0
Xitoyning Dunxua universitetida magistratura yoki doktorantura bosqichida oʻqish uchun xarajatlari toʻliq qoplanadigan grant

Xitoyning Dunxua universitetida magistratura yoki doktorantura bosqichida oʻqish uchun xarajatlari toʻliq qoplanadigan grant

  • 25/11/2022 Qabul boshlanishi
  • Toʻliq Moliyalash turi
  • Xitoy Davlat
  • 28.02.2023 Oxirgi muddat

Mundarija

GrantGO

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili, Xitoy tili
  • Yosh chegarasi
    45 yoshgacha
  • IELTS talabi
    minimum 6

Sohalar

Doʻstlar bilan ulashing

Umumiy maʻlumotlar

Dunxua universiteti tadqiqotga yoʻnaltirilgan boʻlib, Xitoyning eng yaxshi davlat universitetlaridan biri hisoblanadi. Ushbu universiteti jahon universitetlari reytingida (QS) 744-oʻrinda, Xitoy milliy reytingida esa 79-oʻrinda turadi. Dunxua universitetida oʻqish uchun Xitoy hukumati stipendiyasi (Chinese Government Scholarship) ajratilgan boʻlib, agar nomzodlar ushbu grantni qoʻlga kirita olmasa boshqa davlat granti uchun koʻrib chiqiladi (masalan Shanxay hukumat granti). Xitoy hukumati grantlari talabalarga kelajakdagi akademik rivojlanishga yordam berish hamda oliy maʼlumot olish davomida moliyaviy qiyinchilikka uchrayotgan talabalarga yordam berish maqsadida tashkil qilingan.

Grant toʻliq moliyalashtiriladi. Dastur ishtirokchilarining kontrakt, turar joy va tibbiy sugʻurta kabi barcha xarajatlari qoplab beriladi. Magistratura bosqichi talabalariga 3000 Xitoy yuani, doktorantura bosqichi talabalariga esa 3500 Xitoy yuani miqdorida oylik stipendiya beriladi. Dasturga Xitoy davlati fuqarosi boʻlmagan nomzodlar ariza topshirishlari mumkin. Ishtirokchilardan yoʻnalishlariga qarab xitoy yoki ingliz tilini bilish sertifikati soʻraladi. Dasturga ariza topshirish jarayoni 2023-yil 28-fevralgacha davom etadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Magistratura bosqichiga ariza topshirish uchun quyidagi talablar mavjud:

  • Dasturda Xitoy davlati fuqarosi boʻlmagan, psixologik va jismoniy jihatdan sogʻlom nomzodlar ishtirok etishi mumkin;
  • Ishtirokchilar moliyaviy jihatdan oʻziga toʻq boʻlishi va jinoiy oʻtmishga ega boʻlmasliklari lozim;
  • Dunxuan universitetida grant orqali oʻqimoqchi boʻlganlar 35 yoshdan, oʻz hisobidan oʻqimoqchi boʻlganlar esa 40 yoshdan katta boʻlmasligi kerak;
  • Nomzodlar bakalavr darajasi yoki shunga teng boʻlgan darajani tamomlagan boʻlishlari zarur;
  • Ishtirokchilardan quyidagicha til bilish sertifikati talab qilinadi:

-Xitoy tilida oʻqitiladigan yoʻnalish ishtirokchilarining xitoy tilini bilish darajasi kamida HSK 5 (180 ball)ga teng boʻlishi kerak;

-Ingliz tilida oʻqitiladigan yoʻnalish ishtirokchilarining ingliz tilini bilish darajasi kamida IELTS 6 yoki TOEFL IBT 80 ga teng boʻlishi kerak.

