Kanadada boʻlib oʻtadigan One Young World sammitida toʻliq moliyalashtirilgan holda ishtirok etish uchun bp kompaniyasi tomonidan grant — Net Zero Scholarship dasturi

2016-yildan beri har yili “Yagona yoshlar sammiti” (One Young World Summit) 18 yoshdan 30 yoshgacha boʻlgan iqtidorli yoshlar oʻtkazilib kelinmoqda. Bu yil ham yetakchi yoshlar 2024-yilning 17-21 sentyabr kunlari Kanadaning Monreal sharida boʻlib oʻtishi rejalashtirilgan.

Sammitda ishtirok etish uchun bp kompaniyasi Net Zero Scholarship grant dasturini taklif qiladi. Ushbu dasturdan koʻzlangan maqsad sayyoramiz uchun energiya ishlab chiqarish texnologiyalari ustida ishlayotgan yoki oʻz gʻoyasiga ega boʻlgan yosh innovatorlarni aniqlash va ularni qoʻllab-quvvatlashdan iborat.

Grant sohiblari bp delegatsiyasi sifatida Monrealda boʻlib oʻtadigan “Yagona Yoshlar Sammiti”da ishtirok etish bilan birga , u yerda biznesdagi tengdoshlari bilan uchrashadi va fikr almashish imkoniyatiga ega boʻladilar. 
Barcha xarajatlar kompaniya tomonidan toʻliq moliyalashtiriladi.

Dasturda ishtirok etish uchun nomzodlar quyidagi talablarga javob berishi lozim:

• Dasturda 18-30 yosh orasida boʻlgan istalgan davlat fuqarosi ishtirok eta oladi;
• Sohaga doir oʻzgarishlarni amalga oshirishda ijobiy natijalarga erishib kelayotgan boʻlishi kerak;
• Kuchli yetakchilik qobiliyatiga ega boʻlishi kerak;
• Mahalliy yoki global muammolarga befarq boʻlmasligi lozim;
• Ingliz tilida erkin muloqot qila olishi shart;
• Quyidagi sohalarda natijaga ega boʻlgan boʻlishi zarur:
  • Quyosh va shamol kabi energiya texnologiyalarini takomillashtirish;
  • Dekarbonizatsiyalangan energiyadan foydalanishni yaxshilash;
  • Uy xoʻjaliklarida, shaharlarda va sanoatda chiqindilarni kamaytirish uchun innovatsiyalar;
  • Ilgʻor iqlim siyosatini himoya qilish.

Eslatma! Dastur talabi 18-30 yosh boʻlsa-da, yuqoridagi talablarga javob beruvchi, oʻz tashabbusi va kuchli salohiyatga ega 30 yoshdan kattalar ham ishtirok etishi mumkin. Ammo Sammit boʻladigan vaqtda 18 yoshdan kichik boʻlganlar uchun bunday istisno amal qilmaydi.

Dasturga qabul qilinganlar quyidagi imtiyozlarga ega boʻladi:

• Monrealda boʻlib oʻtadigan One Young World Summit-2024da bepul ishtirok etadi;
• Sammit kunlari (2024-yilning 17-21 sentyabr kunlari) Monrealda istiqomat qilish uchun turarjoy bilan taʼminlanadi;
• Borib-kelish xarajatlari qoplanadi;
• Ishtirokchilarga bepul nonushta, tushlik, kechki ovqat beriladi;
• Sammit oʻtkaziladigan joylarga borish uchun transport bilan taʼminlanadi;
• bp kompaniyasining maxsus dasturlarida, jumladan, sammitdan oldingi va keyingi brifinglarida ishtirok etish imkoniyatiga ega boʻladilar.

Dasturda ishtirok etish uchun nomzodlar ushbu havola orqali ariza topshirishlari lozim.

Koʻp beriladigan savollar va ularning javoblari bilan ushbu havola orqali tanishib chiqish mumkin.

Qoʻshimcha maʼlumotlar va savollar uchun:

Tel: +44 (0)20 3691 8060

Elektron pochta: info@oneyoungworld.com; stefan.kovacevic@oneyoungworld.com partnerships@oneyoungworld.com anais.nee@oneyoungworld.com

Ushbu manzil orqali ham murojaatlar qabul qilinadi.