Umumiy sovrin jamgʻarmasi 450,000 dollarni tashkil etuvchi HIPA xalqaro fotosuratlar tanlovi
-
01/09/2021 Qabul boshlanishi
-
Mukofot Moliyalash turi
-
Birlashgan Arab Amirliklari Davlat
-
30.11.2021 Oxirgi muddat
Umumiy maʻlumotlar
Shayx Hamdan Bin Muhammad Al Maktum tomonidan asos solingan Hamdan xalqaro fotosuratlar tanlovi 2021-2022-yil uchun yangi tanlovni eʼlon qildi. Bu yilgi tanlovga asosan tabiat mavzusidagi suratlar qabul qilinadi, tanlovning umumiy sovrin jamgʻarmasi 450,000 dollarni tashkil etadi, yaʼni gʻoliblar ichida toifalariga qarab boʻlinadi. Har bir yoʻnalish boʻyicha 5 ta eng yaxshi ish muallifi taqdirlanadi.
Yoʻnalishlar:
- Portfel rasmlar
- Umumiy rasmlar (bu oq va qora rasmlar, rangli rasmlarni oʻz ichiga oladi)
- Portret rasmlar
Mukofotlar miqdori:
- ʼThe Photography Appreciation Awardʼ (Eng yaxshi deb topilgan fotosurat uchun) — 20 000$;
- ʼThe Photography Content Creator Awardʼ (Eng yaxshi kontent yaratgan fotosurat muallifi uchun) — 15 000$;
- The ʼEmerging Person/Organisation in Photography Awardʼ (Fotograflik jamiyatiga katta hissa qoʻshgan eng yaxshi shaxs/tashkilot uchun) — 10 000$.
Har bir yo‘nalish va o‘rinlariga qarab beriladigan mukofotlar haqida batafsil bu yerdan ma'lumot olish mumkin.
Eslatma: Suratlar ingliz va arab tilida qabul qilinadi. Ushbu tanlovda oldin qatnashgan, lekin g'olib bo‘lmagan fotograflar ushbu mavsumda yana qatnashishlari mumkin.
Maqbullik shartlari
- Tanlovda dunyoning istalgan davlatidan boʻlgan, 18 yoshga toʻlgan fotograflar oʻzlariga tegishli suratlar bilan ishtirok etishlari mumkin;
- Har bir topshirilayotgan fotosuratga kamida 30 ta soʻzdan iborat tavsif yozish soʻraladi;
- Yuborilayotgan suratlar jpeg formatida tiniq va sifatli, 5MB dan kichik boʻlmagan hajmda, eng uzun qirrasi 2000 pixeldan kam boʻlmagan sifati 300 dpi boʻlishi va nashr qilish uchun yaroqli holatda boʻlishi kerak.
Foydali tomonlari
- Eng yaxshi deb topilgan fotosurat uchun — 20 000$;
- Eng yaxshi kontent yaratgan fotosurat muallifi uchun — 15 000$;
- Fotograflik jamiyatiga katta hissa qoʻshgan eng yaxshi shaxs/tashkilot uchun — 10 000$.
Qoʻshimcha maʻlumotlar
- Tanlovda ishtirok etish mutlaqo bepul;
- Har bir yoʻnalish boʻyicha faqat 1 ta rasm joylash mumkin, Portfolio yoʻnalishi bundan mustasno, bunda 5-10 ta rasm joylash mumkin;
- Suratlarni yuklashda biror-bir muammoga duch kelinsa, ushbu email manzilga murojaat qilish mumkin;
- Eng ko‘p so‘raladigan savollarga bu yerdan javob olish mumkin.
Oʻxshash dasturlar
Birlashgan Arab Amirliklari
Umumiy sovrin jamgʻarmasi 450,000 dollarni tashkil etuvchi HIPA xalqaro fotosuratlar tanlovi