“UzVC” Milliy venchur fondi hamda Britaniyaning Sturgeon Capital venchur fondi tomonidan startaplar tanlovi. Gʻolib loyihalar moliyalashtiriladi

Tadbirkorlarga mablag‘ yig‘ish va ishbilarmonlik aloqalari tarmog‘ini yaratish bo‘yicha maslahatlar berish orqali o‘z g‘oyalari va qarashlarini muvaffaqiyatli biznesga aylantirishga yordam beradigan “UzVC” Milliy venchur fondi Britaniyaning Sturgeon Capital venchur fondi bilan birgalikda startaplarga investitsiya kiritish bo‘yicha arizalar qabul qilib boshlaganini e’lon qiladi.

“UzVC”  Milliy venchur fondining asosiy vazifalari:

• Venchur investitsiyalar bozorini rivojlantirish;
• Venchur ekosistemasining normativ-huquqiy bazasini takomillashtirish;
• Xususiy sektor va davlat o‘rtasidagi bog‘lovchi agent vazifasini bajarish;
• Biznes inkubatsiya va akseleratsiya tizimini rivojlantirish;
• Venchur kapital bo‘yicha moliyaviy savodxonlikni oshirish.

Startaplar ikki tomonlama kelishuv asosida fondning ulushli ishtirok etish sharti bilan moliyalashtiriladi.

Dastur bilan batafsil ushbu havola orqali  tanishib chiqish mumkin.

Dastur uchun nomzodlar quyidagi talablarga mos startap loyiha asoschisi bo‘la olishlari kerak:

• Nomzodlar mamlakat iqtisodiyotida og’riqli muammoni hal qiladigan mahsulot, texnologiya yoki xizmatni taklif qila olishi;
• Katta maqsadli bozor uchun innovatsion yechim taklif qila olishi;
• Taklif qilingan biznes ishi  jahon bozorlariga chiqa olishi;
• Loyiha xomaki ko‘rinishi / demo / minimal hayotiy mahsulot (MVP)ga ega bo‘lishi  
• Nomzodning yangi mahsulotni joriy etishda, biznesni rivojlantirishda tajribaga ega bo‘lishi.

Dasturning maqbullik shartlari bilan ushbu havola orqali batafasil tanishib chiqish mumkin.

Tanlov g‘oliblari quyidagi imtiyozga ega bo‘lishadi:

• Startaplar ikki tomonlama kelishuv asosida fondning ulushli ishtirok etish sharti bilan moliyalashtiriladi.

• Dasturga ushbu havola orqali ariza topshiriladi.
• Shaklni to’ldirayotganda siz o’zingizning loyihangiz, bozor, moliyalashtirish mablag’i haqida ma’lumot berishingiz va pitch-dek (taqdimot) ni yuklashingiz kerak.

Qoʻshimcha maʼlumotlar uchun info@nationaluzvc.uz pochtasi orqali bogʻlanishingiz mumkin.