Germaniyada boʻladigan 6 kunlik xalqaro One Young World sammitida ishtirok etish uchun Z Zurich Foundation Scholarship dasturi. Barcha xarajatlar toʻliq qoplanadi!

2016-yildan beri har yili “Yagona yoshlar sammiti” (One Young World Summit) 18 yoshdan 30 yoshgacha boʻlgan iqtidorli yoshlarni kashf qilish maqsadida oʻtkazilib kelinmoqda. Bu yil ham yetakchi yoshlar 2025-yilning 1-6 noyabr kunlari kunlari Germaniyaning Myunxen shahrida boʻlib oʻtishi rejalashtirilgan.

Ushbu sammitda ishtirok etish uchun Z Zurich jamgʻarmasi tomonidan 30 nafar faol yoshlarga toʻliq grantlarni taklif etadi. Ushbu jamgʻarma aslida zaif odamlarga oʻzlarini xavf-xatarlardan yaxshiroq himoya qilish va tez oʻzgaruvchan dunyoga moslashish va rivojlanish imkoniyatini beradi.

Z Zurich jamgʻarmasi aholi orasida ruhiy salomatlikni yaxshilash va ijtimoiy tenglikni taʼminlashni kabi gʻoyalarni targʻib qilishni maqsad qilgan boʻlib, dunyoning eng faol yosh liderlarini xalqaro One Young World Sammitida ishtirok etishlarini qoʻllab-quvvatlaydi.

Dasturga qabul qilingan 30 nafar nomzod Myunxenda boʻlib oʻtadigan One Young World sammitida ishtirok etish bilan birga , u yerda biznesdagi tengdoshlari bilan uchrashadi va fikr almashish imkoniyatiga ega boʻladilar. Barcha xarajatlar jamgʻarma tomonidan toʻliq moliyalashtiriladi.

Dasturda ishtirok etish uchun nomzodlar quyidagi talablarga javob berishi lozim:

• Dasturda 18-30 yosh orasida boʻlgan istalgan davlat fuqarosi ishtirok eta oladi;
• Nomzod Ingliz tilida erkin muloqot qila olishi zarur;
• Sohaga doir oʻzgarishlarni amalga oshirishda ijobiy natijalarga erishib kelayotgan faol lider boʻlishi kerak;
• Mahalliy yoki global muammolarga befarq boʻlmasligi kerak;
• Z. Zurich jamgʻarmasining boshqa stipendiya nomzodlari va xodimlari bilan oʻzaro hamkorlik qilishga tayyor boʻlishi lozim;
• Z. Zurich jamgʻarmasi ishiga mos keladigan sohada ijobiy natijalarga erishgan boʻlishi darkor:
  • Ruhiy salomatlikni yaxshilash;
  • Ijtimoiy tenglikni faollashtirish;
  • Iqlim о'zgarishiga mоslashish.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlarga ega bo'ladi:

• Myunxenda boʻlib oʻtadigan One Young World Summit-2025 da bepul ishtirok etadi;
• Z Zurich jamg'armasi tomonidan tashkil etilgan qo'shimcha stipendiya dasturlarida ishtirok etish imkoniyatiga ega bo'ladi. Bunda ishtirokchilarga Zurich jamg'arma guruhining delegatsiyasi bilan One Young World Summit-2025 sammiti oldidan va undan keyingi davra va uchrashuvlarida ishtirok etish, shuningdek, ushbu jamg'arma uchun o'z takliflarini berish imkoniyati beriladi;
• Sammit kunlari (2025-yilning 1-6-noyabr) Myunxenda istiqomat qilish uchun turarjoy bilan taʼminlanadi;
• Borib-kelish xarajatlari qoplanadi;
• Ishtirokchilarga bepul nonushta, tushlik, kechki ovqat beriladi;
• Sammit oʻtkaziladigan joylarga borish uchun transport bilan taʼminlanadi.

Dasturda ishtirok etish uchun nomzodlar ushbu havola orqali roʻyxatdan oʻtishlari va kerakli maʼlumotlarni toʻldirishlari lozim.

Dasturga muvaffaqiyatli qabul qilinish usullari haqida ushbu havola orqali maʼlumot olish mumkin.

Koʻp beriladigan savollar va ularning javoblari bilan ushbu havola orqali tanishib chiqish mumkin.

Qoʻshimcha maʼlumotlar va savollar uchun:

Tel: +44 (0)20 3691 8060

Elektron pochta: info@oneyoungworld.com; stefan.kovacevic@oneyoungworld.com partnerships@oneyoungworld.com anais.nee@oneyoungworld.com

Ushbu manzil orqali ham murojaatlar qabul qilinadi.