Xitoyning Fan va texnologiya universiteti tomonidan bakalavr, magistratura hamda doktorantura bosqichida o‘qish uchun USTC Fellowship grant dasturi. $1000 gacha oylik stipendiya!
-
20/10/2023 Qabul boshlanishi
-
Qisman Moliyalash turi
-
Xitoy Davlat
-
15.02.2024 Oxirgi muddat
Umumiy maʻlumotlar
Xitoyning Fan va texnologiya universitetining xalqaro kolleji tomonidan bakalavr, magistratura hamda doktorantura bosqichida o‘qish istagida bo‘lgan talabalar uchun USTC Fellowship grant dasturini e’lon qiladi.
USTC da 115 ta magistratura hamda 94 ta doktorantura dasturi mavjud bo‘lib, nomzodlarga xitoy yoki ingliz tilida o‘qitiladigan ushbu bakalavr/magistratura/doktorantura dasturlarlarini taklif qiladi.
Dastur turli xil darajada moliyalashtiruvchi grant dasturlarini taqdim qilib, bular kontrakt pulidan ozod bo‘lish, oylik stipendiya kabilarni o‘z ichiga oladi.
Maqbullik shartlari
Dasturga qabul qilinganlar quyidagi talablarga javob berishlari kerak:
- Bakalavr uchun nomzodlar 30 yoshdan, magistratura uchun 35 yoshdan doktorantura uchun 40 yoshdan kichik bo‘lishlari kerak;
- Ruhiy va jismoniy sog‘lom,yaroqli pasportga ega bo‘lgan Xitoy davlati fuqarosi bo‘lmagan nomzodlar;
- Nomzodlar HSK 5 daraja sertifikatiga ega bo‘lishlari kerak. Ona tilisi xitoy tili bo‘lgan yoki o‘rta maktab yoki oliygohda xitoy tilini o‘qiganligini tasdiqlovchi hujjat taqdim eta oladigan nomzodlar HSK imtihonidan ozod boʻlish uchun ariza topshirishlari mumkin;
- 2024-yil 20-iyulgacha o‘qishni tugatgan diplomga ega bo‘lgan bo‘lishlari kerak;
- Ushbu grantga ega bo‘lgan nomzodlar boshqa grant dasturiga ariza topshira olmaydilar.
Dasturning maqbullik shartlari bilan ushbu havola orqali batafsil tanishib chiqish mumkin.
Foydali tomonlari
Dasturga qabul qilinganlar quyidagi imkoniyatlarga ega bo‘ladilar:
Dastur har bir bosqich uchun turli xil darajada moliyalashtiruvchi grant dasturlarini taqdim qiladi.
Bakalavr dasturi uchun:
1.Level A darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar;
- Tibbiy sug‘urta;
- Oyiga 2500 RMB ($342) stipendiya;
- Turar-joy uchun mablag‘ ajratiladi.
2. Level B darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar.
Magistratura uchun:
1.Level A darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar;
- Tibbiy sug‘urta;
- Oyiga 3000 RMB ($410) stipendiya;
- Turar-joy uchun mablag‘ ajratiladi.
2. Level B darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar.
- O ‘qitish va tadqiqot ishlarida assistentlik qilgan talabalar ish haqi olishlari mumkin.
Doktorantura uchun:
- Level A darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar;
- Tibbiy sug‘urta;
- Oyiga 7000 RMB ($957) stipendiya;
2. Level B darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar;
- Tibbiy sug‘urta;
- Oyiga 3500 RMB ($478) stipendiya;
- Turar-joy uchun mablag‘ ajratiladi.
3.Level C darajasidagi grantni qo‘lga kiritganlar quyidagi imtiyozlarga ega bo‘ladilar:
- Kontrakt to‘lovidan ozod bo‘ladilar.
- O‘qitish va tadqiqot ishlarida assistentlik qilgan talabalar ish haqi olishlari mumkin.
Nomzodlar ariza to‘ldirayotganlarida istagan grant turini tanlab, bir vaqtning o‘zida bir daraja yoki ikki daraja uchun ariza topshirishlari mumkin. Har bir nomzod faqat bitta grant dasturiga qabul qilinadilar.
Eslatma:Hozirda Xitoydagi biron bir universitet/institutda doktorantura bosqichida o‘qiyotgan talabalar doktorantura dasturlari uchun USTC A darajasidagi grant dasturiga ega bo‘lishga ega emaslar.
Dastur imkoniyatlari bilan ushbu havola orqali batafsil tanishib chiqish mumkin.
Qoʻshimcha maʻlumotlar
- Bakalavr dasturi uchun ariza topshirishning oxirgi muddati — 2024-yil 31-mart;
- Magistratura va doktorantura uchun ariza topshirishning oxirgi muddati — 2024-yil 15-fevral.
Qo‘shimcha ma’lumotlar:
- Tez-tez beriladigan savollar;
- Tel/Fax:86-551-63603531; 86-512-62880863; 86-512-62880862; 86-512-87161100;
- Email: isa@ustc.edu.cn; suzhoumaster@ustc.edu.cn.