Yaponiyaning jahon miqyosidagi kimyo va farmatsevtika kompaniyasi - Teyjin tomonidan “Barqarorlik va farovonlik uchun innovatsion yechim” xalqaro startaplar tanlovi

Yaponiyaning jahon miqyosidagi kimyo va farmatsevtika kompaniyasi Teyjin tomonidan “Barqarorlik va farovonlik uchun innovatsion yechim” xalqaro startaplar tanlovi e'lon qilinadi. Tanlovda ishtirokchilar Teyjin kompaniyaning global muammolarni hal qilishda yordam beradigan yechim yoki texnologiyalar boʻyicha gʻoyalar taqdim etib, Teyjin mutaxassislari bilan hamkorlikda oʻz gʻoyalarini ishlab chiqishlari va yirik pul mukofotlarini qoʻlga kiritishlari mumkin.

Loyihalar uchun mavzular:

• Atrof-muhit muhofaza qilish;
• Xavfsizlik va tabiiy ofat oqibatlarini yumshatish;
• Sogʻliqni saqlash tizimini takomillashtirish.

Har bir yo‘nalish haqida batafsil bu yerdan ma'lumot olish mumkin.

Gʻoliblar quyidagicha taqdirlanadi: 

• 1-oʻrin — $20 000
• 2-oʻrin — $13 000
• 3-oʻrin — $8 000

Tanlovga arizalar 14-noyabrga qadar qabul qilinadi.

• Yuridik shaxs boshqaradigan, maʼlum bir innovatsion yechim taqdim eta oladigan har qanday startap loyihalari taqdim etilishi mumkin;
• Shuningdek, topshirilayotgan startap loyihalar oxirgi 3 oy davomida roʻyxatdan oʻtgan boʻlishi kerak.

• Ishtirokchilar Teyjin mutaxassislari bilan hamkorlikda oʻz gʻoyasini ishlab chiqishlari va yirik pul mukofotlarini qoʻlga kiritishlari mumkin;
• Gʻoliblar quyidagicha taqdirlanadi: 1-oʻrin — $20 000, 2-oʻrin — $13 000, 3-oʻrin — $8 000

Hujjatlarni qabul qilish bosqichlari:

1. Tanlovga arizalar 2021-yil 13-sentyabrdan 14-noyabrga qadar quyidagi havola orqali roʻyxatdan oʻtgandan keyin qabul qilinadi.
2. 17-noyabrdan 1-dekabrga qadar topshirilgan va qabul qilingan arizalar hakamlar hayʼati tomonidan koʻrib chiqiladi va eng yaxshi 30 ta startap loyihalar tanlab olinadi.
3. 6-dekabrdan 18-yanvarga qadar Teyjin xodimlari ovoz berish yoʻli orqali 8 tagacha final bosqichiga qabul qilingan startaplarni tanlab olishadi.
4. 2022-yil 24-yanvardan 27-fevralga qadar tanlangan ishtirokchilarga Teyjin mutaxassislari tomonidan loyihalarini yanada yaxshilash uchun maslahatlar beriladi va ishtirokchilar gʻoyalarini batafsil tarzda koʻproq maʼlumotlar bilan boyitib qaytadan taqdim etadilar.
5. 2022-yil Mart oyining boshlarida finalchilar loyihalarini Teyjin hakamlar hayʼati aʼzolariga 5 daqiqa davomida onlayn holatda taqdim etishlari kerak, keyin 10 daqiqa davomida savol-javob qilinadi. Gʻoliblar final bosqichi oʻtganidan soʻng eʼlon qilinadi.

Ishtirokchilar PPT yoki PDF formatida 5-10 ta slayd topshirishlari va ariza shaklidagi savollarga javob yuborishlari soʻraladi. Ular quyidagilarni oʻz ichiga oladi:

• Startap taqdimoti
• Muammoga yechim
• Yechimning umumiy koʻrinishi
• Amalga oshirish rejasi
• Biznes modeli
• Teyjin kompaniyasiga aloqadorligi

• Tanlov haqidagi barcha qonun-qoidalar bilan bu yerda batafsil tanishib chiqish mumkin.
• Eng ko‘p so‘raladigan savollar bo‘yicha bu yerdan ma'lumot olish mumkin.