Umumiy sovrin jamgʻarmasi 53 million soʻmlik “Eng yaxshi dasturchi” respublika tanlovi

Oliy taʼlim, fan va innovatsiyalar vazirligi huzuridagi Talaba va oʻquvchilarning ijtimoiy faolligini oshirish markazi dasturchilik sohasini oʻrganayotgan talaba-yoshlar oʻrtasida sovrin jamgʻarmasi 53 million soʻmlik “Eng yaxshi dasturchi” respublika tanlovi taqdim etiladi.

Ushbu tanlov talaba va oʻquvchilar oʻrtasida dasturchilik sohasidagi amaliy vazifalarga yechimni topishida, real masalalarni koʻrib chiqib koʻnikmalarini oshirish va ragʻbatlantirish maqsadida tashkil etiladi.

Dastlabki bosqich 25-30-noyabr kunlari tashkil etiladi. Keyingi bosqichlarning oʻtkazilish muddati Respublika tashkiliy ishchi guruhi tomonidan belgilanadi.

Tanlov gʻoliblari Oliy taʼlim, fan va innovatsiyalar vazirligi tomonidan pul mukofotlari bilan taqdirlanadi.

Tanlov kasbiy taʼlim muassasalari oʻrtasida 2 bosqichda oʻtkaziladi:

• 1-bosqich (guruhlararo bosqich) dekabr oyining birinchi oʻn kunligida oʻtkaziladi va ishtirokchilar yakka tartibda qatnashadi.
• 2-yakuniy bosqich taʼlim muassasasi bosqichi dekabr oyining ikkinchi oʻn kunligida taʼlim muassasasida oʻtkaziladi.

Tanlov oliy taʼlim muassasalari oʻrtasida 3 bosqichda oʻtkaziladi:

• 1-fakultetlararo saralash bosqich (oliy taʼlim muassasalari oʻzi saralab beradi);
• 2-hududiy saralash bosqichi (robocontest.uz tizimida ishtirokchilar onlayn yakka tartibda qatnashadi);
• 3-yakuniy respublika bosqichi (robocontest.uz tizimida oflayn yakka tartibda oʻtkaziladi).

Dastur haqida batafsil ushbu havola orqali maʼlumot olish mumkin.

• Tanlovda oliy va kasbiy taʼlim muassasalarida tahsil oluvchilar qatnashishi mumkin;
• Nomzod robocontest.uz platformasidan foydalanish koʻnikmasiga ega boʻlishi talab etiladi;
• Ishtirokchilar C++, C#, Java, Python, Ruby, PHP, JavaScript, Typescript va boshqa dasturlash tillaridan foydalana olishlari mumkin;
• Talabgorlar Hakamlar hayʼati tomonidan qoʻyilgan masalalar doirasida maxsus dastur va algoritmni ishlab chiqishlari kerak.

Eslatma: Tanlovda ishtirokchilar faqat yakka tartibda ishtirok etishlari mumkin.

Tanlov nizomi bilan ushbu havola orqali tanishib chiqish lozim.

Tanlov gʻoliblari quyidagi pul mukofotlari bilan taqdirlanadi:

Oliy taʼlim muassasalari talabalari:

• 1-oʻrin – 15 000 000 soʻm;
• 2-oʻrin – 10 000 000 soʻm;
• 3-oʻrin – 8 000 000 soʻm;

Nominatsiyalar boʻyicha:

• “Eng tezkor dasturchi” – 5 000 000 soʻm;
• “Eng yosh dasturchi” – 5 000 000 soʻm;
• “Eng murakkab dastur dasturchisi” – 5 000 000 soʻm;
• “Eng omadli dasturchi” – 5 000 000 soʻm.

Professional taʼlim muassasalari oʻquvchilari:

• 1,- 2,- va 3-oʻrin gʻoliblari taʼlim muassasasi tomonidan faxriy yorliq va qimmatbaho sovgʻalar bilan taqdirlanadi.

Dasturda qatnashishni istaganlar ushbu havola orqali ariza topshirishlari mumkin. Hujjat topshirishda shaxsiy savollarga javob berish va aloqa maʼlumotlarini kiritish soʻraladi.

• Talaba va oʻquvchilar oʻrtasida “Eng yaxshi dasturchi” respublika tanlovini oʻtkazish boʻyicha soha mutaxassislardan iborat Hakamlar hayʼati tuziladi;
• Tanlov natijalari taʼlim muassasasining ijtimoiy tarmoqlarida va rasmiy veb-saytlarda eʼlon qilib boriladi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Instagram;
• YouTube;
• Telegram.