Yaponiyada magistratura va doktorantura bosqichida o’qish uchun to’liq moliyalashtiriladigan MEXT grant dasturi

Yaponiyaning Taʼlim, madaniyat, sport, fan va texnologiyalar vazirligi (MEXT) tomonidan xorijiy talabalarga magistratura va doktorantura bosqichida oʻqish uchun toʻliq moliyalashtiriladigan grant — “Research Student” (Tadqiqotchi talaba) dasturiga arizalar qabul qilinmoqda.

Dasturga qabul qilingan talabalar 2027-yil aрrel оyidan (bahоrgi semestr) yоki sentyabr/оktyabr оylaridan (kuzgi semestr) bоshlab, оʼqishni bоshlashi mumkin.

Oʻqish uchun sohalar cheklanmagan. Biroq nomzodlar oʻzlari bakalavrda (magistratura uchun), magistraturada (doktorantura uchun) oʻqigan yoʻnalishlariga mos/aloqador sohani tanlashlari kerak. Ushbu dastur xorijiy talablarga tadqiqot qilish uchun imkoniyat beradigan, toʻliq moliyalashtiriladigan nufuzli grant dasturlaridan biri hisoblanadi.

Dastur haqida batafsil ushbu havоla оrqali tanishish mumkin.

• Yaponiya fuqarosi boʻlmaslik kerak;
• Magistratura uchun nomzodlar bakalavr diplomiga ega boʻlishlari yoki bakalavriatning oxirgi kursida oʻqiyotgan boʻlishlari, doktorantura uchun magistratura diplomiga ega boʻlishi yoki magistraturaning oxirgi bosqichida oʻqiyotgan boʻlishi kerak;
• 1992-yil 2-aprel va undan keyin tug’ilgan boʻlishi kerak;
• Jismonan va ruhan sogʻlom boʻlish kerak;
• Yapon tilidan bilim darajasi kamida boshlangich bo‘lishi kerak. Yapon tili sinovidan 0 olgan talabalar keyingi bosqichga o‘tmagan hisoblanadilar;
• Yaponiya madaniyati va tiliga qiziqishi boʻlishi kerak.

Dastur talablari bilan ushbu havola orqali tanishish mumkin. 

1. Yaponiyaga borish va kelish aviachiptalari qoplanadi;
2. Imtihon topshirish, universitetdan roʻyxatdan oʻtish va kontrakt toʻlovi toʻliq qoplab beriladi;
3. 143,000-145,000 yen ($1,015-$1,020) atrofida oylik stipendiya beriladi;
4. Olib borilayotgan tadqiqot sohasi va joyiga qarab oylik stipendiyaga yana 2,000-3,000 yen qoʻshib beriladi.

Quyidagi hujjatlarni topshirish talab etiladi:

1. Ariza shaklini - 1 ta asl nusxada, 2 ta koʻchirma nusxa;
2. Universitet tanlash shakli (Placement Preference Form) — 1 ta asl nusxa, 2 ta koʻchirma nusxa;
3. Oʻrganish sohasi va tadqiqot rejasi — 1 ta asl nusxa, 2 ta koʻchirma nusxa;
4. Oxirgi oʻqish joyidan baholari koʻrsatilgan diplomdan ilova - 1 ta tasdiqlangan nusxa, 2 ta tasdiqlangan nusxadan koʻchirma. Bitirmagan talablar har bir akademik yilda qayd etilgan baholaridan koʻchirma nusxa tadqim qilishlari kerak. Fanlar va baholarning inglizcha/yaponchaga tarjimasi universitet yoki notarius tomonidan tasdiqlangan boʻlishi kerak;
5. Oliy oʻquv yurtini bitirganlik haqida diplom (oxirgi oʻqish joyi boʻyicha) — 1 ta tasdiqlangan nusxa, 2 ta tasdiqlangan nusxadan koʻchirma. Hali diplom olmagan talabalar oʻzlari oʻqiyotgan oliy oʻquv yurtidan shu yerni maʼlum bir muddatda tugatishini tasdiqlovchi maʼlumotnoma taqdim etishlari zarur;
6. Bitirgan oliy oʻquv yurtidan tavsiyanoma (rektor, dekan, yoki ilmiy rahbaridan) — 1 ta asl nusxa, 2 ta koʻchirma nusxa. Tavsiyanoma shakli ixtiyoriy;
7. Tibbiy guvohnoma — 1 ta asl nusxa, 2 ta koʻchirma nusxa. 2024-yil uchun belgilangan namunadagi shakl ingliz tilida toʻldirilishi, doktor imzosi va muhri boʻlishi shart. Tibbiy guvohnomani istalgan joydan poliklinika yoki xususiy shifoxonadan olishingiz mumkin;
8. Ilmiy ish konspekti - ingliz yoki yapon tilidagi tezislar, yaʼni ilmiy (diplom, kurs) ishining qisqacha mazmuni;
9. Ishlaydiganlar uchun hozirgi ish joyidan tavsiyanoma — 1 ta asl nusxa, 2 ta koʻchirma nusxa;
10. Til bilish darajasini tasdiqlovchi hujjat(lar) — IELTS, TOEFL, JLPT va boshqalarning 3 ta nusxasi (majburiy emas). Bu hujjatlarning asl nusxasi topshirilmaydi. Bunday hujjatga ega boʻlmagan nomzodlar, shunchaki shu qismini qoldirib ketishadi;
11. Sanʼat asarlarining fotosurati yoki CD da ovoz-video yozuvi — 1 ta asl nusxa, 2 ta koʻchirma nusxa. Bu materiallar faqat musiqa va sanʼat sohasiga hujjat topshirayotgan nomzodlardan talab qilinadi;
12. Barcha hujjatlarni toʻldirish uchun ariza shaklini bu yerdan yuklab olish mumkin.

Hujjat tорshirish jarayоnlari haqida batafsil ushbu havola orqali maʼlumоt оlish mumkin.

Hujjat topshirish jarayonlari:

1. Tayyor boʻlgan hujjatlar 3 ta toʻplamda: birinchisida asl/tasdiqlangan nusxalari, qolgan 2 ta toʻplamda koʻchirma nusxalari Yaponiyaning Oʻzbekistondagi Elchixonasiga 2026-yil 25-maygacha topshirilishi kerak;
2. Yaponiyaning qaysi universitetida oʻqishni talabaning oʻzi tanlaydi. Qoidaga koʻra, talaba 3 ta universitet roʻyxatini tashkilotchilarga taqdim qiladi. Undan keyin, talaba universitet bilan mustaqil ravishda bogʻlanib, universitetga kirish harakatlarini oʻzi amalga oshiradi.