Doktorantura bosqichiga ariza topshirish uchun quyidagi talablar mavjud:

  • Dasturda Xitoy davlati fuqarosi boʻlmagan, psixologik va jismoniy jihatdan sogʻlom nomzodlar ishtirok etishi mumkin;
  • Ishtirokchilar moliyaviy jihatdan oʻziga toʻq boʻlishi va jinoiy oʻtmishga ega boʻlmasliklari lozim;
  • Dunxuan universitetida grant orqali oʻqimoqchi boʻlganlar 40 yoshdan, oʻz hisobidan oʻqimoqchi boʻlganlar esa 45 yoshdan katta boʻlmasligi kerak;
  • Nomzodlar magistr darajasi yoki shunga teng boʻlgan darajani tamomlagan boʻlishlari zarur;
  • Ishtirokchilardan til bilish sertifikati talab qilinadi:

-Xitoy tilida oʻqitiladigan yoʻnalish ishtirokchilarining xitoy tilini bilish darajasi kamida HSK 5 (180 ball)ga teng boʻlishi kerak;

-Ingliz tilida oʻqitiladigan yoʻnalish ishtirokchilarining ingliz tilini bilish darajasi kamida IELTS 6 yoki TOEFL IBT 80 ga teng boʻlishi kerak.

Dastur talablari haqida ushbu havola orqali toʻliq maʼlumot olish mumkin.

Foydali tomonlari

Dasturning quyidagi foydali jihatlari mavjud:

  • Kontrakt xarajatlari toʻliq qoplab beriladi;
  • Tekin turar-joy bilan taʼminlanadi;
  • Tibbiy sugʻurta xarajatlari toʻlab beriladi;
  • Magistratura bosqichi talabalariga 3000 Xitoy yuani miqdorida, doktorantura bosqichi talabalariga esa 3500 Xitoy yuani miqdorida oylik stipendiya taqdim etiladi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturga roʻyxatdan oʻtish hamda grant boʻyicha muhim sanalar quyidagicha:

2022-yil 1-dekabr-2023-yil 28-fevral:

Universitetga ariza topshirish jarayoni:

Onlayn ariza topshirish tizimiga kirib roʻyxatdan oʻting va ariza topshiring, soʻrovlarga javob yozing, soʻralgan hujjatlarni yuklang;

  1. Ariza shaxsan ishtirokchining oʻzi tomonidan topshirilishi kerak, aks holda qabul qilinmaydi;
  2. Ishtirokchilar ushbu grantga ariza topshirish davrida Xitoy hukumati tomonidan eʼlon qilingan boshqa grantlarda qatnasha olmaydilar. Aks holda, ular dasturdan chetlatiladi va uch yil davomida Xitoy davlati dasturlarida qatnasha olmaydilar;
  3. Soʻralgan hujjatlar xitoy yoki ingliz tiliga notarial tarjima qilingan boʻlishi kerak;
  4. Ariza davomida topshirilgan barcha hujjatlar aniq, tiniq va tushunarli boʻlishi lozim. Nomzodlar hujjatlarni skaner qilish uchun professional jihozlardan foydalanishlari soʻraladi. Sifatsiz holatda topshirilgan hujjatlar uchun nomzodlarning oʻzlari javobgar boʻladi;
  5. Ariza topshirib boʻlingandan keyin ariza davomida yozgan e-mail pochtangizni tekshirib turing. Universitet tomonidan soʻralgan hujjatlarni yuklang. Ariza shakli toʻldirilib ariza badal puli toʻlangandan soʻng, jarayon yakunlanadi va koʻrib chiqish jarayoniga oʻtadi.

2023-yil 15-fevral-2023-yil 15-mart:

Grantga ariza topshirish jarayoni:

Universitetga topshirgan arizasi qabul qilingan ishtirokchilarga universitet rasmiy e-mail pochtasi orqali qabul qilinganligi toʻgʻrisida xat joʻnatiladi. Soʻng ushbu havola orqali grant axborot tizimiga kirib soʻralgan hujjatlarni yuklang. Hujjatlar yuklab boʻlingandan soʻng universitetga grant ariza shaklining seriya raqami haqida xabar bering.

