Yaponiyada istalgan yo'nalish bo'yicha bakalavr, magistratura va doktorantura bosqichini to'la moliyalashtirilgan holda o‘qish imkonini beruvchi Rotary Yonayema Scholarship dasturi

Yaponiya davlati bakalavr, magistratura va doktorantura bosqichida o‘qimoqchi bo‘lgan xalqaro talabalarga Rotary Yonayema Scholarship stipendiyasini taqdim qiladi. 

Dastur imtiyozi talaba o‘qishni tamomlaguniga qadar oylik  stipendiya ko‘rinishida taqdim etiladi. Undan tashqari, yo‘l xarajatlari hamda va ichki sayohat  xarajatlari qoplab beriladi.

Stipendiya berish muddati - 2 yil (o'qish muddati davomida). 

Dastur chuqur tadqiqot bilimlariga ega bo‘lgan va bu borada yuqori natijalarga erishgan, turli xil urf-odat, madaniyatlarni tushunishga, barkamol munosabatlarni rivojlantirishga harakat qilayotgan talabalarni qo‘llab-quvvatlaydi. 

Dastur maqsadi- talabalarning  o‘z mamlakati bilan Yaponiya o‘rtasida ko‘prik bo‘lish uchun aloqalarni rivojlantirishdir.

Dastur haqida batafsil ma'lumotni ushbu havola orqali olish mumkin.

• 1981-yil 2-apreldan keyin tug‘ilgan bo‘lishi (Ariza topshirish vaqtida 45 yoshdan katta bo‘lmasligi);
• Dasturga ariza berishdan oldin Yaponiya universitetlariga  hujjat topshirgan bo‘lishi;
• Yapon tilini JPLT N4 (boshlang'ich) darajasida bilishi;
• O‘qishga ishtiyoqi va aniq maqsadi bo'lishi, o‘z fikrini to‘g‘ri ifoda eta olishi va erkin muloqot qila olishi lozim;
• Chet elda o‘qishni davom ettirish uchun jismoniy va ruhiy sog‘lom bo‘lishi;
• Boshqa muassasalardan shu  turdagi stipendiyani olgan nomzodlarning arizasi qabul qilinmaydi.

Dastur talablari haqida ushbu havola orqali batafsil ma'lumot olish mumkin.

• Bakalavr talabalari uchun oyiga 100.000 yen ($655) stipendiya;
• Magistratura va doktorantura  talabalari uchun oyiga 140.000 yen ($917) stipendiya;
• Yo‘l xarajatlari (ekonom klass), Yaponiyadagi ichki sayohatlar hamda Yaponiyadagi birinchi kunlik turar-joy xarajatlari qoplab beriladi. Bunda Yaponiyaga yetib kelish uchun 250,000 yen ($1,638) ajratiladi.

Dasturning foydali jihatlari haqida batafsil ma'lumotni ushbu havola orqali olish mumkin.

Hujjatlar ushbu havola orqali onlayn shaklda topshiriladi. 

Hujjat topshirishda quyidagilar so‘raladi:

• Ariza shakli;
• Yaponiyadagi belgilangan universitetga kirish uchun topshirgan ariza nusxasi;
• Tadqiqot rejasi (rejani bayon etishda javob berilishi kerak bo'lgan savollar yo'riqnomasi);
• “Yaponiyada o‘qishdan maqsad” mavzusida insho;
• Tavsiyanoma;
• Yapon tilini bilishni tasdiqlovchi hujjat (ixtiyoriy);
• Yaponiya universitetiga qabul qilinganlik bo‘yicha ma’lumotnoma.

Muhim:

• Dasturga ariza topshirishdan oldin ushbu yo'riqnoma bilan diqqat bilan tanishish lozim!
• Hujjatlar yoki ingliz yoki yapon tilida to'ldirilishi shart.

Dasturga hujjatlar 2025-yil 1-oktabr sanasidan 2025-yil 31-oktabrga qadar qabul qilinadi.

G'oliblarning natijalari 2026-yil mart oyida e’lon qilinadi.

Qabul qilinganlik bo‘yicha bildirishnomalar nomzodlarning elektron manziliga 2026-yil mart oyining oxirida yuboriladi.

Qo'shimcha ma'lumot uchun:

Rasmiy sahifada keltirilgan onlayn arizani to'ldirish lozim.