Turli sohadagi startaplar uchun 1 million yevrogacha investitsiya jalb qilish imkoniyatini beruvchi “Touch Summit Startup Challenge” tanlovi

Gruziyaning “Touch Platform” kompaniyasi Gollandiyaning “Acrobator VC” va “Crosspring” fondlari bilan birgalikda IT Park Oʻzbekiston axborot koʻmagida €1 milliongacha investitsiyalarni jalb qilish imkoniyatini beruvchi “Touch Summit Startup Challenge” tanlovi boshlanganini eʼlon qiladi.

“Startup Challenge” 7-8 dekabr kunlari Tbilisida boʻlib oʻtadigan, Kavkaz mintaqasi texnologik hamjamiyatidagi eng yirik tadbirlardan biri boʻlgan “Touch Summit” konferensiyasi doirasida boʻlib oʻtadi.

“Touch Summit Startup Challenge” da ishtirok etish uchun butun dunyo boʻylab B2B (yoki B2C) sohalarida faoliyat yuritadigan va turli sohalarda (kiberxavfsizlik, moliyaviy texnologiyalar, infratuzilma, sintetik ommaviy axborot vositalari va katta hajmdagi maʼlumotlarni qayta ishlash) sunʼiy intellekt va mashinali oʻqitish boʻyicha dasturiy taʼminotni ishlab chiqish bilan shugʻullanadigan startaplar taklif etiladi. Dasturning dastlabki bosqichida 10 ta loyiha saralab olinadi, final bosqichida esa uch nafar nomzod tanlab olinib, asosiy sahnada keng auditoriya oldida chiqish qilish imkoniyatiga ega boʻladilar.

Dastur haqida ushbu havola orqali batafsil maʼlumot olish mumkin. 

Tanlovda ishtirok etish uchun quyidagi talablar mavjud:

• Dasturga butun dunyo boʻylab B2B (yoki B2C) sohalarida faoliyat yuritadigan va turli sohalarda (kiberxavfsizlik, moliyaviy texnologiyalar, infratuzilma, sintetik ommaviy axborot vositalari va katta hajmdagi maʼlumotlarni qayta ishlash) sunʼiy intellekt va mashinali oʻqitish boʻyicha dasturiy taʼminotni ishlab chiqish bilan shugʻullanadigan startaplar qabul qilinadi;
• Tanlovda qatnashish uchun yosh chegarasi belgilanmagan;
• Ishtirokchilar oʻz loyihalarini yanada takomillashtirish uchun investitsiyalarni izlashlari, mijozlarga va global hamjamiyatga ijobiy taʼsir koʻrsatadigan jahon miqyosidagi salohiyatga ega boʻlishlari kerak.

Dastur haqida ushbu havola orqali toʻliq maʼlumot olish mumkin. 

Dasturning quyidagi foydali tomonlari mavjud:

• Tanlov gʻoliblari 7-8 dekabr kunlari Tbilisida boʻlib oʻtadigan, Kavkaz mintaqasi texnologik hamjamiyatidagi eng yirik tadbirlardan biri boʻlgan “Touch Summit” konferensiyasida ishtirok etish imkonini qoʻlga kiritishadi;
• Saralab olingan nomzodlarga final oldidan maxsus murabbiylik va kouching sessiyasida qatnashish imkoniyati beriladi;
• Konferensiyaning yakuniy kunida uch nafar finalchi asosiy sahnada keng auditoriya oldida chiqish qilish imkoniyatiga ega boʻladilar;
• Ishtirokchilar konferensiya doirasida turli soha vakillari bilan fikr almashish, yangi investitsiyalar va startaplar bilan tanishish imkoniga ega boʻlishadi;
• Shuningdek, gʻoliblar loyihalari borasida mutaxassislardan chuqur izoh olish imkonini ham qoʻlga kiritishadi.

Eslatma! Tanlovda gʻolib boʻlish startapingiz deyarli barcha gʻarbiy sarmoyadorlar tomonidan yoqlanishi va sarmoya kiritilish ehtimoli yuqoriligini bildiradi, ammo gʻolib boʻlishdan tashqari loyihaga 100 foiz sarmoya kiritilishi uchun boshqa jihatlar ham koʻrib chiqib, ular ham inobatga olinadi. 

Dasturning foydali tomonlari haqida ushbu havola orqali maʼlumot olish mumkin.

Dastur quyidagicha bosqichlarda boʻlib oʻtadi:

• Avvalambor, tanlovda roʻyxatdan oʻtkazilgan startaplar kategoriyalarga ajratib chiqiladi;
• Soʻng startaplarni haqqoniy baholash uchun har bir kategoriyaga 2 tadan mutaxassis belgilanadi;
• Har bir mutaxassis izohlar, tavsiyanomalar, investorlar va boshqa maʼlumotlarni inobatga olgan holda 5 tadan startapni tavsiya qiladi. Berilgan tavsiyalarga asoslanib, barcha arizalar orasidan faqatgina 10 ta startap tanlab olinadi;
• Startaplarga final oldidan maxsus murabbiylik va kouching sessiyasida qatnashish imkoniyati beriladi, u yerda ular oʻz loyihalarini ekspertlarga taqdim etadilar;
• Konferensiyaning yakuniy kunida, yaʼni 2023-yil 8-dekabrda uch nafar finalchi asosiy sahnada keng auditoriya oldida chiqish qilish imkoniyatiga ega boʻladi;
• Investitsion qarorlar “Acrobator VC” va “Crosspring” investitsiya fondlarining talablariga toʻliq mos keladi va faqat ularning ixtiyoriga koʻra qabul qilinadi;
• Tanlovga arizalar 20-noyabrga qadar qabul qilinadi;
• Roʻyxatdan oʻtish jarayonida nomzodlardan startaplarining nomi, qisqacha taʼrifi, internet sahifasi, tegishli qoʻshimcha ijtimoiy tarmoqlar linki, loyihaning ID raqamini kiritish va shu kabi maʼlumotlar soʻraladi. 

Dasturga ushbu havola orqali roʻyxatdan oʻtish mumkin. 

Nomzodlar rezyumelarini ushbu havola orqali joʻnatishlari mumkin.

Maʼlumot uchun:

-Manzil: 4, Tepamasjid str., Tashkent, Uzbekistan, 100164;

-Tel: +998 71 209 11 99;

Dastur haqida qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-Facebook;

-Twitter;

-LinkedIn;

-Instagram;

-You tube;