Umumiy mukofot jamg'armasi 30,000 dollarni tashkil etuvchi onlayn Global Innovation Challenge 2022 tanlovi

Global Innovation Challenge 2022 tanlovi dunyo boʻylab yosh liderlarga va tashkilotchilarga ijtimoiy yoki atrof-muhit bilan bogʻliq muammolarni yechish uchun oʻzlarining gʻoyalarini tatbiq etish, amalga oshirish va kengaytirishda yordam berish maqsadida tashkil etilgan. Dastur ishtirokchilar va ularning jamiyatga eng koʻp foydasi tegadigan kreativ gʻoyalar, loyihalar va muammolarga biznes yechimlarni taklif qiluvchi ishtirokchilarni qidirmoqda.

Dasturda dunyoning istalgan davlatidan 18 yoshdan 30 yoshgacha boʻlgan nomzodlar ishtirok etishlari mumkin. Ishtirokchilar taqdim etayotgan gʻoyalar BMTning barqaror rivojlanish dasturidan kamida biriga mos kelishi zarur. Dasturning final bosqichida 3 yoʻnalish boʻyicha 3 ta gʻolib saralab olinadi va ularning har biriga $10,000 dan mukofot puli ajratiladi. Shuningdek, dastur ishtirokchilari ham boshqa koʻplab imkoniyatlarni qoʻlga kiritishadi hamda elektron ordenlar va sertifikatlar bilan taqdirlanadi. Tanlovga roʻyxatdan oʻtish jarayoni 2022-yilning 9-noyabriga qadar davom etadi.

Dastur haqida ushbu havola orqali batafsil maʼlumot olish mumkin.

Tanlov broshyurasi bilan esa bu yerda tanishish mumkin. 

Dasturda ishtirok etish uchun quyidagi talablar mavjud:

• Dasturda 18-30 yosh oraligʻidagi barcha davlat fuqarolari ishtirok etishi mumkin;
• Dasturda yakka tartibda ham ishtirok etish mumkin, ammo jamoa bilan qatnashilgan taqdirda tanlov jarayoni yanada osonroq kechishi mumkin;
• tanlovda qatnashish uchun taqdim etilayotgan gʻoyalarining kamida bittasi BMT barqaror rivojlanish dasturiga mos kelishi zarur. Bundan tashqari nomzodlar oʻz gʻoyalari bilan tanlovning quyidagi uch yoʻnalishlaridan birida ishtirok etishlari mumkin:

-Sogʻliq saqlash masalalari (Health equity challenge)- Yuqori daromad qilmaydigan davlatlarda sogʻliqni saqlash, arzon davolash usullarini topish va taklif etish;

-Qochoq muhojirlar masalasi (Refugee Challenge)-Qochoq muhojirlarga oʻz hayotlarini qaytadan boshlashga yordam beradigan gʻoyalarni taqdim etish;

-Atrof-muhit masalalari (Climate Challenge)- Atrof-muhitni yaxshilash uchun gʻoyalar taqdim etish;

• Tanlov jarayonida ishtirokchi video taqdim etishi talab qilinmagan, ammo bu tavsiya qilinadi. Ushbu holatlarda videolar 90 sekunddan oshmasligi lozim.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Eng yaxshi gʻoya va fikrni taklif qilgan 3 yoʻnalish boʻyicha 3 ta gʻolibga $10,000 dan mukofot puli ajratiladi. Mukofot puli bir oy ichida taqdim etiladi;
• Dasturda ishtirokchilar mutaxassis mentorlardan maslahat olish, yangi malaka va koʻnikmalarni qoʻlga kiritish hamda nomzodlarni va ularning yangi gʻoyalarini qoʻllab-quvvatlovchi doʻstona global jamiyat bilan ishlash imkoniyatini qoʻlga kiritishadi;
• Dasturning barcha nomzodlari oʻz loyihalari va biznes gʻoyalarini rivojlantirish uchun Digital Incubator platformasidan bepul foydalanish imkoniyatini qoʻlga kiritishadi;
• Ishtirokchilar startap loyihalarini oʻrgatuvchi va boshlashga yordam beruvchi eng yaxshi onlayn kursda tahsil olish imkonini qoʻlga kiritishadi;
• Dastur ishtirokchilari elektron ordenlar va sertifikatlarni qoʻlga kiritishadi;
• Finalga chiqqan ishtirokchilar oʻz gʻoyalarini rivojlantirishlari va takomillashtirishlari uchun mutaxassislardan yuzma-yuz maslahat olishlari mumkin boʻladi;
• Tanlov yoshlar boshligidagi innovatsiyalarni qoʻllab-quvvatlovchi yetakchi bizneslar, xalqaro aloqalar va akademik muassasalarni oʻz ichiga olgan.

