Umumiy mukofot jamgʻarmasi 2000 dollardan koʻp boʻlgan Wiki loves folklore xalqaro fotolar tanlovi

Wiki Loves Folklore xalqaro fotolar tanlovi hisoblanib, Wikimedia Commons tomonidan dunyoning turli tomonlarida tashkillashtiriladi. Ushbu tanlov 2018-yildan buyon har yili oʻtkazib kelinadi. Dastur turli davlatlarning xalq ijodini rivojlantirish maqsadida xalq festivallari, xalq raqslari, xalq musiqasi, xalq mashgʻulotlari, xalq oʻyinlari, xalq oshxonasi, xalq kiyimlari, xalq ogʻzaki ijodi va anʼanalari, balladalar, ertaklar, choʻpchaklar, oʻyinlar, afsonalar, anʼanaviy qoʻshiqlar va raqslar, mavsumiy odatlar, mifologiya va shu kabi yoʻnalishlardagi rasmlarni qabul qiladi.

Tanlovga mualliflik huquqiga ega boʻlgan, odob-axloq qoidalariga toʻgʻri keladigan barcha turdagi rasmlar, video yoki audiolarni joʻnatish mumkin. Dasturning birinchi oʻrin gʻolibiga $500, ikkinchi oʻringa $400, uchinchi oʻringa $300 va bundan tashqari qoʻshimcha nominatsiyalar boʻyicha 850 dollar pul mukofoti taqdim etiladi. Tanlovga qabul jarayoni 2023-yil 1-fevraldan 31-martga qadar davom etadi.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Ishtirokchilar joylagan rasmlar mualliflik huquqiga ega boʻlishi lozim;
• Barcha rasmlar 1-fevraldan 31-martgacha boʻlgan oraliqda joylangan boʻlishi kerak. Ammo tanlov uchun istalgan vaqtda olingan rasmlarni (hattoki tarixiy rasmlarni ham) joylash mumkin. Faqatgina rasmlarning mualliflik huquqi boʻlishi lozim;
• Barcha rasmlarda omma uchun chop etishga ruxsat boʻlishi zarur;
• Tanlovga berilgan barcha rasmlar identifikatsiyalagan boʻlishi zarur. Rasmlar ushbu havola orqali identifikatsiya qilinadi;
• Tanlovda berilgan kategoriyalarga toʻgʻri keladigan barcha rasmlar qabul qilinadi;
• Ishtirokchilarning Wikimedia Commonsda e-mail manzillari boʻlishi kerak. Chunki rasmlar mukofot uchun taqdim etilgan taqdirda e-mail manzili shu yerdan olinadi;
• Tanlovga audio yoki video formatda ham ishlarni joʻnatish mumkin, ammo ular ogg, ogv yoki webm formatlaridan birida boʻlishi kerak;
• Joʻnatilgan ishlar odob-axloq qoidalariga mos kelishi zarur.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Birinchi oʻringa $500 pul mablagʻi taqdim etiladi;
• Ikkinchi oʻringa $400 pul mablagʻi taqdim etiladi;
• Uchinchi oʻringa $300 pul mablagʻi taqdim etiladi;
• Eng yaxshi 10 ishtirokchining har biriga 40 dollardan beriladi;
• Eng yaxshi video material uchun 150 dollar va eng yaxshi audio material uchun 150 dollar taqdim etiladi;
• Eng koʻp joylangan rasm egalari uchun birinchi oʻringa 100 dollar va ikkinchi oʻringa 50 dollar beriladi;
• Eng yaxshi 100 ishtirokchiga tanlov sertifikati beriladi.

Eslatma! Yutuqlar vaucher yoki karta koʻrinishida taqdim etiladi.

Gʻoliblarni saralash jarayoni xalqaro Wikipedia mutaxassislari, professional fotograflar va soha mutaxassislari tomonidan olib boriladi va saralash jarayonida quyidagilarga alohida eʼtibor beriladi:

• Rasm anglatayotgan hikoya va uning mazmuni;
• Joʻnatilgan rasmdagi qoʻshimcha detallarga ortiqcha urgʻu berilmay, asosiy mavzu yoritib berilganligi;
• Rasmning Wikimedia loyihalariga ehtimoliy foydasi va umumiy bahosi;
• Originalligi;
• Texnik sifati.

Muhim sanalar:

• 2023-yil 1-fevral 00:01 (Oʻzbekiston vaqti bilan 05:01) — tanlovga qabul jarayoni boshlanadi;
• 2023-yil 31-mart (Oʻzbekiston vaqti bilan 1-aprel 04:59) -tanlovga qabul jarayoni yakunlanadi.

Eslatma! Tanlov natijalarini eʼlon qilish jarayoni vaziyatga qarab belgilanadi.

Dasturga ushbu havola orqali roʻyxatdan oʻtish mumkin.

Tanlov boʻyicha eng koʻp soʻralgan savollarga ushbu havola orqali javob topish mumkin.

Dasturning 2022-yilgi gʻoliblari haqida ushbu havola orqali maʼlumot olish mumkin.

Tanlov yoʻnalishlari haqida ushbu havola orqali batafsil maʼlumot olish mumkin.

Xalqaro jamoa bilan ushbu havola orqali bogʻlanish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-facebook;

-twitter;

-instagram;

-telegram;

-you tube.