Vengriyada magistratura bosqichini toʻliq moliyalashtirilgan holda oʻqish imkonini beruvchi grant dasturi - Hungarian Government Scholarship 2026-2027

Birlashgan millatlar tashkiloti (BMT)ning Oziq-ovqat va agrosanoat tashkiloti hamda Vengriya hukumati hamkorligida FAO–Hungarian Government Scholarship Programme 2026–2027 grant dasturi tashkil etilgan. Dastur doirasida nomzodlar magistratura bosqichining quyidagi yoʻnalishlardan biriga ariza topshirishlari mumkin boʻladi:

• Master in Agricultural Biotechnology – Hungarian University of Agriculture and Life Sciences, Szent István Campus, Gödöllő;
• Master in Animal Nutrition and Feed Safety Engineering – Hungarian University of Agriculture and Life Sciences, Kaposvár Campus, Kaposvár;
• Master in Plant Protection – University of Debrecen, Faculty of Agricultural and Food Sciences and Environmental Management, Debrecen.

Dasturda bakalavr bosqichining soʻnggi kursida tahsil olayotgan yoki uni tamomlagan, yuqori akademik koʻrsatkichlarga ega hamda ingliz tilini bilish sertifikatiga ega nomzodlar qatnashishi mumkin. Dasturga saralab olingan nomzodlarning toʻlov-kontrakt xarajatlari, shuningdek, turar-joy, yashash hamda sogʻliq sugʻurtasi dastur maʼmuriyati tomonidan qoplanadi.

Dasturga arizalarni qabul qilish jarayoni 2026-yil 28-fevralga qadar davom etadi.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• nomzod dastur tomonidan belgilangan davlatlardan birining fuqarosi boʻlishi lozim (Oʻzbekiston ham mavjud);
• yuqori akademik koʻrsatkichlarga ega boʻlish zarur;
• bakalavr bosqichining oxirgi kursida oʻqiyotgan yoki uni yakunlagan nomzodlar ariza topshira oladi;
• ingliz tilida oʻqitiladigan kurslar uchun ingliz tilini bilish darajasi talab qilinadi;
• dasturda ishtirok etish uchun kuchli xohish va qiziqishga ega boʻlish kerak;
• nomzod jismonan sogʻlom boʻlishi zarur;
• saralash jarayonida 30 yoshgacha boʻlgan nomzodlarga ustunlik beriladi;

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali tomonlari mavjud:

• ariza topshirish badal puli toʻlab beriladi;
• toʻlov-kontrakt hamda oʻquv materiallari uchun xarajatlar qoplanadi;
• bepul turar-joy bilan taʼminlanadi;
• yashash xarajatlari uchun pul ajratiladi;
• talabalar sogʻliq sugʻurtasi bilan taʼminlanadi.

Eslatma! Dastur maʼmuriyati faqatgina nomzodning xarajatlarini qoplaydi. Dastur doirasida oila aʼzolari moliyaviy qoʻllab-quvvatlanmaydi.

Dasturda qatnashish uchun nomzodlardan 2026-yil 28-fevralgacha ariza topshirish soʻraladi. Dasturga qabul jarayoni 2 bosqichda amalga oshiriladi:

I bosqich:

1. Nomzod ariza hamda quyidagi kerakli hujjatlarni ingliz tiliga rasmiy notarial tarjima qilgan holda FAO tashkilotiga yuboradi:

• toʻldirilgan ariza shakli;
• CV;
• bakalavr soʻnggi bosqichi talabalari uchun maktab shahodatnomasi hamda universitetda oʻqish boʻyicha maʼlumotnoma; bakalavr bosqichini yakunlaganlar uchun bakalavr diplomi hamda ilovasi;
• til bilish sertifikati nusxasi;
• pasport asosiy maʼlumotlari yozilgan sahifa nusxasi;
• tavsiyanoma (1 ta);
• motivatsiya xati;
• tibbiy maʼlumotnoma;
• jinoiy sudlanmaganlik haqida maʼlumotnoma.

2. FAO arizalarni tekshirib, Vengriya Qishloq xoʻjaligi vazirligiga joʻnatadi;

3. Vazirlik hujjatlarni universitetga taqdim etadi.

II bosqich:

1. Arizalari saralab olingan nomzodlardan universitet qabul shartlari sifatida ingliz tili boʻyicha yozma yoki ogʻzaki imtihon topshirishi soʻralishi mumkin;
2. Universitet tomonidan saralab olingan nomzodlar dasturga qabul qilinadi.

Ariza shaklini ushbu havola orqali yuklab olish mumkin.

Dasturga ariza topshirish talablari bilan ushbu havola orqali batafsil tanishish mumkin.

Dastur arizasini ushbu havola orqali yuborish mumkin.

Dastur haqida ushbu havola orqali qoʻshimcha maʼlumot olish mumkin.

Dastur haqida quyidagi ijtimoiy tarmoqlar orqali batafsil maʼlumot olish mumkin:

-Facebook;

-Instagram;

-LinkedIn;

-X;

-YouTube.