Yaponiyada magistratura va PhD darajasida o’qish uchun oylik stipendiya to’lanadigan Honjo International Scholarship Foundation dasturi

Yaponiyaning Honjo International Scholarship Foundation stipendiyasi har yili Yaponiyadagi universitetlarda magistratura yoki doktorantura/PhD darajasida oʻqimoqchi boʻlgan xalqaro talabalarga taqdim etiladi. Yaponiya fuqarosi boʻlmagan istalgan nomzod hujjat topshirishi mumkin. 
Nomzodlar yapon yoki ingliz tilida tahsil olishi mumkin, ammo suhbat faqatgina yapon tilida o’tkaziladi.
Stipendiya jamgʻarma tomonidan talaba oʻqishni tamomlaguniga qadar oylik stipendiya koʻrinishida taqdim etiladi. Undan tashqari, stipendiatning xalqaro konferensiyada qatnashishi uchun yoʻl xarajatlari toʻliq qoplab beriladi. 
Dasturga ariza topshirish 2025-yilning 31-oktyabriga qadar davom etadi. 
Dastur haqida batafsil ma’lumotni ushbu havola orqali o’qish mumkin. 

Nomzodlarga qoʻyiladigan talablar:

• Yaponiya fuqarosi boʻlmaslik;
• Magistratura uchun 30 va PhD uchun 35 yoshdan kichik bo’lgan nomzodlar topshirishi mumkin;
• 2026-yil aprel oyidan Yaponiyada magistratura yoki doktorantura darajasida tahsil oladigan talabalar (allaqachon oʻqishni boshlagan, universitetga endi qabul qilingan va endi hujjat topshirayotgan talabalar);
• Yapon tilini yetarli darajada bilish (intervyu yapon tilida boʻladi);
• Kelajakda professional rejalari sifatida oʻz mamlakatida xizmat qilish istagida boʻlishi;
• Universitetni tamomlaguncha 12 oydan oshiq vaqt bor boʻlishi;
• Nomzod talaba xalqaro doʻstlik va hamjihatlikni chuqur anglashi va jamgʻarma tomonidan oʻtkaziladigan tadbirlarda qatnashishi va bitiruvchilar aʼzosi sifatida faol boʻlishi lozim.

Gʻolib nomzodlar quyidagi imtiyozlarga ega:

• Oylik stipendiya. Stipendiya har oyda ilmiy darajaga ega boʻlish uchun zarur boʻlgan minimal muddat davomida beriladi. Grant miqdori quyidagi davrga qarab farq qiladi (yapon iyenasida):
  • 1 yoki 2 yillik daraja uchun oyiga ¥230,000 (~$1,565)
  • 3 yillik ilmiy daraja uchun oyiga ¥210,000 (~$1,429)
  • 4 yoki 5 yillik daraja uchun oyiga ¥180,000 (~$1,225)
• Xalqaro konferensiyada ishtirok etish uchun yoʻl xarajatlarining qoplab berilishi.

Hujjatlar onlayn tarzda topshiriladi.

Talab qilinadigan hujjatlar:

• Akademik transkript yapon yoki ingliz tilidagi tarjimasi bilan:
  • Bakalavr darajasi uchun
  • Magistr darajasi uchun (agar boʻlsa)
• Tadqiqot taklifi (yapon tilida). Namunadan foydalanishingiz mumkin.Tadqiqot taklifida quyidagi savollarga javob berishingiz lozim:
  • Tadqiqot ishingiz nimani oʻrganadi?
  • Yaponiyada oʻqiydigan va oʻrganadigan bilimingiz asosida oʻz vataningizga qanday yordam bera olasiz?
  • Shu vaqtga qadar ilmiy,akademik va ijtimoiy faoliyatingizda nimalarga erishgansiz?
• Tavsiyanoma.
  • Tavsiyanoma beradigan shaxs  info@hisf.or.jp elektron pochta orqali toʻgʻridan-toʻgʻri joʻnatishi kerak. 
• Universitetga qabul qilinganlik xati;

Shuningdek, nomzod shaxsiy fotosurat va tadqiqot rejasi haqida 2 minutdan iborat bo’lgan videorolikni ham ariza shaklida yuklashi lozim. 

Dasturga ariza topshirish haqida batafsil ma’lumotni ushbu havola orqali olish mumkin. 

• Intervyular 2026-yil fevral oyida Tokiyoda yoki onlayn oʻtkaziladi;
• Intervyu Yaponiyada yoki onlayn tarzda boʻlib oʻtadi.
• Yakuniy natijalar 2026-yil 31-martda eʼlon qilinadi.

Savollar va murojaat uchun: info@hisf.or.jp  

Tez-tez beriladigan savollarga (FAQs) javoblarni ushbu havola orqali oʻqish mumkin.