Yangi Oʻzbekiston universitetida dasturchilar uchun EdTech yoʻnalishidagi xakaton

Yangi Oʻzbekiston universitetida AI yordamida ishlaydigan EdTech yechim yaratishga qaratilgan 2 kunlik xakaton taqdim etiladi.

Mazkur dastur doirasida ishtirokchilar jamoalar bilan ishlagan holda sunʼiy intellekt asosidagi taʼlim texnologiyalari yechimlarini ishlab chiqadi va oʻz gʻoyalarini amaliy mahsulot darajasiga olib chiqish ustida ishlaydi.

Dastur taʼlim sohasida innovatsion mahsulot yaratishni istagan yoshlar uchun muhim amaliy maydon boʻlib xizmat qiladi.

Xakaton yoʻnalishlari:

• Corporate Education;
• Public and Higher Education;
• General Education.

Xakaton 2026-yil 23–24-may kunlari Yangi Oʻzbekiston universitetida tashkil etilishi rejalashtirilgan. Yaratilgan yechimlar taqdimot koʻrinishida 2026-yil 24-may 14:30 da maxsus dashboard orqali topshiriladi.

Dastur haqida batafsil ushbu havola orqali maʼlumot olish mumkin.

• Taʼlim sohasida innovatsion mahsulot yaratishni istagan yoshlar qatnashishi mumkin;
• 3-5 ishtirokchidan iborat jamoalar koʻrinishida ishtirok etish kerak. Har bir ishtirokchiga faqat bitta jamoada boʻlishiga ruxsat beriladi;
• Tashkilotchilar, mentorlar, hakamlar va rasmiy tadbir xodimlari jamoa aʼzosi boʻla olmaydi;
• Oldindan tayyorlangan toʻliq yechimlar taqiqlanadi. Loyiha xakaton davomida boshlanishi kerak;
• Open-source kutubxonalar, public API, SDK, template, public dataset va pre-trained model ishlatish mumkin, lekin barchasi haqida maʼlumotlar oshkor qilinishi lozim;
• Repository yoki slaydlarga maxfiy kompaniya maʼlumoti, shaxsiy maʼlumotlar, odamlarning shaxsiy maʼlumotlari, secret yoki API keyʼlar yoki nashr qilish huquqi boʻlmagan materiallarni qoʻshish mumkin emas;
• Yakuniy slaydlar va repository/code xakatondan keyin quyidagi amallarni bajarish imkoniyati boʻlishi uchun ochiq holatda boʻlishi kutiladi:
  • tashkilotchilar loyihalarni qayta koʻrib chiqishi (review);
  • tadbir boʻyicha hisobot va xulosa tayyorlashi (recap);
  • loyiha va tadbirni reklama qilishi (promotion);
  • sponsorlar bilan keyingi ishlarda foydalanishi (sponsor follow-up) uchun.

Har bir jamoa bajarishi kerak boʻlgan ishlar:

• Xakaton boshlanishidan oldin har bir ishtirokchi GDG portalida alohida roʻyxatdan oʻtgan boʻlishi kerak;
• Tadbir boshlangandan keyin jamoani ai.gdgtashkent.uz saytida faqat jamoa yetakchisi roʻyxatdan oʻtkazadi;
• Har bir jamoa aynan bitta yoʻnalishni tanlaydi va aynan bitta loyiha topshiradi;
• Loyiha EdTech muammosini hal qilishi va xakaton davomida boshlangan boʻlishi lozim;
• Jamoa yetakchisi (team lead) yakuniy topshirish tugaguncha tizimdagi dashboard (boshqaruv paneli)ga kirish ishlashini taʼminlashi kerak;
• Checkpoint (tekshiruv) vaqtlarida jamoa oʻziga ajratilgan ish joyida boʻlishi majbur;
• Jamoalar tadbir oʻtkazilayotgan joy (venue) qoidalariga, odob-axloq qoidalari (code of conduct) va tashkilotchilar bergan barcha koʻrsatmalarga amal qilishi shart.

Baholash mezonlari:

• Gʻoyaning originalligi (30 ball);
• EdTech muammosining aniqligi va mavzuga mosligi (20 ball);
• Demo sifati, hikoya aniqligi, MVP tugallanganligi (20 ball);
• Loyiha strukturasi va texnik tuzilishi (30 ball).

Nomzodlarga qoʻyilgan majburiyatlar bilan ushbu havola orqali tanishib chiqish mumkin.

• Mentorlar koʻmagida loyihalarni takomillashtirish, ularni taqdim etish hamda keyingi bosqichga olib chiqish imkoniyati;
• Eng kuchli jamoalar 2026-yil yozida boʻlib oʻtadigan Idrock Startup Accelerator dasturiga saralash imkoniyatini qoʻlga kiritadi;
• Gʻolib jamoalar SQB va SQB Ventures tomonidan taqdim etiladigan qimmatbaho sovgʻalar bilan taqdirlanadi.

Dasturga qiziqqanlar ushbu havola orqali ariza topshirishlari mumkin.

Yakuniy taqdimot quyidagilardan iborat boʻlishi kerak:

1. Pitch + demo (4 daqiqa). Bunda quyidagilar kutiladi:
   1. Muammo (Problem) — Qanday muammoni hal qilinyapti?
   2. Foydalanuvchi (User) — Kim uchun qilyapti? Kim foydalanadi?
   3. Yechim (Solution) — Muammo qanday hal qilinadi?
   4. AI implementation — Sunʼiy intellekt qanday ishlatildi?
   5. Live/recorded demo — Loyihaning ishlashini jonli yoki video orqali koʻrsatish;
   6. Impact — Loyihaning foydasi va taʼsiri qanday boʻladi?
2. Judge Q&A (1 daqiqa). Bunda hakamlarning qisqa aniqlashtiruvchi savollari beriladi;
3. Baholash / oʻtish (1 daqiqa). Hakamlar jamoalarning loyihasini baholab, ball (score) qoʻyadi. Shu paytda esa navbatdagi jamoa prezentatsiyaga tayyorlanadi.

Taqdimotga quyidagilar olib kelinadi:

• Noutbuk va quvvatlantirish jihozlari (Laptop, charger, adapterlar);
• Imkon boʻlsa uzaytirgich yoki koʻp rozetkali adapter;
• GitHub/GitLab, Google Slides, API, model provider va deployment tool accesslari — kerakli akkauntlar va servislarga kirish ishlashiga ishonch hosil qilish kerak;
• Internetga chiqarish xavfsiz va qonuniy boʻlgan maʼlumotlar;
• Backup demo plan yaʼni demo ishlamay qolsa zaxira variant:
  • screenshotlar;
  • qisqa video;
  • local build;
  • sample credentiallar;
  • setup notes.
• Loyiha davomida dokumentatsiyani yozib borish kerak.

• Barcha ishtirokchilar ushbu Telegram guruhiga qoʻshilishlari mumkin.