UzJobs tomonidan bakalavr va magistratura talabalari uchun “Sustainability and Value Added in the Cotton Economy” loyihasida amaliyot oʻtash imkoniyati

UzJobs tashkiloti paxta sanoati va toʻqimachilik sohasida taʼlim olayotgan talabalar uchun Sustainability and Value Added in the Cotton Economy project (Germaniya bilan qo'shma hamkorlik) loyihasida ishtirok etish imkoniyatini taqdim etadi. Dasturda ushbu soha boʻyicha eng iqtidorli, yetarli bilim va koʻnikmaga ega yoshlar oʻz tajribalarini yanada oshirish maqsadida ishtirok etishi mumkin.

Dasturga qabul qilingan amaliyotchi talabalar paxta sanoati va toʻqimachilikka oid bilimlarini innovatsion gʻoyalar bilan rivojlantirish, shu bilan birga, keng doiradagi tikuvchilik kompaniyalari, paxta-toʻqimachilik klasterlari, toʻqimachilik assotsiatsiyasi va boshqalari bilan hamkorlik oʻrnatish imkoniyatiga ega boʻladi. Dasturda xalqaro loyiha boʻlgani bois oʻzbek, rus, ingliz (nemis tili qoʻshimcha) tillarini mukammal bilgan yoshlar ishtirok etishi mumkin.

Amaliyot oʻtash uchun nomzodlarga qoʻyilgan talablar:

• Nomzod hozirda paxta sanoati va toʻqimachilik yoki shunga aloqador yoʻnalish boʻyicha bakalavr yoki magistratura bosqichida taʼlim olayotgan boʻlishi kerak;
• Oʻzbek, rus va ingliz tillarini mukammal bilishi kerak. Nemis tilini bilish ustunlik berishi mumkin;
• Microsoft Office dasturlarida erkin ishlay olishi lozim;
• Paxta sanoati va toʻqimachilik sohasida oʻtagan avvalgi amaliyotlari foyda berishi mumkin;
• Jamoada ishlash, mas'uliyatlilik, yangi muhitga oson moslashuvchanlik va qiziquvchanlik qobiliyatlariga ega boʻlishi kerak.

Dastur talablari va nomzod bajaradigan topshiriqlar haqida batafsil ushbu havola orqali maʼlumot olish mumkin.

Dasturga qabul qilingan talabalar quyidagi imtiyozlarga ega boʻladi:

• Ishtirokchilar “Sustainability and Value Added in the Cotton Economy” loyihasida bepul ishtirok etadi;
• Paxta sanoati va toʻqimachilikka oid bilimlarini innovatsion gʻoyalar bilan rivojlantiradi;
• Keng doiradagi tikuvchilik kompaniyalari, paxta-toʻqimachilik klasterlari, toʻqimachilik assotsiatsiyasi va boshqalari bilan hamkorlik oʻrnatish imkoniyatiga ega boʻladi.

Dastur talablari haqida batafsil ushbu havola orqali maʼlumot olish mumkin,

Dasturda ishtirok etish uchun nomzodlar ushbu havola orqali onlayn roʻyxatdan oʻtishi yoki toʻgʻridan toʻgʻri GIZ ofisiga pochta orqali kerakli hujjatlarni taqdim etishi kerak.

Pochta uchun manzil: Toshkent 100029, Mirobod tumani, Chimyon koʻchasi 7a.

Kerakli hujjatlar:

• CV/Rezyume;
• Motivatsion xat

Amaliyot Toshkent shahrida boʻlib oʻtadi.

Dastur 6 oy davom etadi.

Qoʻshimcha savol va murojaatlar uchun: info@uzjobs.uz

Tel: 71 236-00-55; +998 95 146-31-30