Xotira va qadrlash kuni munosabati bilan “Urush xotiralarida” nomli ijodiy ishlar koʻrik-tanlovi

Mudofaa vazirligi 9 may — Xotira va qadrlash kuni munosabati bilan “Urush xotiralarida” nomli ijodiy ishlar koʻrik-tanlovini eʼlon qiladi.

Tanlov Ikkinchi jahon urushi maydonlarida hamda mashaqqatli mehnat frontida mardlik va jasorat koʻrsatgan barcha yurtdoshlarimizga hurmat va ehtirom koʻrsatish, ularning nomlarini abadiylashtirish, oʻzbek xalqining buyuk gʻalabaga qoʻshgan hissasini keng miqyosda yoritish hamda yosh avlodni vatanparvarlik ruhida tarbiyalash, urush asoratlarini unutmaslikka chorlash maqsadida oʻtkazilmoqda.

Tanlov ijodning quyidagi yoʻnalishlarida oʻtkaziladi:

• Rangtasvir;
• Grafika;
• Haykaltaroshlik;
• Xalq amaliy sanʼati;
• Bayon;
• Insho;
• Esse;
• Hikoyalar.

Tanlovda ixtisoslashtirilgan maktab oʻquvchilari, talabalar, oʻqituvchilar, sanʼat maktabi oʻqituvchilari va boshqa qator madaniyat uyushmalari aʼzolari qatnashishi mumkin.

Tanlovga topshirilgan ishlar “Shon-sharaf muzeyi”dagi eksponatlar asosida kelgusida yaratilishi rejalashtirilgan “Xotiralardan oʻrin olgan tarix” kitobidan joy olishi koʻzda tutilgan.

• Tanlovda Oʻzbekistondagi ixtisoslashtirilgan madaniyat maktablari, oliy taʼlim muassasalarining talabalari, oʻqituvchilari, sanʼat maktablarining oʻqituvchilari, Madaniyat vazirligi, Oʻzbekiston badiiy akademiyasi, Oʻzbekiston badiiy ijodkorlar uyushmasi, Oliy va oʻrta maxsus taʼlim vazirligi, Xalq taʼlimi vazirligi, Oʻzbekiston Fanlar akademiyasi Sanʼatshunoslik instituti, “Hunarmand” uyushmasi aʼzolari ishtirok etishi mumkin;
• Tanlovda qatnashish uchun yosh chegarasi belgilanmagan.

Tanlovga qabul qilingan ishtirokchilar quyidagi imtiyozlarga ega boʻladilar:

• Koʻngillilarning ushbu tanlovga taqdim etgan materiallari va “Shon-sharaf muzeyi”dagi eksponatlar asosida “Xotiralardan oʻrin olgan tarix” kitobi yaratilishi rejalashtirilgan;
• Shuningdek, gʻoliblar qimmatbaho sovgʻalar bilan taqdirlanadilar.

Tanlovda ishtirok etishni istaganlar tanlov boshlanishidan 30 kun oldin “Gʻalaba bogʻi” yodgorlik majmuasiga quyidagilarni taqdim etishi lozim:

• Tanlovda ishtirok etish uchun maʼlumotnoma (rezyume);
• Pasport (ID-karta) nusxasi;
• Maʼlumot toʻgʻrisidagi hujjat (diplom) nusxasi (mavjud boʻlsa);
• Oʻqish yoki ish joyidan berilgan ijodiy tavsifnoma va maʼlumotnoma;
• 3x4 oʻlchamdagi 1 ta va 9x12 oʻlchamdagi 1 ta rangli fotosurat;
• Ishtirokchi tomonidan yaratilgan, badiiy jihatdan hamda badiiy bezak va mantiq jihatdan toʻliq yakunlangan ijod namunasi (asar).

Tanlovda ishtirok etishni xohlaganlar oʻz ijodiy ishlarini quyidagi manzilga “tanlovga” degan belgi va rasmiylashtirilgan ariza bilan olib kelishlari yoki yoʻllashlari soʻraladi:

100069, Toshkent shahri, Olmazor tumani, Sagʻbon koʻchasi, 382-uy.

Ushbu tanlov 2021 yildan boshlab har yili 9 may — Xotira va qadrlash kuni munosabati bilan “Gʻalaba bogʻi” yodgorlik majmuasi tarkibidagi “Shon-sharaf” davlat muzeyida oʻtkaziladi.

Aloqa uchun telefonlar:

+998 97 744 21 77, +998 99 860-18-87, +998 94 296 74 71