Bosh mukofoti 15 million soʻm boʻlgan “Ilm innovatsiya va taraqqiyot” videoroliklar koʻrik-tanlovi
-
01/08/2022 Qabul boshlanishi
-
Mukofot Moliyalash turi
-
Oʻzbekiston Davlat
-
30/09/2022 18:00 Oxirgi muddat
Umumiy maʻlumotlar
Yoshlar akademiyasi tomonidan kreativ videorolik yaratishga qiziquvchi yoshlar uchun “Ilm innovatsiya va taraqqiyot” videoroliklar koʻrik-tanloviga start berildi.
“Ilm innovatsiya va taraqqiyot” videoroliklar koʻrik-tanlovi – mamlakatimiz rivojlanishi uchun ustuvor boʻlgan sohalarda mavjud ijtimoiy-iqtisodiy muammolarga ilmiy yechim izlab topishda yoshlarning faol ishtirokini taʼminlash, yangi innovatsion mahsulotlar ishlab chiqishlari uchun ularning tashabbuslari va takliflariga davlat eʼtiborini yanada kuchaytirish maqsadida oʻtkaziladigan koʻrik-tanlov.
“Ilm innovatsiya va taraqqiyot” videoroliklar koʻrik-tanloviga 16 yoshga toʻlgan va 30 yoshdan oshmagan iqtidorli yoshlar tomonidan tayyorlagan videoroliklar boʻyicha arizalar qabul qilinadi.
Tanlov 3 yoʻnalishda olib boriladi:
- Buyuk ajdodlar merosi;
- Innovatsion texnologiyalar;
- Eng kreativ animatsion rolik.
Har bir yoʻnalish boʻyicha 3 ta eng yuqori oʻrin gʻoliblari pul mukofoti bilan taqdirlanadi.
Maqbullik shartlari
Koʻrik-tanlovda ishtirokchilarga qoʻyiladigan talablar:
- 16 yoshga toʻlgan va 30 yoshdan oshmagan Oʻzbekiston hududida yashovchi iqtidorli yoshlar qatnasha oladi;
- Har bir ishtirokchi faqat bir yoʻnalishda, bitta videorolik bilan ishtirok etishi mumkin;
- Videorolikni yaratishda boshqa roliklardan foydalanish qatʼiyan man etiladi;
- Har bir ishtirokchi videorolik uchun javobgar;
- Ikkita ishtirokchi birgalikda yoki jamoa boʻlib ishtirok etishi taqiqlanadi.
Taqdim etiladigan videoroliklar uchun quyidagi talablar mavjud:
- Davomiyligi eng kamida 1:30 dan 3:00 daqiqagacha davom etishi shart;
- Formati mp4 (FullHD 1920*1080), (1080R), (albom) shaklda boʻlishi lozim;
- Ovoz va video sifati yuqori darajada boʻlishi kerak.
Koʻrik-tanlovga joʻnatilgan videoroliklar quyidagi maqsad va vazifalarni oʻz ichiga olishi kerak:
- Aholi va yoshlar oʻrtasida innovatsion gʻoyalarni targʻib etishi;
- Kundalik va turmush tarziga qoʻllay oladigan va qulay tushunarli boʻlishi;
- Kreativ gʻoyalarga ega boʻlishi;
- Videorolikda qonunchilikka va odob-axloqqa zid boʻlgan lavhalar boʻlmasligi lozim.
Tanlov nizomi bilan batafsil ushbu havola orqali tanishish mumkin.
Foydali tomonlari
Har bir yoʻnalish boʻyicha uchta gʻolib aniqlanadi
- 1-oʻrin uchun — 15 million pul mukofoti, gʻoliblik statuetkasi va maxsus sertifikat;
- 2-oʻrin uchun — 10 million pul mukofoti, gʻoliblik statuetkasi va maxsus sertifikat;
- 3-oʻrin uchun — 5 million pul mukofoti, gʻoliblik statuetkasi va maxsus sertifikat.
Mazkur mukofotlar har bir yoʻnalish boʻyicha alohida topshiriladi. Batafsil ushbu havola orqali maʼlumot olish mumkin.
Qoʻshimcha maʻlumotlar
Saralash jarayoni. Taqdim etilgan videoroliklar koʻrik-tanlov nizomi talablariga qatʼiy rioya qilinganligi, videorolikda koʻchirmachilikka (plagiat) yoʻl qoʻyilmaganligi, belgilangan yoʻnalishlarning biriga moslab shakllantirilganligi boʻyicha dastlabki texnik ekspertizadan oʻtkaziladi. Ishtirokchilar tomonidan belgilangan muddatlarda topshirilgan videoroliklar 1 oy muddatda koʻrik-tanlov komissiyasi tomonidan koʻrib chiqiladi
Dastlabki texnik ekspertizadan oʻtmagan videoroliklar koʻrik-tanlovning keyingi bosqichiga tavsiya etilmaydi.
“Koʻrik-tanlov komissiyasi tomonidan gʻolib deb topilgan ishtirokchilarni taqdirlash marosimi 2022-yil noyabr oyida boʻlib oʻtadi.
Texnik masalalar boʻyicha: (71) 203-32-23 Ichki raqam – (233).
Tanlov nizomi va baholash mezoni bilan batafsil ushbu havola orqali tanishish mumkin.