UzCA Game Fund — O‘zbekistondagi o‘yin studiyalari uchun investitsiya va nashriyot dasturi

UzCA Game Fund — O‘zbekistonda gamedev (o‘yin yaratish) sohasini rivojlantirish va mahalliy studiyalarni qo‘llab-quvvatlash uchun tashkil etilgan bosqichm-bosqich investitsiya hamda nashriyot (publishing) dasturidir. Mazkur jamg‘arma o‘yin loyihalarini ilk g‘oyadan tortib barqaror daromad keltirish bosqichigacha bo‘lgan barcha jarayonda moliyalashtirish va texnik resurslar bilan ta'minlaydi.

Dastur ishtirokchilarga ikkita asosiy yo‘nalish (track) bo‘yicha imkoniyat taklif etadi:

• Investment trek: Dastlabki bosqichlarda daromad ulushi (revenue-share) asosida moliyalashtirish, keyingi bosqichlarda esa ulushli (equity) investitsiya kiritish;

• Publishing trek: O‘yinlarni ASO (App Store Optimization), marketing, auditoriyani jalb qilish (UA) hamda xalqaro bozorlarga chiqarish va tarqatish (distribution) bo‘yicha to‘liq amaliy yordam ko‘rsatish.

• O‘zbekistonlik individual dasturchilar, jamoalar va ro‘yxatdan o‘tgan o‘yin studiyalari;

• Dastlabki bosqichlar (Investment) hamda amaliy nashriyot yordami (Publishing) uchun yakka tartibdagi dasturchilar (solo developers) va norasmiy jamoalar ariza topshirishi mumkin;

• Ulushli investitsiya (equity) ajratiladigan yuqori bosqichlar uchun rasmiy ro‘yxatdan o‘tgan yuridik shaxs (studiya) talab etiladi;

• Nomzodlar bir vaqtning o‘zida ham Investment, ham Publishing yo‘nalishlariga mustaqil ravishda ariza topshirish huquqiga ega;

• Har xil rivojlanish darajasidagi (ilk g‘oya, prototip yoki daromadga ega) o‘yin loyihalari qabul qilinadi.

• O‘yin loyihalarini ilk bosqichdan daromad bosqichigacha bosqichma-bosqich moliyalashtirish;

• Boshlang‘ich bosqichlarda daromad ulushi (revenue-share) shaklidagi xavfsiz investitsiya modeli;

• Yuqori bosqichga erishgan studiyalar uchun venchur va ulushli (equity) investitsiyalar ajratilishi;

• ASO va xalqaro tarqatish (distribution) bo‘yicha begʻaraz amaliy yordam;

• Auditoriyani jalb qilish (User Acquisition) va marketing kampaniyalari uchun maxsus byudjet taqdim etilishi;

• Soha ekspertlari va professional noshirlar tomonidan texnik hamda strategik maslahatlar berilishi.

Dasturda ishtirok etish uchun hujjat topshirish quyidagi bosqichlardan iborat:

1. Tashkilotchilarning rasmiy ro‘yxatdan o‘tish portaliga o‘ting;

2. Shaxsiy profil yarating yoki mavjud akkauntingizga kiring;

3. Mos keluvchi yo‘nalishni (Investment yoki Publishing) va o‘yiningizning hozirgi rivojlanish bosqichini tanlang;

4. Loyiha va jamoangiz haqidagi ma'lumotlarni, o‘yin taqdimoti (pitch deck) hamda ishchi havola/demo versiyalarini to‘ldirib yuboring.

Eslatma: Arizalarni topshirish va ko‘rib chiqish uchun hech qanday ariza to‘lovi talab etilmaydi. Ko‘rib chiqish muddati yo‘nalish va bosqichga qarab farq qiladi, arizangiz holatini shaxsiy kabinet orqali kuzatib borishingiz mumkin.

Dastur yo‘nalishlari haqida to‘liq ma'lumot:

Savol va javoblar hamda dastur shartlari bilan batafsil tanishish uchun rasmiy FAQ sahifasiga tashrif buyurishingiz mumkin.