Xalq taʼlimi vazirligi va Oʻzbekiston yoshlar ittifoqi hamkorligida maktab oʻquvchilari uchun “Vatan taqdiri mening qoʻlimda” mavzusida insholar tanlovi
  • 17/09/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 25.09.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (yuqori sinflar)
  • Dastur tili
    O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Xalq taʼlimi vazirligi va Oʻzbekiston yoshlar ittifoqi hamkorligida “Vatan taqdiri mening qoʻlimda” mavzusida insholar tanlovini eʼlon qiladi. Ushbu tanlovda barcha 10-11-sinf oʻquvchilari ishtirok etishi mumkin.

Tanlovning asosiy maqsad va vazifalari yurt tayanchi boʻlgan yoshlarga Vatan himoyasi sharafli va muqaddas burch ekanini chuqur singdirish, ularda Vatan taqdiri, ertangi kuni va istiqboliga daxldorlik tuygʻusini rivojlantirish, amalga oshirilayotgan islohotlarni teran idrok ettirishdir. Shuningdek, joylarda ijtimoiy-maʼnaviy muhit barqarorligi va tarbiyaviy ishlar samaradorligini oshirish, millatlararo totuvlikni yanada mustahkamlash, xalqaro hamkorlikni rivojlantirish, yoshlar oʻrtasida masʼuliyat hissi, fuqarolik pozitsiyasini kuchaytirish, yosh avlod qalbida vatanparvarlik sifatlarini oshirish, yurt taqdiri va uning mustaqilligi uchun daxldorlikni anglatishdan iborat. 

Tanlov 2 bosqichda oʻtkaziladi:

  • 1-bosqich onlayn oʻtkaziladi. Bunda @insholarbot orqali toʻgʻridan-toʻgʻri insholar qabul qilinadi;
  • 2-bosqich Toshkent shahrida saralangan oʻquvchilar ishtirokida boʻlib oʻtadi.

Maqbullik shartlari

  • Tanlovda oʻrta taʼlim muassasalarining barcha 10-11-sinf oʻquvchilari ishtirok etishi mumkin.

Tanlov shartlari bilan batafsil ushbu havola orqali tanishish mumkin.

Foydali tomonlari

  • Tanlovning birinchi bosqichida 1-, 2-, 3-oʻrinlarni egallagan ishtirokchilar Qoraqalpogʻiston Respublikasi xalq taʼlimi vazirligi, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalarining faxriy yorligʻi va esdalik sovgʻalari bilan taqdirlanadi;
  • Tanlovning respublika bosqichi yakunlariga koʻra taʼlim muassasalari oʻquvchilari oʻrtasida 1-, 2-, 3-oʻrinlarni egallagan gʻoliblar uchun hamkor tashkilotlarning 1-, 2-, 3-darajali diplomi va qimmatbaho sovgʻalari bilan taqdirlandi. 

Tanlov mukofotlari bilan batafsil ushbu havola orqali tanishish mumkin.

Hujjat topshirish

Tanlovda qatnashishni xohlagan 10-11-sinf oʻquvchilari ixtiyoriy ravishda onlayn @insholarbot telegram boti orqali roʻyxatdan oʻtishi lozim.

Qoʻshimcha maʻlumotlar

Tanlovning baholash mezonlari.

  • Tanlovning birinchi bosqichi ishtirokchilarning “Vatan taqdiri mening qoʻlimda” mavzusida yozilgan insholarini tekshirish asosida oʻtkaziladi;
  • Inshoning tuzilishida xalqaro baholash mezonlari asosida rejasiz va ortiqcha badiiy boʻyoqlardan xoli tarzda, aniq va teran fikrlari esse koʻrinishida: mavzu nomi, kirish, asosiy qism, xulosa shaklida yozilishi eʼtiborga olinadi.

Inshoning baholashda quyidagi mezonlarga tayaniladi:

  • Inshoning hajmi 220 – 250 soʻz oraligʻida boʻlishi (270 soʻzdan oshgan insholar tekshirilmaydi);
  • Mavzuni yoritishda shaxsiy fikr va mulohaza bildira olish;
  • Fikrlarni dalillash, tanqidiy, tahliliy mulohaza yuritish;
  • Mavzu yuzasidan oʻrinli xulosalar chiqarish, takliflar berish;
  • Fikr bayonida mantiqiy izchillikning boʻlishi;
  • Adabiy til meʼyorlariga mos kelishi;
  • Imlo qoidalariga rioya etilishi lozim;
  • Insholar Respublika taʼlim markazi tomonidan tavsiya etilgan
    mezon asosida baholanadi, baholashda koʻchirilgan matn uchrasa, iqtiboslar meʼyordan ortiq boʻlsa oʻz-oʻzidan bali pasaytiriladi;
  • Sifatsiz skaner yoki suratga olinganda oʻqib boʻlmaydigan holatga kelgan, 40 foizdan ortiq qismi koʻchirilgan insholar tekshirilmaydi.

Tanlovning birinchi bosqichi natijalari boʻyicha har bir hududdan 3 nafardan jami 42 nafar yuqori ballni qayd etgan ishtirokchilar aniqlanadi va hujjatlar rasmiylashtiriladi.

Tanlov haqida batafsil ushbu telegram kanali yoki @insholarbot telegram boti orqali batafsil maʼlumot olishingiz mumkin.

Oʻzbekiston
Xalq taʼlimi vazirligi va Oʻzbekiston yoshlar ittifoqi hamkorligida maktab oʻquvchilari uchun “Vatan taqdiri mening qoʻlimda” mavzusida insholar tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar