UZINFOCOM tomonidan IT sohasida tajribaga ega boʻlishni istagan ayol-qizlar uchun intensiv amaliyot dasturi

UZINFOCOM tomonidan IT sohasida tajribaga ega boʻlishni istagan ayol-qizlar uchun intensiv amaliyot dasturi eʼlon qilinadi. Dastur 2,5 oy davomida haftasiga 5 kun oflayn formatda oʻtkaziladi. Amaliyot Toshkent markazidagi IT parkning zamonaviy ofisda olib borilishi rejalashtirilgan.

Dasturdan maqsad IT sohasida faoliyat olib borishni orzu qilgan ayol-qizlarga texnologiyalar markazida — aynan UZINFOCOM kompaniyasida tajriba orttirish imkoniyatini taqdim etiladi.

Quyidagi yoʻnalishlarda amaliyot oʻtash mumkin:

• Frontend (React);
• Backend (Java / Python);
• QA (test qilish);
• IT-yurist;
• Biznes-analitik;
• Data Annotator.

Dastur haqida batafsil ushbu havola orqali maʼlumot olish mumkin.

• IT sohasiga qiziqqan talaba va bitiruvchi ayol-qizlar qatnashishi mumkin;
• Dasturda oflayn shaklda toʻliq ishtirok etish talab qilinadi;
• Tegishli yoʻnalish boʻyicha bilim va tajribaga ega boʻlish afzal koʻriladi.

• Dasturda bepul qatnashish mumkin;
• Yetakchi IT-kompaniya ish muhiti bilan tanishish;
• UZINFOCOM ning ilgʻor loyihalarida haqiqiy tajriba oʻtash;
• Eng yaxshi mutaxassislardan mentorlik darslari olish;
• Networking, rivojlanish va jamoada qolish uchun haqiqiy imkoniyat.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Taʼlim muassasasi va mutaxassislik;
• Asosiy qiziqish yoʻnalishi;
• Ish tajribasi (Qayerda va kim sifatida ishlagani haqida qisqacha);
• Aloqa maʼlumotlari;
• Motivatsion xat;
• Rezyume (maksimal 10 MB hajmidagi PDF fayl yoki havola: Google Drive, Yandex Disk va boshqalar).

• Joylar soni cheklanganligi uchun imkon qadar tezroq ariza topshirishlari kerak;
• Dasturdan muvaffaqiyatli oʻtganlar bilan 10 ish kuni ichida aloqaga chiqishadi.