Dasturning foydali jihatlari haqida ushbu havola orqali toʻliq maʼlumot olish mumkin.

Dasturda ishtirok etish jarayoni quyidagicha:

• Dasturga ariza topshirishdan oldin, avvalo roʻyxatdan oʻtish kerak boʻladi. Roʻyxatdan oʻtish jarayoni 30 sekund davom etadi. Ariza faqatgina Global Innovation Challenge platformasi orqali topshirilishi lozim. Roʻyxatdan oʻtgan nomzodlar bepul resurslarni qoʻlga kiritishadi va ariza topshirish jarayonida yordam olishlari mumkin boʻladi;
• Nomzodlar 2022-yil 9-noyabrga qadar roʻyxatdan oʻtishlari lozim. Ishtirokchilar roʻyxatga olish toʻxtatilguniga qadar ariza shakliga oʻzgartirish kiritish imkoniga egalar;
• Arizalar faqatgina ingliz tilida yozilgan boʻlishi kerak;
• Tanlovga faqatgina bitta ariza topshirish mumkin. Agar nomzod bittadan koʻp ariza topshirsa faqatgina oxirgisi hisobga olinadi.

Tanlov jarayoni quyidagicha:

1. Dasturga ariza topshirilgandan keyin ishtirok etuvchilar ajratib olinadi;
2. Tanlovning keyingi bosqichida maxsus hakamlar tomonidan ishtirokchilar saralab olinadi.
3. Finalga chiqqan nomzodlar bilan hakamlar video qoʻngʻiroq orqali gaplashishadi va savollar berishadi. Soʻngra 3 yoʻnalishning har birida bittadan ishtirokchi tanlab olinadi va ular gʻolib deb eʼlon qilinadi. Hakamlarning qarori yakuniy va unga oʻzgartirish kiritilmaydi.

Eslatma! Finalga chiqqan nomzodlarga tanlov maʼmuriyati tomonidan e-mail manzili orqali bogʻlaniladi. Agar ishtirokchi 5 ish kuni ichida javob qaytarmasa tanlovdan chetlashtiriladi.

Dasturga oid muhim sanalar:

• Avgust-ariza topshirishdan oldingi jarayon;
• 7-sentyabr-ariza topshirish jarayoni boshlanadi;
• 9-noyabr-ariza qabul qilish jarayoni yakunlanadi;
• 14-noyabr-Digital Incubator platformasi ishtirokchilar uchun ochiladi;
• 22-noyabr-saralash jarayoni boshlanadi;
• 13-dekabr-saralash jarayoni yakunlanadi;
• 15-yanvar-mentorlar belgilab beriladi;
• 16-fevral-gʻoyalar taqdimoti boshlanadi;
• Mart-gʻoliblar tanlab olinadi.

Dastur saralash bosqichiga oid qoʻshimcha maʼlumotlarni ushbu havola orqali topish mumkin.

Ushbu havola orqali dasturga roʻyxatdan oʻtish mumkin.

Tanlovga oid qoʻshimcha maʼlumotlar va tanlov jarayoniga oid kerakli maʼlumotlar bilan ushbu havola orqali tanishish mumkin.

Dasturning avvalgi gʻoliblari haqida ushbu havola orqali maʼlumot olish mumkin.

Dasturning boshqa koʻplab ishtirokchilari va ularning gʻoyalari mavjud platforma bilan ushbu havola orqali maʼlumot olish mumkin.

Dastur haqidagi qoʻshimcha maʼlumotlarni quyidagi ijtimoiy tarmoqlar orqali ham olish mumkin:

-instagram;

-facebook;

-telegram;

-linkedIn;

-twitter.

Maʼlumot uchun:

E-mail: challenge@socialshifters.co.