Universitet 4-kurs talabalari va tajribali mutaxassislar uchun Yandex kompaniyasidan Axborot Xavfsizligi maktabi; Yandex amaliyotchisi va xodimi boʻlish imkoniyati beriladi
  • 01/02/2022 Qabul boshlanishi
  • Bepul Moliyalash turi
  • Rossiya Davlat
  • 27.02.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Rus tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Yandex kompaniyasi 2022-yil mart oyida boshlanadigan Axborot Xavfsizligi maktabi uchun ishtirokchilarni qabul qilmoqda. Maktabda taʼlim olish bepul. Universitetda 4-kurs talabalari ham, tajribali mutaxassislar ham ariza berishlari mumkin.

Maktab dasturi bir yarim oyga moʻljallangan. Dastur 2 bosqichdan iborat:

  • Onlayn maʼruzalar;
  • Yandexning Moskvadagi ofisida oʻtkaziladigan amaliy mashgʻulotlar. 

Boshqa shaharlardan kelgan talabalar uchun amaliy mashgʻulotlarda qatnashish uchun yoʻl va turar-joy xarajatlarini Yandex kompaniyasi qoplaydi 

Ishtirokchilar Yandex mutaxassislaridan infratuzilma va mahsulot xavfsizligi boʻyicha maʼruzalarda ishtirok etishadi va ularga uy vazifa sifatida topshiriqlar beriladi.

Maktab dasturi quyidagi mavzularni oʻz ichiga oladi:

  • Xavfsiz ilovalarni ishlab chiqish;
  • Xavfsiz tarmoq va server infratuzilmasini yaratish;
  • Bulutli platforma xavfsizligi,
  • Yirik korporatsiyalardagi xavfsizlikka oid hodisalarni aniqlash va tekshirish.

Yandex Akademiyasi ushbu loyihani 2018-yildan buyon yangi mutaxassislarni tayyorlash va ularga kompaniya amaliyotidan real vaziyatlar orqali axborot xavfsizligini chuqurroq oʻrganishi uchun davom ettirmoqda. Birinchi maktab materiallari bilan ushbu havola orqali tanishish mumkin.

Maktab dasturi haqida batafsil maʼlumot bilan rasmiy eʼlon orqali tanishib chiqish mumkin. 

Maqbullik shartlari

Ishtirokchilarga qoʻyiladigan talablar:

  • Axborot xavfsizligi sohasida yangi bilim olishga tayyor boʻlgan universitetda 4-kurs talabalari hamda tajribali mutaxassislar ishtirok etishi mumkin;
  • Kamida bitta dasturlash tilini (JS, Python, C ++, Java yoki Golang) bilishi kerak;
  • Boshlangʻich darajada veb-ilovalarni yaratish va ishlatish xususiyatlarini hamda operatsion tizimlar va tarmoqning ishlash tamoyillarini tushunishi kerak;
  • Infratuzilmani, shuningdek, kiberhujumlarning va asosiy zaiflik(vulnerabilities) turlarini bilishi lozim.

Maktab qabul talablari bilan batafsil rasmiy eʼlon orqali tanishib chiqish mumkin. 

Foydali tomonlari

  • Yaxshi natijalarga erishgan talabalar Yandex jamoasiga taklif qilinadi. Maktabning har bir mavsumida, 50-70% bitiruvchilari kompaniyada amaliyot oʻtash va ishlash imkoniga ega boʻladi. 
  • Maktab dasturi bir yarim oyga moʻljallangan. Dars jadvali ishtirokchining ishi yoki oʻqishi bilan birlashtira oladigan tarzda tuzilgan.
  • Maktabning 2-bosqichi uchun Moskvaga kelish yoʻl xarajatlari va turar-joy xarajatlari Yandex tomonidan toʻlanadi. 

Maktab dasturi va uning imtiyozli jihatlari bilan rasmiy eʼlon orqali batafsil tanishib chiqish mumkin. 

Hujjat topshirish

  1. Rasmiy sayt orqali onlayn ariza to'ldirish lozim. Arizada ishtirokchining shaxsiy maʼlumotlari talab etiladi hamda motivatsion xat taqdim etilishi kerak. 
  2. Ishtirokchilarning bilimini tekshirish uchun bir nechta test topshiriqlari va batafsil izoh talab etadigan amaliy masalalar beriladi. 

Muhim: Motivatsion xat tanlov jarayonida amaliy topshiriqlar kabi muhim o'rin tutadi. Shuningdek, yechim taqdim etilgan amaliy topshiriq va masalalar soniga emas, balki ularning qanchalik sifatli bajarilganiga eʼtibor beriladi. 

Ariza toʻldirish jarayoni bilan batafsil rasmiy e'lon orqali tanishib chiqish mumkin. 

Qoʻshimcha maʻlumotlar

Murojaat uchun: shkib@yandex-team.ru 

Hujjat topshirishdan avval rasmiy saytdagi eʼlon va tez-tez soʻraladigan savollar(FAQs) boʻlimidagi maʼlumotlar bilan tanishib chiqish lozim. 

Rossiya
Universitet 4-kurs talabalari va tajribali mutaxassislar uchun Yandex kompaniyasidan Axborot Xavfsizligi maktabi; Yandex amaliyotchisi va xodimi boʻlish imkoniyati beriladi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar