XushnudbekUz telegram kanali tomonidan eʼlon qilingan 155 million soʻmlik Mustaqillik taʼlim granti

XushnudbekUz Telegram kanali Vatanimiz mustaqilligining 31 yilligi munosabati bilan taʼlim granti eʼlon qiladi. Taʼlim granti doirasida 31 nafar talabaga 5 mln soʻmdan, jami 155 mln soʻmlik mablagʻlar toʻlab berishni niyat qildik. Ushbu grant uchun ajratilayotgan mablagʻlar XushnudbekUz kanalida eʼlon qilingan reklamalar hisobidan qoplanadi.

Dastur haqida ushbu havola orqali batafsil maʼlumot olish mumkin.

Dasturda quyidagi muassasalarda tahsil oluvchilar ishtirok etishlari mumkin:

• davlat muassasalari;
• nodavlat muassasalari;
• diniy taʼlim muassasalari.

Grant bakalavriatning barcha bosqichida oʻquvchi talabalarga taqdim etiladi. Dasturda kunduzgi, sirtqi, kechki va masofaviy shaklda tahsil olayotgan talabalar ariza topshirishlari mumkin.

• Grant ajratilgan har bir talabaga 5 mln soʻm taqdim etiladi;
• Dastur davomida 31 nafar talabaga grant taqdim etiladi;
• Dastur yuzasida kvotalarning 5 tasi Toshkent Davlat Yuridik Universiteti talabalariga ajratiladi.

Maʼlumot: ushbu grant uchun ajratilayotgan mablagʻlar XushnudbekUz kanalida eʼlon qilingan reklamalar hisobidan qoplanadi.

Dasturda ishtirok etish jarayoni quyidagicha:

• Grant uchun arizalar 2022-yilning 30-sentyabriga qadar qabul qilinadi;
• Gʻolibni tanlashda yuqori oʻzlashtirish koʻrsatkichiga ega, ijtimoiy himoyaga muhtoj, yetim va chin yetim, nogironligi bor talabalar alohida eʼtiborga olinadi;

Grantga ushbu havola orqali onlayn ariza topshirish mumkin.

Ariza imkon.uz platformasi orqali topshiriladi. Buning uchun imkon.uz da roʻyxatdan oʻtishingiz va OneID orqali shaxsingizni tasdiqlashingiz kerak, shunda tizim avtomatik oʻqish joyingiz haqida maʼlumotga ega boʻladi.

Roʻyxatda oʻtishga qiyinchilikka duch kelganlar metsenat kanalining muhokama guruhiga murojat qilishlari mumkin.

Ariza topshirish jarayonida muammolar yuzaga kelgan taqdirda ushbu havola orqali murojaat qilish mumkin.

Grant haqida telegram kanali orqali ham ushbu havola orqali maʼlumot olish mumkin.