Turli yosh va soha vakillari uchun Kanadaning Toronto shahrida toʻliq moliyalashtiriladigan One Future Conference 2026

Konferensiya To'liq moliyalash

Telegram kanalimizni kuzatib boring

Obuna bo’lish

Mundarija

Tavsif

The One Future Conference 2026 bu 2026-yilning 25-28-iyun kunlari xalqaro yetakchilar, talabalar, yosh mutaxassislar, yaratuvchilar, siyosatshunoslar va innovatorlar uchun Kanadaning Toronto shahrida oʻtkaziladigan xalqaro konferensiya hisoblanadi. 4 kun davom etadigan ushbu konferensiyada ishtirokchilar sunʼiy intellekt va global boshqaruvdan tortib inson huquqlari, texnologiya & innovatsiya, kontent yaratish, kriptovalyuta, Fintech va ish kelajagigacha boʻlgan mavzularda interaktiv yigʻilishlar, uchrashuvlar, xalqaro darajadagi maʼruzachilar va sanoatni oʻzgartiruvchilar bilan aloqa oʻrnatish orqali dunyo kelajagi haqida tushunchalarga ega boʻlishadi. Dasturda qatnashish uchun nomzodlar 17-50 yosh oraligʻida boʻlishi lozim. Ingliz tilini bilish sertifikati talab qilinmaydi.

Konferensiya quyidagi mavzularni oʻz ichiga oladi:

Ish va yetakchilik kelajagi (The Future of Work & Leadership);
SI, etika va global boshqaruv (AI, Ethics, and Global Governance);
Kriptovalyuta & Moliyaviy innovatsiya (Cryptocurrency & Financial Innovation)
Raqamli texnologiyalar davrida inson huquqlari (Human Rights in the Digital Age);
Texnologiya, yaratuvchanlik va kontent yaratish (Technology, Creativity, and Content Creation)
Iqlim harakatlari, tenglik va global qamrab olinganlik (Climate Action, Equity & Global Inclusion).

Dasturda qatnashish uchun ishtirokchilar bir marta ariza topshirishadi va ular koʻrib chiqilib, 25 ta nomzod toʻliq hamda 25 ta nomzod qisman moliyalashtiriladi. Shuningdek, konferensiyada qatnashish uchun “Conference Pass” ($799), “Student Pass” ($599) hamda Visa Invitation Package ($259) taʼriflari ham mavjud. Dasturga ariza topshirish jarayoni 2026-yil 20-fevralgacha davom etadi.

Dastur haqida ushbu havola orqali batafsil maʼlumot olish mumkin.

Kimlar uchun mo'ljallangan

Dasturda qatnashish uchun quyidagi talablar mavjud:

Barcha millat vakillari qatnashishlari mumkin;
Nomzodlar 17-50 yosh oraligʻida boʻlishi lozim;
Talabalar, yosh mutaxassislar, tadbirkorlar, kontent yaratuvchi, innovatorlar, inson huquqlari himoyachilari, media mutaxassislari, tibbiyot, maʼlumot, IT hamda ilm-fan mutaxassislari va shu kabi bir qator soha vakillari qatnashishlari mumkin;
Ingliz tilini bilish sertifikati talab qilinmaydi, asosiysi nomzodlarning qiziqishi hamda konferensiyada qatnashishdan maqsadi hisoblanadi.

Imtiyozlar va qulayliklar

Ishtirokchilar bir marta ariza topshirishadi va ular koʻrib chiqilib, 25 ta nomzod toʻliq hamda 25 ta nomzod qisman moliyalashtiriladi.

Toʻliq moliyalashtiriladigan nomzodlarga quyidagi imkoniyatlar yaratiladi:

Borib kelish samolyot chiptasi;
Torontoda turar-joy (bir kishilik emas);
Oziq-ovqat va kofe;
Konferensiyada toʻliq qatnashish imkoni;
Viza olish uchun yordam xati;
Konferensiya va qatnashchi materiallari;
Shaxsiy loyihani namoyon qilish uchun imkoniyat;
Professional tanishuv uchrashuvlari;
Panel muhokamalarida nutq soʻzlash imkoni.

Qisman moliyalashtiriladigan nomzodlarga quyidagi imkoniyatlar yaratiladi:

Oziq-ovqat va kofe;
Konferensiyada toʻliq qatnashish imkoni;
Viza olish uchun yordam xati;
Konferensiya va qatnashchi materiallari;
Shaxsiy loyihani namoyon qilish uchun imkoniyat;
Professional tanishuv uchrashuvlari;
Panel muhokamalarida nutq soʻzlash imkoni.

Shuningdek, konferensiyada nomzodlar oʻz hisobidan ham qatnashishi mumkin boʻlib, ularga toʻliq moliyalashtiriladigan nomzodlarga beriladigan barcha imkoniyatlari yaratiladi:

“Conference Pass” ($799) — 100 ta oʻrin;
“Student Pass” ($599) — 50 ta oʻrin (talabalar uchun);
Visa Invitation Package ($259)- sayohatni oldindan rejalashtirgan va rasmiy taklif xati kerak boʻlganlar uchun qulay.

Topshirish jarayoni

Konferensiyada toʻliq va qisman moliyalashtirilgan shaklda qatnashish mumkin va ikkalasida qatnashish uchun ham bir marta onlayn ariza topshirishning oʻzi kifoya qiladi. Ariza topshirilgandan keyin nomzod toʻliq yoki qisman moliyalashtiriladigan shakl uchun saralab olinadi. Ariza topshirish jarayoni 2026-yil 20-fevralgacha davom etadi. Ariza shakliga quyidagi turdagi maʼlumotlarni kiritish soʻraladi: