilmasi va obyektlaridan foydalanish bilan birga keng global tarmoqqa ham kirishlari mumkin.

Dasturda ishtirok etishni istaganlar ushbu havola orqali ariza topshirishlari mumkin.

• Faqat tanlangan ishtirokchilarga xabar beriladi;
• Email: incubation@icyforum.org;
• Oxirgi muddat: 29-sentyabr, 2025-yil.