Vodiylik yigit-qizlar uchun dasturlash va grafik dizayn bo'yicha "Najot ta'lim"dan 100 ta grant

"Najot Ta'lim" markazi vodiylik yoshlar uchun Yoshlar ishlari agentligi tashabbusi va qo'llab-quvvatlovi bilan Farg'ona filiali uchun 100 nafar o'quvchiga grant e'lon qiladi.

Grantni saralab olish imtihon (mantiqiy fikrlash va ingliz tili) va suhbat asosida bo'lib o'tadi. Eng yuqori ball to'plagan 100 nafar o'quvchi g'olib deb topiladi. Saralash «Najot Ta'lim» jamoasi tomonidan amalga oshiriladi.

• Ushbu grantda Farg'ona, Andijon va Namangan viloyatlaridagi 14 yoshdan 30 yoshgacha bo'lgan yoshlar qatnashish huquqiga ega;
• Dasturlash, grafik dizayn sohalarini grant asosida o'rganmoqchi bo'lgan barcha ishtirok etishi mumkin;
• Nomzodlar ingliz tilini yetarli darajada bilishlari lozim.

Eslatma: Til sertifikati so'ralmaydi. Biroq imtihonlar ingliz tilida olib borilganligi uchun nomzodlar ingliz tilini yaxshi bilishlari lozim.

• G'oliblar quyidagi sohalarni bepul o'qish uchun grant yutib oladilar:
  • 60 ta grant dasturlash sohasi uchun;
  • 40 ta grant grafik dizayn sohasi uchun.

• Ariza to'ldirishda nomzoddan quyidagi hujjatlar so'raladi:
  • 3x4 rasm (selfi formatidagi rasmlar ham qabul qilinadi);
  • IELTS yoki CEFR sertifikati (agar bo'lsa);
  • Biografiya (PDF formatda yuklanadi va hajmi 10MB dan oshmasligi lozim);
  • Motivatsion xat (PDF formatda yuklanadi va hajmi 10MB dan oshmasligi lozim);
  • Kam ta'minlanganlik yoki boquvchisini yo'qotganlik haqidagi hujjat nusxasi (agar bo'lsa).
• Ushbu grant uchun ro'yxatdan o'tish 10-may sanasidan boshlab 25-maygacha davom etadi. Imtihon kuni bo'yicha ro'yxatdan o'tganlarga xabar beriladi. Dasturda ishtirok etish istagida bo'lganlar usbu havola orqali ro'yxatdan o'tishlari mumkin.

Grant haqida qo'shimcha ma'lumot olish uchun ushbu telegram bot orqali aloqaga chiqish mumkin.

Tel: 78-888-9-88.