Yangi biznes gʻoyaga ega boʻlgan yoshlar uchun “ChangeMakers Seed Funding 2022” tanlovida qatnashib $1000 miqdorida grant yutib olish imkoniyati

Butun dunyo boʻylab yangi biznes gʻoyaga ega boʻlganlarni qoʻllab quvvatlash uchun StartupXS tashkiloti tomonidan “ChangeMakers Seed Funding 2022” tanlovi eʼlon qilindi.

Ushbu tanlovda jamiyati rivoji uchun xizmat qiladigan, innovatsiyaga asoslangan loyihaga ega boʻlgan barcha yoshlar ishtirok etishi mumkin. Dasturda jamoa tarzida yoki yakka tartibda ishtirok etish mumkin. Dasturda yoshlar va oʻrta yoshli shaxslar ishtiroki qoʻllab-quvvatlanadi.

Avvalgi yillarda ushbu dastur boʻyicha gʻolib boʻlganlar bilan ushbu havola orqali tanishish mumkin.

Dasturda ishtirok etish uchun nomzodlar quyidagi talablarga javob berishi lozim:

• Tanlovda 18-35 yoshdagi oʻz biznes gʻoyasiga ega yoki yaqin 5 yil ichida oʻz biznesini boshlagan nomzodlar ishtirok etishi mumkin;
• Loyihalar nomzod jamiyati rivojiga hissa qoʻshishi va innovatsiyaga asoslangan boʻlishi kerak.

Dastur talablari haqida batafsil ushbu havola orqali maʼlumot olish mumkin.

• Gʻolib boʻlgan loyiha tashkilotchisi $1000 miqdoridagi grantga ega boʻladi.

Dasturda ishtirok etish uchun nomzodlar onlayn roʻyxat oʻtishlari va oʻz loyihalarini taqdim etishlari kerak.

Loyihaga qoʻyilgan talablar:

• Gʻoyalar soʻnggi 5 yil ichida tashkil etilgan boʻlishi kerak;
• Loyiha ingliz tilida, moliyaviy xarajatlari bilan batafsil yozilgan boʻlishi kerak;
• Loyiha WORD yoki PDF shaklda, iloji boricha qisqa qilib bayon etilishi kerak.

Email orqali yuborilgan yoki kechiktirilgan arizalar qabul qilinmaydi.

Tanlov natijalari 2022-yil 31-yanvarda @StartupXsning rasmiy Facebook sahifasida eʼlon qilinadi.

Tanlov qoidalari bilan batafsil ushbu havola orqali tanishish mumkin.

Qoʻshimcha savollar ushbu havola orqali berilishi mumkin.