Turkologiya sohasidagi yosh olimlar uchun Qirgʻizistonda 6 kunlik “Yosh turkologlar” yozgi maktabi

Qirgʻizistonning Bishkek shahrida Turkiy Akademiya tomonidan TÜBA va Qirgʻiziston Turkiya Manas universiteti koʻmagida 2023-yilning 18-26-iyun kunlari “Yosh turkologlar” yozgi maktabi tashkil etiladi. Yozgi maktab turkologiya sohasidagi yosh olimlarni birlashtirib, ularning bir-birlari bilan uchrashishlari, oʻz loyihalari va tadqiqotlari bilan tanishishlari, yangi maʼlumotlar olishlari hamda professional maqsadlarda aloqalar oʻrnatishlari uchun imkoniyat yaratadi. 

Yozgi maktabining ikkita asosiy maqsadi bor. Birinchisi, turkiy davlatlardan yosh olimlarni bir joyga toʻplash, ularning Turk dunyosi tarixi, arxeologiyasi, tili va adabiyoti boʻyicha nazariy va amaliy bilimlarini chuqurlashtirish. Ikkinchi maqsad — ishtirokchilarning ilmiy nashrlar, taqdimotlar qilish va tadqiqot fondlaridan foydalanish kabi oʻzaro bogʻliq sohalarda koʻnikmalarini rivojlantirishga hissa qoʻshishdir. Shu nuqtai nazardan, ishtirokchilar ishchi guruhlarga ajratilgan boʻlib, yozgi maktab mavzulari boʻyicha oʻz maʼruzalarini tayyorlash va oʻz xulosalarini katta olimlar bilan muhokama qilish imkoniyatiga ega boʻladilar.

Yozgi maktab doirasida quyidagi fanlar boʻyicha kurslar oʻtkaziladi:

• Turk dunyosi tushunchasi;
• Turkiy davlatlar tarixi;
• Turk dunyosi arxeologiyasi;
• Turk dunyosi sanʼati va tafakkuri tarixi;
• Turkiy tillar va hozirgi turkiy tillarning umumiy xususiyatlari;
• Turk dunyosi mifologiyasi;
• Turk dunyosi dostonlari va afsonalari.

Maʼlumot uchun: Turkiy Akademiya turkiy davlatlar oʻrtasidagi ilmiy hamkorlik uchun masʼul boʻlgan xalqaro tashkilot boʻlib, bu borada turli loyiha va tadbirlarni amalga oshirish vazifasini bajaradi. Shtab-kvartirasi Qozogʻistonning Ostona shahrida joylashgan.

Dastur haqida batafsil ushbu havola orqali maʼlumot olish mumkin.

• Dasturda Ozarbayjon, Bosniya va Gersegovina, Qozogʻiston, Qirgʻiziston, Shimoliy Makedoniya, Vengriya, Moʻgʻuliston, Oʻzbekiston, Turkiya, Turkmaniston, Shimoliy Kipr Turk Respublikasi, Boshqirdiston va Tataristonda yashovchi 35 yoshgacha boʻlgan yoshlar qatnashishi mumkin;
• Ishtirokchilar kamida magistr darajasiga ega boʻlishlari lozim;
• Nomzodlar turkologiya, turkiy tarix, turkiy adabiyot, antropologiya, madaniyatshunoslik va arxeologiya sohalarida ishlayotgan va tadqiqot olib borayotgan boʻlishlari kerak;
• Turk tilini yaxshi bilish lozim;
• Turkiy davlatlar hamkorligi va turkiy dunyo integratsiyasi masalalari bilan shugʻullanuvchi yosh olimlar ham qatnashishlari mumkin.

Eslatma: Barcha kurslar turk tilida boʻlganligi sababli turk tilida gapirilmaydigan mamlakatdan boʻlgan nomzodlardan turk tilini bilish asosi (sertifikat yoki shu kabi) talab etiladi.

• Ishtirokchilarning sayohat, ovqatlanish va turar joy xarajatlarini qoplanadi;
• Tanlangan nomzodlarga bepul aviachipta yuboriladi;
• Maxsus sertifikat taqdim qilinadi.

Muhim: Bepul chipta egalari yozgi maktabga bormasa, ulardan chipta narxini qoplash talab qilinadi.

• Talab qilinadigan hujjatlar:
  • Toʻliq toʻldirilgan ariza shakli;
  • Pasport nusxasi (faqat fotosurat sahifasi);
  • Oxirgi oʻqigan universitetning diplomi/sertifikatining nusxasi;
  • Motivatsion xat (250-300 ta soʻz);
  • Bitta tavsiyanoma;
  • Turk tilida gapirilmaydigan mamlakatdan boʻlgan nomzodlardan turk tilini bilish asosi (sertifikat yoki shu kabi) talab etiladi.
• Qatnashish istagida boʻlgan nomzodlar barcha kerakli hujjatlarni toʻplab, officetwesco@gmail.com elektron manziliga joʻnatadilar;
• Toʻliq boʻlmagan arizalar qabul qilinmaydi;
• Arizalar tanlov komissiyasi tomonidan koʻrib chiqiladi. Shunga koʻra, saralangan ishtirokchilarning yakuniy roʻyxati tuziladi va natijalar ishtirok etish huquqiga ega boʻlgan nomzodlarga elektron pochta orqali xabar qilinadi.

Ariza topshirish haqida batafsil ushbu havola orqali maʼlumot olish mumkin.

Yozgi maktab Qirgʻiziston Turkiya Manas universitetining kampusida boʻlib oʻtadi.

Oxirgi muddat: 24-may, 2023-yil (23:00);

Email: officetwesco@gmail.com

Tel: +7(7172)57-49-82.