  1. Grant ariza shaklida soʻralgan shaxsiy maʼlumotlarni kiritgandan soʻng, “Category-B” yozuvini tanlang va Dunxua universiteti agentligi 10255, oʻqish boʻyicha rejalaringizni yozing hamda soʻralgan hujjatlarni yuklang. Grantga ariza topshirish davomida badal puli soʻralmaydi;
  2. Agar seriya raqami vaqtida va toʻgʻri yetkazib berilmasa grant uchun qabul qilinmaslik ehtimoli mavjud;

2023-yil 20-mart- 2023-yil 30-mart:

Universitet tavsiyanomasi

Dunxua universiteti eng maqbul nomzodlarni tanlab oladi va Xitoy hukumat grantiga tavsiya qiladi.

  1. Tavsiya qilingan nomzodlar koʻrib chiqilishi uchun yana 2 oy kutishga toʻgʻri keladi;
  2. Agar tavsiya qilingan nomzodlar grant maʼmuriyati tomonidan qabul qilinmasa, ularning ismlari boshqa grantlar uchun koʻrib chiqishi uchun joʻnatiladi (masalan, Shanxay hukumat granti).

2023-yil aprel-2023-yil iyun:

Xitoy hukumat granti koʻrib chiqilish jarayoni

Grant maʼmuriyati nomzodlarning akademik koʻrsatkichlari, qobiliyati, rivojlanish potensiali va shu kabi jihatlarni koʻrib chiqishadi.

2023-yil iyun-2023-yil avgust:

Natijalar eʼlon qilinishi

Dunxua universiteti Xitoy hukumat granti eʼlon qilgan nomzodlar roʻyxatini eʼlon qiladi.

  1. Nomzodlar eʼlon qilingandan keyin universitet nomzodlarning qabul qilinganligi toʻgʻrisidagi rasmiy hujjatni taqdim etishadi;
  2. Xitoy hukumat grantiga qabul qilinmagan nomzodlar boshqa kirish grantlarida ishtirok etishlari mumkin.

2023-yil avgust oxiri va sentyabr boshi:

Universitetda oʻqish boshlash jarayoni

Grant gʻoliblari talaba vizasiga ariza topshirishadi va Dunxua universitetiga kelib roʻyxatdan oʻtish jarayonini yakunlashadi.

Universitetga onlayn ariza topshirish tizimiga ushbu havola orqali kirish mumkin.

Grantga onlayn ariza topshirish tizimiga ushbu havola orqali kirish mumkin.

Rasmiy havola Hujjat topshirish

Qoʻshimcha maʻlumotlar

Magistratura bosqichi yoʻnalishlari va unga qabul jarayoni haqida ushbu havola orqali batafsil maʼlumot olish mumkin.

Doktorantura bosqichi yoʻnalishlari va unga qabul jarayoni haqida ushbu havola orqali batafsil maʼlumot olish mumkin.

Magistratura bosqichiga qabul jarayoni hamda talablari haqida ushbu havola orqali toʻliq maʼlumot olish mumkin.

Doktorantura bosqichiga qabul jarayoni hamda talablari haqida ushbu havola orqali toʻliq maʼlumot olish mumkin.

Oʻxshash dasturlar

Magistr talabalari
Belgiyada magistratura bosqichini toʻliq moliyalashtirilgan holda oʻqish uchun Master Mind Scholarship granti
Bakalavr Magistr talabalari
Avstraliyadagi Macquarie universitetida bakalavriat va magistratura bosqichida o’qish uchun oʻzbekistonlik talabalar uchun maxsus grant
Magistr talabalari Doktorantura talabalari
Saudia Arabistonining King Abdulloh nomidagi fan va texnologiya universitetida magistratura va doktorantura bosqichida oʻqish uchun toʻliq moliyalashtiriladigan KAUST fellowship grant dasturi
Magistr talabalari Doktorantura talabalari
Global Korea Scholarship (GKS): Koreyada magistratura va doktorantura bosqichini toʻliq moliyalashtirilgan holda oʻqish uchun grant
Magistr talabalari
Angliyaning nufuzli Manchester universitetida magistratura bosqichini oʻqish uchun toʻliq grantlar
Xitoy
Xitoyning Dunxua universitetida magistratura yoki doktorantura bosqichida oʻqish uchun xarajatlari toʻliq qoplanadigan grant
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar