Turkiyaning Bilkent universitetida bakalavr bosqichini istalgan soha boʻyicha oʻqish uchun 100% gacha grantlar

Turkiyaning Anqara shahrida joylashgan Bilkent universiteti iqtidorli va akademik koʻrsatkichlari yuqori boʻlgan xalqaro talabalar uchun grant dasturini eʼlon qiladi. Bilkent universiteti dunyo miqyosida yuqori reytinglarni (2024 QS reytingiga koʻra 502-oʻrin) egallab kelayotgan universitetlardan biri hisoblanadi. Dasturda barcha davlat fuqarolari ishtirok etishlari mumkin. Nomzodlar ularning akademik koʻrsatkichlariga qarab saralab olinadi. Shuningdek, dastur ingliz tilida olib borganligi sababli ulardan xalqaro til bilish sertifikati ham talab qilinadi. Nomzodlarga universitet kontrakt pulini toʻlash uchun toʻliq hamda qisman grantlar ajratiladi. Baholash mezonlariga tayangan holda ularning 20%, 40%, 60%, 80% yoki 100% gacha kontrakt puli qoplab beriladi.

Bilkent universitetining 2024-2025-yil kuzgi semestr uchun qabul jarayoni 2024-yil 5-fevraldan 12-iyulgacha davom etadi.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Dasturda Turkiya fuqarosi boʻlmagan barcha nomzodlar qatnashishi mumkin. Ammo nomzod dastur davomida Turkiya fuqaroligini olsa, grant bekor qilinadi;
• Grantga iqtidorli, faol hamda aʼlochi oʻquvchilar ariza topshirishlari mumkin. Chunki nomzodlar ularning akademik koʻrsatkichlari, milliy hamda xalqaro sertifikatlari, tanlagan yoʻnalishlari hamda akademik talablarga javob berish darajasiga qarab baholanadi;
• Dastur ingliz tilida olib boriladi. Shuning uchun ham nomzodlardan har bir bandi 5,5 darajadan kam boʻlmagan IELTS 6,5 yoki TOEFL iBT-87 sertifikati talab qilinadi;
• Ariza topshirish uchun SAT (elektron yoki qogʻoz shaklida) yoki shunga teng xalqaro sertifikat ham talab qilinadi. SAT sertifikati boʻyicha talablar quyidagicha:

-SATning “Reasoning test” qismi “Math” va “Critical Reading” boʻlimlari boʻyicha 1600 dan kamida 1000 ball natijaga erishilgan boʻlishi kerak;

-SATning “Subject test” qismi boʻyicha 800 balldan kamida 500 toʻplangan boʻlishi lozim.

• Grant gʻoliblari oʻqish davomida semestrni talablarga mos bahoga yopa olmagan taqdirda grant bekor qilinadi;
• Dastur ishtirokchilari oʻqish davomida rasmiy ravishda dars yoʻqlamasi qilinmagan taqdirda ham barcha darslarda qatnashishlari shart. Aks holda grant vaqtinchalik bekor qilinishi mumkin;
• Dastur davomida ishtirokchilar grantning barcha talablariga rioya qilishlari lozim. Qoidalar buzilgan taqdirda, grant bekor qilinadi.

Eslatma! Dasturning minimal talablariga javob berish grant gʻolibiga aylanishni kafolatlamaydi. Grant uchun faqatgina eng munosib nomzodlar saralab olinadi.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Nomzodlarga universitet kontrakt pulini toʻlash uchun toʻliq hamda qisman grantlar ajratiladi. Baholash mezonlariga tayangan holda ularning 20%, 40%, 60%, 80% yoki 100% gacha kontrakt puli qoplab beriladi;
• Kontrakt puli 100% qoplab beriladigan, yaʼni toʻliq grantni qoʻlga kiritgan nomzodlarga yotoqxona xarajatlari uchun ham grant ajratilishi mumkin.

Eslatma! Bilkent Universitetining bakalavr darajasi uchun yillik kontrakt toʻlovi 14,700 AQSh dollarigacha boʻladi.

Dasturga ariza topshirish jarayoni quyidagicha:

• 2024-2025-oʻquv yili kuzgi semestr uchun hujjat qabul qilish jarayoni 2024-yil 5-fevraldan 12-iyulgacha davom etadi;
• Nomzod Bilkent universitetining bakalavr bosqichidagi istalgan yoʻnalishdan birini tanlashi mumkin. Universitetda mavjud yoʻnalishlari roʻyxatini ushbu havola orqali topish mumkin.
• BIlkent universitetiga ariza topshirish uchun 30 AQSh dollari miqdorida badal puli mavjud. Badal puli ariza shakli toʻldirilishidan oldin toʻlanishi lozim. Chunki hujjat topshirish uchun sahifa toʻlov qilingandan soʻng ochiladi. Toʻlov qilish uchun elektron pochtadan maxsus havola joʻnatiladi, shuni bosish orqali toʻlov sahifasiga kirish mumkin;
• Topshirilgan hujjatlar ingliz yoki turk tillaridan birida boʻlishi yoki ushbu tillarga tarjima qilingan boʻlishi kerak;
• Til bilish sertifikati ham toʻgʻridan toʻgʻri Bilkent universitetiga joʻnatilishi lozim;
• Oxirigacha toʻldirilmagan yoki topshirilmagan arizalar baholanmaydi;
• Saralash natijalari ariza shaklida yozilgan elektron manzilga joʻnatiladi.

Eslatma! Nomzod oʻqishga kirolmagan taqdirda toʻlangan badal puli qaytarib berilmaydi.

Dasturga ushbu havola orqali ariza topshirish mumkin.

Bilkent universitetiga oid qoʻshimcha savollar tugʻilgan taqdirda ushbu havola orqali javob olish mumkin.

Bilkent universiteti rasmiy sahifasi haqida ushbu havola orqali maʼlumot olish mumkin.

Dastur avvalgi ishtirokchilarining tajriba va oʻqish jarayonlari bilan ushbu havola orqali tanishish mumkin.

Xalqaro talabalar bilan shugʻullanuvchi boʻlim haqida ushbu havola orqali maʼlumot olish mumkin.

Bilkent universiteti haqida quyidagi ijtimoiy tarmoqlari orqali ham maʼlumot topish mumkin:

-Facebook;

-Twitter;

-Youtube;

-LinkedIn;

-Instagram.