Xalqaro talabalarga Germaniyadagi eng nufuzli oliygohlardan biri — Gamburg universitetida €855 gacha stipendiya bilan oʻqish imkoniyati — Universität Hamburg Degree Completion Grants

Universität Hamburg degree completion grant -Germaniyadagi eng nufuzli oliygohlardan biri hisoblangan Gamburg universitetini ortiqcha xarajatlarsiz tamomlashga yordam beruvchi dastur. Dastur xalqaro talabalar uchun moʻljallangan boʻlib, nomzodlar Germaniya fuqarosi hisoblanmaslik bilan birga, oʻquv bosqichining oxirgi yilida oʻqiyotgan hamda yakuniy imtihonlar uchun tayyorlanayotgan, shuningdek, moliyaviy ehtiyojmand boʻlishlari lozim.

Imtiyoz 6 oy (muddat uzaytirilishi mumkin) uchun amal qiladi hamda talabani €855 gacha mablagʻ bilan qoʻllab-quvvatlashni nazarda tutadi.

Dastur bilan ushbu havola orqali batafsil tanishib chiqish mumkin. 

Imtiyozni qoʻlga kiritishi uchun nomzodlardan quyidagilar soʻraladi:

• Nomzodlar Gamburg universitetiga oʻqishga qabul qilingan boʻlishi kerak;
• Germaniya fuqarosi boʻlmasligi kerak;
• Moliyaviy tomonlama ehtiyojmand boʻlishi kerak (isbot soʻraladi);
• BAföG dasturiga (talaba sifatida federal qarz olish) mos kelmasligi lozim;
• Oxirgi bosqich imtihonlariga tayyorlanayotgan yoki shu jarayonda boʻlishi soʻraladi.

• 6 oy davomida €200 dan €855 gacha mablagʻ bilan taʼminlanadi.

Eslatma: 6 oy ichida agar yakuniy imtihonlar topshirilmasa, imtiyoz muddatini uzaytirish mumkin. Maksimal uzaytirish muddati — 12 oy.

Imtiyoz haqida batafsil maʼlumotlar, shuningdek, uni rad etuvchi istisnolar bilan bu yerda tanishish mumkin.

Ariza berishdan oldin STiNE identifikatoridan foydalanib tizimga kirish lozim.

Arizalarni qabul qilish muddati: 

• 1-iyunda muddati tugaydigan ariza havolasi; 
• 1-dekabrda muddati tugaydigan ariza havolasi. 

Hujjat topshirish arizasi bu yerdan yuklab olinishi va onlayn portalga yuborilishi lozim.

Hujjat topshirishda talab qilinadiganlar:

• CV;
• Stipendiyaga topshirish sababi yozilgan bayonot;
• Yakuniy imtihonlar bosqichi jadvali;
• Bitiruv ishi tezisiga berilgan taqriz.

Quyidagi hujjatlar esa toʻgʻridan-toʻgʻri kordinatorlarga olib borilishi lozim:

1. Yashash ruxsatnomasi.
2. Oxirgi 3 oy boʻyicha bankdan olingan barcha hisobotlar.

Arizalar quyidagi muddatlarda topshirilishi mumkin:

1-iyun (moliyalashtirish muddati 1-iyuldan 31-dekabrgacha)
1-dekabr (moliyalashtirish muddati 1-yanvardan 30-iyungacha)

Arizalar natijasi muddat tugagandan roppa-rosa 4 hafta oʻtib, elektron pochta orqali maʻlum qilinadi. Moliyaviy ehtiyojmandlik darajasi imtiyoz berishda asosiy rol oʻynovchi faktor hisoblanadi.

Qoʻshimcha savollar boʻlsa, dastur koordinatorlariga murojaat qilish tavsiya qilinadi:

• Nicolai Pudimat - koordinator.
• Tel: +49 40 42838-3311
• Email: stipend-internationalstudent@uni-hamburg.de