Yaponiyada joylashgan Asia Pasific Universityda bakalavr bosqichida o‘qish uchun to‘liq va qisman moliyalashtiriladigan grantlar

Yaponiyaning nufuzli Asia Pasific Universiteti tomonidan bakalavr bosqichida oʻqimoqchi boʻlgan xalqaro talablar uchun qisman va toʻliq moliyalashtiriladigan grantlar taqdim etildi. Bunda ariza topshirayotgan talabalar 4 yillik kontrakt toʻlovini 30%, 50%, 65%, 80%, 100% qismini qoplash uchun grant yurib olishlari mumkin. Grantni qoʻlga kiritgan nomzodlar, avvalo shu yillar mobaynida akademik koʻrsatkichlari — baholarini yuqori darajada saqlab qolishga harakat qilishlari kerak.

Asia Pasific University uchun qabul jarayoni yiliga 4-5 marta boʻlib oʻtadi va dedlaynlari ham bir-biridan farq qiladi, bu yilgi dastur uchun eng oxirgi dedlayn 23-mart hisoblanadi.

• 12 yillik ta'limni  (akademik litsey/kollej) tamomlagan talabalar (11 yillik ta'lim ham hisobga olinishi mumkin, bunday holatda ariza topshirishdan oldin Yaponiya universiteti xodimlari bilan aloqaga chiqishingiz so‘raladi);
• Nomzodlar APU universiteti bakalavr kurslaridan biriga qabul qilingan bo‘lishi kerak;
• Nomzodlar eng kamida ingliz tilidan IELTS 6, iBt 75, TOEIC L&R 750, Cambridge Language Assessment 169, PTE Academic 50, EIKEN Grade Pre-1 ballariga ega bo‘lishi kerak;
• Barcha ta'lim olgan muassasalarida akademik ko‘rsatkichlari yuqori bo‘lishi talab etiladi.

• APU bakalavr kurslariga qabul qilingan talabalarga kontrakt to‘lovining 30%, 50%, 65%, 80%, 100% i qoplab beriladi;

Kontrakt to‘lovi miqdori bilan bu yerda batafsil tanishishingiz mumkin.

Bakalavr bosqichi uchun onlayn ariza topshiriladi, keyinchalik esa tasdiqlangan hujjatlar qog'oz shaklida Yaponiyaga yuboriladi;

Kerakli hujjatlar:

• 12 yillik ta'limdagi barcha hujjatlar: maktab shahodatnomasi, litsey/kollej diplomi va baholar;
• Motivatsion xat (Motivation Letter);
• Tavsiyanoma (Reference Letter);
• 3x4 rasm (orqasi oq fonda, oxirgi 3 oy ichida olingan bo‘lishi kerak);
• Pasport nusxasi (agar nomzod Yaponiyaga oldin borgan bo‘lsa pasportga pechat bosilgan qismini ham yuborish so‘raladi);
• Ariza uchun to‘lov qilinganligi haqida qog'oz (bu faqat shu to‘lov bank o‘tkazmalari orqali o‘tkazilgan holatlarda so‘raladi);
• Ariza shaklini barchasini to‘liq to‘ldirib yuborish so‘raladi, chala to‘ldirib yuborilgan arizalar qabul qilinmaydi.

Qo‘shimcha ma'lumot uchun bu yerdagi universitet saytiga murojaat qilishingiz mumkin.