"Yangi Oʻzbekistonda yangi ovozlar" viloyat koʻrik tanlovi. Bosh mukofot — 5 million soʻm

Navroʻz umumxalq bayrami munosabati bilan Toshkent viloyati hokimligi, viloyat Madaniyat boshqarmasi, Yoshlar ishlari agentligi viloyat boshqarmasi, viloyat Yozuvchilar uyushmasi, Maʼnaviyat va maʼrifat markazi viloyat boʻlimlari bilan hamkorlikda Toshkent viloyati hokimi mukofoti uchun ʼʼYangi Oʻzbekistonda yangi ovozlarʼʼ viloyat koʻrik-tanlovi eʼlon qilinadi.

Tanlov yoʻnalishlari:

1. Eng yaxshi milliy maqom ijrochisi;
2. Eng yaxshi folklyor (lapar, oʻlan, jirov, oqin, baxshichilik) ijrochiligi;
3. Milliy estrada yoʻnalishidagi eng yaxshi qoʻshiq ijrochisi;
4. Qoʻshiq uchun yozilgan eng yaxshi sheʼr;
5. Qoʻshiq uchun yozilgan eng yaxshi musiqa.

Tanlovda beshta yoʻnalish boʻyicha 1,2,3- oʻrin egalari aniqlanadi va bosh sovrin 5 million soʻmni tashkil etadi.

Tanlovda ishtirok etish uchun nomzodlar quyidagi talablarga javob berishlari lozim:

• Taqdim etiladigan asarlar yangi ijod namunalaridan iborat boʻlishi lozim;
• 7 yoshdan 70 yoshgacha boʻlgan maqom, milliy estrada xonandalari va havaskorlari, folklyor jamoalari va yakkaxonlari, shoir va bastakorlar ishtirok etishlari mumkin;
• Tanlovga taqdim etiladigan asarlarda ona Vatan, bahor vasfi, Navroʻz qadriyatlari, umuminsoniy fazilatlar, mehr-oqibat, ezgulik va saxovat tuygʻulari tarannum etilishi maqsadga muvofiqdir;

Tanlovning maqbullik shartlari haqida batafsil ushbu havola orqali tanishish mumkin.

Tanlovda beshta yoʻnalish boʻyicha gʻoliblarni ushbu mukofotlar kutmoqda:

• 1 — oʻrin uchun 5 million soʻm;
• 2 — oʻrin uchun 3 million soʻm;
• 3 — oʻrin uchun 2 million soʻm;
• Shuningdek, har bir yoʻnalish boʻyicha bittadan ragʻbatlantiruvchi mukofotlar ham taʼsis etilgan.

Tanlov imtiyozlari haqida batafsil ushbu havola orqali tanishish mumkin.

Tanlovga materiallar (video, audio, elektron matn koʻrinishida) 2022-yilning 15-martiga qadar qabul qilinadi.

Murojaat uchun telefonlar:
Musiqiy va ijrochilik yoʻnalishlari uchun: 99-859-25-11, 97-448-56-57
Sheʼriyat yoʻnalishi uchun: 99-484-83-34

Tanlov gʻoliblari Navroʻz bayramiga bagʻishlab oʻtkaziladigan ommaviy sayil tadbirlarida eʼlon qilinadi va mukofotlanadi.