Yaponiyaning Matsumae Xalqaro Jamg‘armasidan doktorantlar uchun barcha xarajatlari qoplanadigan ilmiy-tadqiqot amaliyot dasturi
-
01/04/2021 Qabul boshlanishi
-
Toʻliq Moliyalash turi
-
Yaponiya Davlat
-
30.06.2021 Oxirgi muddat
Umumiy maʻlumotlar
Yaponiyaning Xalqaro Matsumae Jamg‘armasi (MIF) o‘z asoschisining “Yaponiyani yanada chuqurroq o‘rganish va doimiy tinchlik sari” konsepsiyasiga asoslangan holda 1980-yildan beri Hamdo‘stlik Tadqiqot Dasturini o‘tkazib keladi. Ushbu dastur butun dunyoda doktorantlarning Yaponiyadagi 3 oydan 6 oygacha bo‘lgan tadqiqot ishlari xarajatlarini to‘liq moliyalashtiradi. Dastur 2022-yil uchun ham qabul boshlanganini e’lon qiladi.
Maqbullik shartlari
- PhD darajasiga ega bo‘lishi
- 49 va undan kichik yoshda bo‘lishi
- Ingliz yoki yapon tilida yetarli malakaga ega bo‘lishi
- Yaponiya institutidan taklif xatini olgan bo‘lishi
- Ayni paytda yoki avval Yaponiyada yashamagan bo‘lishi (ekskursiya va anjumanlar kabi qisqa muddatli qolish bundan mustasno)
- O‘z mamlakatida ishlaydigan ish bo‘lishi, dastur muddati tugagandan so‘ng ish joyiga qaytib dastur davomida olgan malakalari asosida mamlaktining rivojiga hissa qo‘sha olishi kerak
Foydali tomonlari
- Oyiga 220,000 yena ($2,000) stipendiya
- Yaponiyaga borib kelish safar xarajatlari
- Yaponiyada yangi tadqiqot turini boshlashga boshlang'ich xarajatlarni qoplash uchun 120,000 ($1,100) iyena
- Sug‘urta
Qoʻshimcha maʻlumotlar
Arizalar MIF (Matsumae International Foundation)ning Tanlov qo'mitasi tomonidan ilmiy qiymati va tadqiqot loyihalarining mukammalligi darajasi asosida baholanadi;
Natijalar MIF veb-saytida 2021-yil dekabrda e'lon qilinadi;
MIF muvaffaqiyatli nomzodlarga Grant xatlarini yuboradi;
MIF muhokamalarini e'lon qilmaydi, shuningdek shaxsiy arizalar bo'yicha so'rovlarni ham qabul qilmaydi;
MIF Tanlov Qo'mitasi tomonidan qabul qilingan qarorlar sabablarini izohlamaydi.