Xalqaro huquq sohasi boʻyicha tajribaga ega boʻlganlar uchun Niderlandiyada malaka oshirish imkoniyati — International Law Fellowship Programme dasturi
  • 01/02/2022 Qabul boshlanishi
  • Toʻliq Moliyalash turi
  • Niderlandiya Davlat
  • 15.03.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Birlashgan Millatlar Tashkiloti xalqaro huquq sohasida malaka oshirmoqchi boʻlganlar uchun International Law Fellowship Programme dasturini taqdim etadi. Ushbu dastur rivojlanayotgan mamlakatlarning malakali mutaxassislari, xususan, davlat amaldorlari va xalqaro huquq oʻqituvchilarini bilimini yanada mustahkamlash, tajribalarini boyitishni maqsad qilgan.

International Law Fellowship Programme dasturi taniqli xalqaro huquqshunos olimlar tomonidan xalqaro huquqning keng doiradagi asosiy mavzulari boʻyicha olib boriladi. Bundan tashqari, treningda ishtirokchilar oʻzaro tajriba va fikr almashish imkoniga ega boʻladi, bu esa xalqaro huquqning dolzarb muammolarini koʻproq tushunish va unga birgalikda yechim topishga yordam beradi.

Dastur xalqaro huquq boʻyicha The Hague Academy of International Law -Gaaga Xalqaro huquq akademiyasi tomonidan olib boriladigan maʼruza va seminarlardan iborat. Dasturning bu yilgi mavsumi 2022-yil 4-iyuldan 5-avgustgacha ingliz tilida olib boriladi va bunda dunyo boʻylab eng yaxshi 20 nafar ishtirokchilar qatnashishlari mumkin. Ishtirokchilarning barcha xarajatlari toʻliq moliyalashtiriladi. Dasturning bu yilgi mavsumi haqida batafsil ushbu havola orqali ma'lumot olish mumkin.

Dasturning avvalgi mavsumlari haqida batafsil ushbu havola orqali maʼlumot olish mumkin.

Maqbullik shartlari

Dasturda ishtirok etish uchun nomzodlar quyidagi talablarga javob berishi lozim:

  • Nomzod rivojlanayotgan davlat fuqarosi boʻlishi kerak;
  • Xalqaro huquq sohasida rasmiy ish tajribaga ega boʻlishi lozim;
  • Dastur tili hisoblanmish ingliz tilini mukammal darajada bilishi shart.

Dastur talablari haqida batafsil ushbu havola orqali maʼlumot olish mumkin.

Foydali tomonlari

Dasturga qabul qilinganlar quyidagi imtiyozlarga ega boʻladi:

  • Safar xarajatlari qoplanadi;
  • Dastur davomida turar joy bilan taʼminlanadi;
  • Tibbiy sugʻurta va yashash xarajatlari qoplanadi;
  • The Hague Academy of International Law akademiyasiga ariza topshirish toʻlovi qoplab beriladi;
  • Trening materiallari bepul taqdim etiladi.

Dastur manfaatli jihatlari haqida batafsil ushbu havola orqali maʼlumot olish mumkin.

Hujjat topshirish

Dasturda ishtirok etish uchun nomzodlar ariza shaklini toʻldirishlari (ingliz tilida) va boshqa kerakli hujjatlar bilan birgalikda ushbu elektron manzilga yuborilishi kerak.

Kerakli hujjatlar:

  • Kafolat xati — Letter of Transmission. Ushbu hujjat nomzod ishxonasi rahbari tomonidan beriladi;
  • Tavsiyanoma — nomzod ishxonasi xodimi tomonidan beriladi;
  • Til bilishini tasdiqlovchi sertifikat — IELTS, TOEFL  va boshqalar (muddati oʻtmagan boʻlishi lozim);
  • Ish tajribasini tasdiqlovchi hujjat.

Barcha hujjatlar ingliz tilida boʻlishi va bitta PDF yoki JPG fayl qilinib ilfp@un.org elektron manziliga yuborilishi kerak.

Qoʻshimcha maʻlumotlar

Saralash jarayoni
Dastur uchun ishtirokchilarni tanlashda nomzodlarning malakasi, ularning kasbiy majburiyatlari koʻlami, taʼlimning ularning kasbiy burchlariga mosligi, geografik taqsimoti va gender muvozanati eʼtiborga olinadi. Malakali ayol nomzodlar ariza topshirishlari tavsiya etiladi. Shuningdek, soʻnggi yillarda xalqaro huquq stipendiyalari dasturida ishtirok etmagan davlatlar fuqarolari ishtiroki qoʻllab-quvvatlanadi.

Eslatma: dasturga qabul qilingan nomzodlargina xabardor qilinadi

Dastur boʻyicha koʻp berilgan savollar va uning javobi bilan ushbu havola orqali tanishish mumkin.

Qoʻshimcha murojaatlar uchun: ilfp@un.org

Niderlandiya
Xalqaro huquq sohasi boʻyicha tajribaga ega boʻlganlar uchun Niderlandiyada malaka oshirish imkoniyati — International Law Fellowship Programme dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar