WIC Global Youth Leaders 2026 — yosh yetakchilar uchun raqamli texnologiya sohasida rivojlanish dasturi

2026 WIC Global Youth Leaders — global internetni rivojlantirish va raqamli texnologiyalar boshqaruvida faol boʻlgan 45 yoshgacha boʻlgan yoshlar uchun moʻljallangan xalqaro dasturdir. Ushbu dastur yosh tadbirkorlar, siyosatchilar va tadqiqotchilarni birlashtirib, ularning gʻoyalarini xalqaro miqyosda qoʻllab-quvvatlashni maqsad qilgan.

Dastur gʻoliblari Xitoyda boʻlib oʻtadigan nufuzli Wuzhen Summit tadbirida ishtirok etib, oʻz nutqlari bilan qatnashish imkoniyatini qoʻlga kiritadilar. Dastur uchta asosiy yoʻnalishni qamrab oladi:

• Forum: Har yili oʻtkaziladigan Wuzhen Summit doirasidagi yoshlar forumida maʼruza qilish;

• Trening: Turli mamlakatlarda soha yetakchilari ishtirokida tashkil etiladigan intensiv amaliy darslar va malaka oshirish kurslarida qatnashish;

• Tadqiqot: Internet texnologiyalari va raqamli siyosat sohasida yoshlar yetakchiligida hamkorlikda ilmiy izlanishlar olib borish.

• Dasturda dunyoning istalgan mamlakatidan nomzodlar ishtirok etishi mumkin;

• Ariza topshirish vaqtida nomzodning yoshi 45 dan oshmagan boʻlishi lozim;

• AKT, sunʼiy intellekt, internet siyosati yoki raqamli tadbirkorlik sohalarining birida aniq yutuqlarga (ilmiy ishlar, startaplar, loyihalar yoki mukofotlar) ega boʻlish talab etiladi;

• Ingliz tilida mukammal soʻzlasha olish hamda taqdimot qilish koʻnikmalari mavjud boʻlishi kerak;

• World Internet Conference tashkilotining missiyasini qoʻllab-quvvatlash va kibermakonda umumiy kelajak yaratish gʻoyalariga hissa qoʻshishga tayyor boʻlish lozim.

• World Internet Conference (WIC) tashkilotining rasmiy Global Youth Leader sertifikati taqdim etiladi;

• 2026 WIC Wuzhen Summit tadbiriga rasmiy mehmon sifatida qatnashish va yoshlar forumida nutq soʻzlash imkoniyati beriladi;

• Sammitda qatnashish uchun borish-kelish aviachiptalari, bepul turarjoy va oziq-ovqat xarajatlari toʻliq qoplanadi;

• Xalqaro tashkilotlar, yirik IT kompaniyalar va davlat rasmiylari bilan professional aloqalar oʻrnatish imkoniyati yaratiladi;

• WIC tashkiloti tizimida amaliyot oʻtash yoki ishga joylashishda ustuvorlik beriladi;

• Final bosqichiga yetib borgan, lekin gʻolib boʻlmagan nomzodlarga Nominee Certificate beriladi va ular WIC yoshlar hamjamiyatiga taklif etiladi.

Dasturda hujjat topshirish quyidagi bosqichlardan iborat:

1. Belgilangan muddatgacha rasmiy sayt orqali roʻyxatdan oʻtiladi;

2. Shaxsiy va professional maʼlumotlar onlayn tizimda toʻldiriladi;

3. Tegishli muassasa yoki soha mutaxassisi tomonidan imzolangan tavsiyanoma (recommendation letter) taqdim etiladi;

4. Ilmiy maqolalar, mukofotlar yoki startap koʻrsatkichlarini tasdiqlovchi hujjatlar yuklanadi;

5. Tashkilotning Global Youth Leaders Initiative konsepsiyasi boʻyicha oʻz qarashlaringiz va takliflaringiz aks etgan qisqa taqdimot videosi (matnli transkripti bilan birga) yuklanadi.

Eslatma: Barcha hujjatlar va video taqdimot faqat ingliz tilida tayyorlanishi shart. Ariza topshirish bepul va hech qanday toʻlov talab etilmaydi.

Saralash bosqichlari va muhim sanalar:

• Hujjat topshirishning oxirgi muddati: 2026-yil 24-iyul, Toshkent vaqti bilan soat 14:00 (17:00 GMT+8);

• Arizalarni koʻrib chiqish va ekspertlar baholashi: 2026-yil avgust oyi oxirigacha;

• Saralangan nomzodlarni eʼlon qilish va xabarnoma yuborish: 2026-yil sentyabr oyi oxirigacha;

• Sammitda ishtirok etish: 2026-yil noyabr oyi boshi.

Tashkilotchilar bilan bogʻlanish:

Ariza topshirish jarayonida yuzaga kelgan savollar boʻyicha quyidagi elektron pochta manzillari yoki telefon raqamlari orqali bogʻlanishingiz mumkin:

• Elektron pochta: youth@wicinternet.org yoki wicgylp@huanqiu.com

• Telefon: +86-010-87931729, +86-010-87931724