Yandex Cup 24: dasturchilar uchun umumiy mukofot miqdori 1,75 milliard soʻm boʻlgan xalqaro onlayn dasturlash chempionati

Yandex cup 24 dasturchilar uchun onlayn tanlovni eʼlon qiladi. Tanlovda ishtirok etish orqali nomzodlar iqtidorlarini boshqa dasturchilar bilan solishtirish hamda oʻzlarining qobiliyatlarini Yandex maʼmuriyatiga namoyon qilish imkoniyatini qoʻlga kiritishadi. Bundan tashqari har bir ishtirokchi Yandex tashkilotchilari tomonidan tuzilgan original topshiriqlarni ishlab koʻrish orqali tajriba orttirish imkoniyatiga ega boʻladi.

Dasturda 18 yoshdan kichik boʻlmagan barcha fuqarolar ishtirok etishlari mumkin. Tanlоvning faqatgina Analitika (Analiytics) yо'nalishida 14 yоshdan katta barcha davlat fuqarоlari qatnashishi mumkin. 

Tanlovda quyidagi 6 yoʻnalish boʻyicha ishtirok etish mumkin:

• Front-end;
• Back-end;
• Mobil rivojlanish (Mobile development);
• Analitika (Analiytics);
• Algoritm (Algorithm);
• Mashinaviy oʻqitish (Machine learning).

Tanlovning oxirgi, yaʼni final bosqichida faqatgina bitta yoʻnalish boʻyicha ishtirok etish mumkin. Dastur gʻoliblari uchun jami 12,500,000 rubl mukofot puli ajratilgan boʻlib, ushbu mablagʻ mavjud 6 yoʻnalish gʻoliblariga boʻlib beriladi. Har bir yoʻnalishdagi har bir oʻrin sohiblariga tegishli mukofot puli taqdim etiladi.

Dastur haqida ushbu havola orqali batafsil maʼlumot olish mumkin.

Tanlovda ishtirok etish uchun quyidagi talablarga javob berish lozim:

• Dasturda 18 yoshdan kichik boʻlmagan barcha fuqarolar ishtirok etishlari mumkin;
• Tanlovning faqat “algoritm” kategoriyasi ingliz va rus tillarida mavjud. Ushbu kategoriyada 18 yoshga toʻlgan chet el fuqarolari va 14 yoshga toʻlgan Rossiya Federatsiyasi fuqarolari ishtirok etishlari mumkin;
• Tanlоvning faqatgina “analitika” (Analiytics) kategoriyasida 14 yоshdan katta barcha davlat fuqarоlari qatnashishi mumkin;
• Tanlovda beriladigan topshiriqlar asosan tajribali mutaxassis dasturchilar darajasida boʻladi. Ammo tanlovda dastlabki bosqichdagi mutaxassis boʻlmagan dasturchilar ham qatnashishlari mumkin;
• Nomzodlar tanlovning dastlabki ikki bosqichida birdan ortiq yoʻnalishlarda ham ishtirok etishlari mumkin. Ammo tanlovning final bosqichida nomzod oʻziga bitta yoʻnalishni tanlab, shu boʻyicha ishtirok etishi lozim.

Dastur talablari haqida ushbu havola orqali batafsil maʼlumot olish mumkin.

Tanlovning umumiy fondi 12,500,000 rubl boʻlib, ushbu mablagʻ mavjud 6 ta yoʻnalish gʻoliblariga taqsimlab beriladi. Har bir yoʻnalish gʻoliblari alohida-alohida quyidagicha taqdirlanadi:

• Birinchi oʻrin sohibiga 500,000 rubl pul mablagʻi;
• Ikkinchi oʻrin sohibiga 400,000 rubl pul mablagʻi;
• Uchinchi oʻrin sohibiga 300,000 rubl pul mablagʻi;
• Toʻrtinchi oʻrin sohibiga 200,000 rubl pul mablagʻi;
• Beshinchi oʻrin sohibiga 100,000 rubl pul mablagʻi.

Dasturning foydali jihatlari haqida ushbu havola orqali batafsil tanishib chiqish mumkin.

Dastur uch bosqichda oʻtkaziladi:

-Tanlovning dastlabki bosqichi (trial)da nomzodlar baholash tizimi va beriladigan topshiriqlarning shakli bilan tanishib chiqishadi. Ushbu bosqich natijalari saralash bosqichida hisobga olinmaydi.

-Tanlovning ikkinchi bosqichi (qualifying)da nomzodlar birdan ortiq yoʻnalishda ishtirok etishlari mumkin. Ushbu bosqichda eng yaxshi natija koʻrsatgan nomzodlar final bosqichga oʻtkaziladi;

-Oxirgi bosqich (final)da ishtirokchi oʻzi uchun faqatgina bitta yoʻnalishni tanlaydi. Ushbu bosqichdan soʻng natijalar eʼlon qilinadi va har bir yoʻnalish uchun alohida sovrinlar taqdim etiladi. Final bosqichiga oʻtishda ishtirokchilarning ikkinchi bosqichda qoʻlga kiritgan ballari hisobga olinadi. Oxirgi bosqichga oʻtish uchun har bir ishtirokchi kamida 2 ta topshiriqni muvaffaqiyatli bajarishi lozim. Birinchi bosqichda bajarilgan topshiriqlar bundan mustasno. Chunki u topshiriqlar shunchaki ishtirokchilarni baholash tizimiga tanishtirish uchun berilgan boʻlib baholashda hech qanday ahamiyat kasb etmaydi.

Dasturga roʻyxatdan oʻtish jarayoni haqida ushbu havola orqali batafsil maʼlumot olish mumkin.

Tanlovga ushbu havola orqali roʻyxatdan oʻtish mumkin.

Dastur haqida quyidagi ijtimoiy tarmoqlar orqali ham maʼlumot topish mumkin:

-Telegram;

-Vkontakte;

-LinkedIn.

Murojaat uchun: competitions@yandex-team.ru