UK Winter Fellowship 2027 — Londonda sunʻiy intellekt boshqaruvi boʻyicha 3 oylik toʻliq grant asosida tadqiqot dasturi

GovAI (Governance of AI) tashkiloti sunʻiy intellekt boshqaruvi va siyosati sohasida oʻz faoliyatini boshlash yoki rivojlantirishni maqsad qilgan mutaxassislar uchun UK Winter Fellowship 2027 dasturini taklif etadi. Buyuk Britaniyaning London shahrida oʻtkaziladigan ushbu 3 oylik dastur ishtirokchilarga sunʻiy intellektning global taʻsirini oʻrganish va uning xavfsiz rivojlanishini taʻminlash boʻyicha siyosiy yechimlar ishlab chiqish imkoniyatini beradi.

Dastur quyidagi ikki yoʻnalishdan iborat:

• Research Track (Tadqiqot yoʻnalishi): Ishtirokchilar mustaqil tadqiqot olib boradilar, GovAI mentorlari koʻmagida ilmiy ish yoki maqola tayyorlaydilar.

• Applied Track (Amaliy yoʻnalish): Ishtirokchilar hamkor tashkilotlar (masalan, Buyuk Britaniyaning AI Security Institute, Far.AI kabi nufuzli markazlari) tomonidan berilgan amaliy loyihalar ustida ish olib boradilar.

Fellowship davomida barcha ishtirokchilar haftalik seminarlar, ekspertlar bilan savol-javob sessiyalari va professional tarmoqni (networking) kengaytirishga qaratilgan uchrashuvlarda qatnashadilar.

Dasturda ishtirok etish uchun qoʻyilgan asosiy talablar:

• Barcha davlatlar, jumladan Oʻzbekiston fuqarolari ham ariza topshirishlari mumkin;

• Yoshi yoki muayyan ilmiy darajaga oid qatʻiy cheklovlar mavjud emas (karyerasini endi boshlagan yoshlar ham, tajribali tadqiqotchilar ham qatnashishi mumkin);

• Siyosatshunoslik, davlat boshqaruvi, kompyuter fanlari, iqtisodiyot, kiberxavfsizlik yoki risklarni boshqarish kabi turdosh sohalarda bilim yoki tajribaga ega boʻlish;

• Tadqiqot yoʻnalishi uchun yuqori tahliliy fikrlash va ingliz tilida mukammal akademik yozish koʻnikmalari talab etiladi;

• Amaliy yoʻnalish uchun loyihalarni boshqarish, kommunikatsiya, jamoatchilik aloqalari yoki operatsion faoliyat boʻyicha tajriba afzallik hisoblanadi;

• Ingliz tilini muloqot va tadqiqot olib borish darajasida erkin bilish lozim.

Dastur ishtirokchilariga quyidagi imtiyozlar taqdim etiladi:

• 3 oylik dastur davomida jami £12,000 stipendiya (maosh) toʻlanadi;

• Londonga borish va kelish safar xarajatlari qoplanadi;

• 3 oylik vaqtinchalik ishchi viza (visa sponsorship) xarajatlari toʻliq qoplanadi;

• London ofisida shaxsiy ish joyi va ish kunlarida bepul tushlik taʻminlanadi;

• Sunʻiy intellekt siyosati boʻyicha dunyoning yetakchi mutaxassislari bilan aloqalar oʻrnatish imkoniyati beriladi.

Dasturga ariza topshirish va saralash jarayoni quyidagi bosqichlardan iborat:

1. Birinchi bosqich (2026-yil iyun): Onlayn ariza topshiriladi va qabul qilingan nomzodlar 20 daqiqalik avtomatlashtirilgan mantiqiy fikrlash testidan oʻtadilar.

2. Ikkinchi bosqich (2026-yil avgust): Saralangan nomzodlar haq toʻlanadigan masofaviy amaliy topshiriqni (remote work test) bajaradilar.

3. Uchinchi bosqich (2026-yil sentabr): Masofaviy onlayn intervyu va tavsiyanomalarni tekshirish bosqichi boʻlib oʻtadi.

Eslatma: Yakuniy qarorlar 2026-yilning oktabr oyida e'lon qilinadi. Dastur esa 2027-yil 18-yanvardan 9-aprelga qadar davom etadi.

Muhim sanalar:

• Arizalar qabul qilinishi boshlanishi: 2026-yil iyun

• Amaliy topshiriq (Work test): 2026-yil avgust

• Suhbat bosqichi: 2026-yil sentabr

• Yakuniy natijalar: 2026-yil oktabr

• Dasturning oʻtkazilish vaqti: 2027-yil 18-janvar — 9-aprel

Qoʻshimcha savollar va batafsil maʻlumot uchun tashkilotchilarning rasmiy sahifasiga murojaat qilishingiz mumkin.