Yaponiyaning The Goi Peace jamgʻarmasidan xalqaro insholar tanlovi. Bosh mukofot – $660

1. Dastur haqida: Yaponiyaning The Goi Peace Foundation – UNESCO tashkiloti oʻzining yillik insholar tanlovini eʼlon qiladi. Tanlovda sohasidan qatʼiy nazar 25 yoshgacha boʻlgan barcha yoshlar qatnasha oladi. Tanlov quyidagi yosh kategoriyalari boʻyicha 2 guruhda boʻlib oʻtadi:

• Childrenʼs category — 14 yoshgacha boʻlgan bolalar kategoriyasi;
• Youth category- 15-25 yoshlar oraligʻidagi yoshlar kategoriyasi

International Essay Contest for Young People International Essay Contest for Young People nomli yillik insholar tanlovi tinchlik va barqaror rivojlanish madaniyatini targʻib qilishda dunyo yoshlarining kuchi, ijodkorligi va tashabbusidan foydalanish maqsadida tashkil etilgan. Tanlov jamiyatni yosh avloddan oʻrganish va har birimiz dunyoda qanday oʻzgarishlarni amalga oshirishimiz mumkinligi haqida fikr yuritishga undashga qaratilgan.

Insho “My experience of overcoming conflict” ("Nizoni hal etishda mening tajribam") mavzusida yozilishi kerak.

Insho tili: ingliz, fransuz yoki yapon tili.

Tanlovda gʻolib boʻlgan ishtirokchilar $660 gacha boʻlgan pul mukofotlari, sertifikatlar hamda sovgʻalarni qoʻlga kiritishadi.

Dasturda ishtirok etish uchun nomzodlardan quyidagilar talab etiladi:

• Tanlovda ikki yosh toifasida qanashish mumkin:
• 14 yoshgacha;
• 15-25 yoshgacha. 
• Tanlovda yakka tartibda ishtirok etish kerak. Yoki oʻqituvchilar oʻz oʻquvchilarining insholarini toʻplam sifatida topshirishi ham mumkin;
  Insholarga qoʻyilgan talablar:
• Insho ingliz yoki fransuz tilida yozilishi va 700 ta soʻzdan iborat boʻlishi (agar yapon tilida boʻlsa, 1600 belgidan oshmasligi) va kompyuterda yozilishi lozim;
• Insholar faqatgina bir shaxs tomonidan yozilishi kerak. Guruh boʻlib yozilgan insholar qabul qilinmaydi;
• Inshoning yuqori qismida qatnashuvchining ismi va insho mavzusi yozilishi kerak. Bunda qatnashuvchining ismi va insho mavzusi soʻzlar soniga kiritilmaydi;
• Insholar uchun aniq format (shrift turi, hajmi va b.) belgilanmagan. Lekin insho Ms Word (DOC/DOCX) yoki PDF formatda joylanishi kerak;
• Insholar ushbu havola orqali onlayn topshiriladi. Email orqali joʻnatilgan ishlar qabul qilinmaydi;
• Har bir kishi faqat birgina insho bilan qatnasha oladi;
• Insholar koʻchirilmagan va oldin chop etilmagan boʻlishi kerak.

Dasturga g’oliblariga mos ravishda quyidagi mukofotlar beriladi:

• 1 — oʻrin sohibi sertifikat, 100 000 yen (2024-yil fevral holatiga koʻra taxminan 660 AQSh dollari) mukofoti va sovgʻaga ega boʻladi. Bu sovrin faqat 1 nafar ishtirokchiga beriladi;
• 2 — oʻrin sohiblariga sertifikat, 50 000 yen (2024-yil fevral holatiga koʻra taxminan 330 AQSh dollari) mukofoti va sovgʻa beriladi. Bu sovringa 3 nafar ishtirokchi ega boʻladi;
• 3 — oʻrin sohiblari sertifikat va sovgʻalarga ega boʻladi. 5 nafar ishtirokchi bu sovrinni qoʻlga kiritadi;
• 25 nafar ishtirokchi faxriy yorliq, sertifikat va sovgʻalar bilan mukofotlanadi.
• Qoʻshimcha mukofotlar (Best School Award, School Incentive Award) ham berilishi mumkin.

1-3-oʻrin egalari onlayn oʻtkaziladigan The Winners Gathering yigʻilishiga taklif etiladi.

Insholar faqat onlayn topshirilishi kerak. Insholarni onlayn topshirish uchun ushbu sayt da ro'yxatdan o'tish lozim. Oʻqituvchilar va yoshlar direktorlari onlayn roʻyxatdan oʻtish sahifasida maktab / tashkilot nomzodi uchun hisob (account) ochish orqali oʻz sinflari yoki guruhlaridan insholar toʻplamini taqdim etishlari mumkin.

Hujjat topshirish tartibi haqida batafsil ushbu havola orqali tanishish mumkin.

Tanlovning barcha gʻoliblari 2024- yilning 31 – oktyabr oyida ushbu saytda eʼlon qilinadi. Sertifikatlar va sovgʻalar dekabr oyida gʻoliblarga joʻnatiladi. 

Tanlov haqida batafsil ushbu PDF fayllar orqali ma'lumot olish mumkin:

• Ingliz tilida;
• Fransuz tilida;
• Yapon tilida.

Eng koʻp berilgan savollar va uning javoblari bilan ushbu havola orqali tanishish mumkin.

Qoʻshimcha savollarga batafsil ushbu havola orqali javob olish mumkin.